laila adel
Admin
 الابراج : عدد المساهمات : 3489
نقاط : 8559
السٌّمعَة : 14
تاريخ التسجيل : 06/09/2009
العمر : 26
الموقع : كنيسة الشهيد ابانوب النهيسى بالمندرة
 | | موضوع: معجزة الست دميانه ليوم 9/9/2010 السبت 11 سبتمبر - 13:05 | |
|  حدثت هذة المعجزة يوم الخميس 9/9/2010 اثناء وجودنا بدير الشهيدة العظيمة القديسة دميانة والاربعون عذراء بالبراري
خرجنا مع ابونا لنتأمل ومشينا وسط الزروع في المنطقة المحيطة بالدير وايضا ذهبنا لمنطقة الارض الحمراء((مكان استشهاد الست دميانة والعذاري عندما لم تشرب الارض دماء الشهيدات بل غلف الدم ذرات الرمال هناك اصبح لونها احمر حتي هذا اليوم))
وبعد رجوعنا للدير بدأت احدي البنات تشكو من عينها في البداية غشاوة وعدم وضوح الرؤية وبعدين الم وحرقان فطلعنا نجري بسرعة علي امنا الراهبة المسؤولة عن بيت الخلوة في الدير واعطتنا قطرة له لكنها معملتش حاجةا............بالعكس...غمضت عنيها ومكنتش قادرة تفتحهم خالص ...........!!!شكينا في وجود قرحة بالعين وخفنا من انها تصاب بالعمي فجرينا علي امنا ثاني نشكو ونصرح
+((ايه العمل؟؟ ارجوكي يا امنا خديها ووديها لواحدة من الراهبات الطبيبات..........انا عارفة ان فيه كتير هنا))
+الام الراهبة(( لا دلوقتي الامهات كلهم ناموا والوقت اتأخر اوي مينفعش نصحيهم))
+طيب..........طيب نكلم ابونا ياخد تاكسي ويوديها حتي بره لاي دكتور..........
+الام الراهبة((لا بوابة الدير اتقفلت مينفعش تتفتح دلوقتي كمان مفيش مواصلات...........اطلعو اعملوا للست دميانة تمجيد))
+يا امي.......انا خايفة عليها دي مش بتشوف........ممكن تتعمي كده..........!!
الام الراهبة((لا ازاي يا بنتي دي عند الست دميانة ......الست دميانة تتصرف وتشوفها........روحو اعملولها تمجيد يلا))
وفعلا اتجمعنا كلنا في قلايتنا وعملنا التمجيد ورفعنا صلاة وبعدها نمنا وقمنا الساعة 4 الفجر كلنا علشان نقوم بعمل التسبحة في المجمع((مكان بنعمل فيه التسبحة كلنا مع أمنا في مبني تاني بعيد عن بيت الخلوة اللي فيه قلايتنا))
وسبناها لوحدها..........وكانت صاحية وزعلانة جدا جدا ومن كتر المها عاتبت الست دميانة وقالتلها((كده يعني انا جاية عشان اقعد كده؟؟؟ ومنزلش اسبح واصلي؟؟؟))
وفي نفس اللحظة بتقول لقت نور كبير في الاوضة بتاعتنا وصوت رقيق اوي بيقولها...........((تفتكري يعني انتي تبقي عندي هنا واسيبك تروحي كده؟؟............يلا يلا قومي وصلي التسبحة معاهم))
وفتحت عنيها لقت القلاية ضلمة.......وهي لوحدها وبتشوف فطلعت تجري علي القلاية اللي جنبنا في بيت الخلوة وصحت البنات من النوم وقالتلهم شوفتو اللي حصل؟؟ كذا وكذا وكذا............وكانت عنيها بتنزل حنوط وزيت وقعدت تبكي.......
وفعلا نزلت المجمع وصلت التسبحة معانا وكانت مفاجأة لينا كلنا ذهلنا ....................
++++اشكرك يا ربي يسوع يا حبيبي لانك في كل جيل لم تترك نفسك دون شاهد................اشكرك يا ست دميانة علي سرعة استجابتك وعلي حنية قلبك بجد انتي اختنا وموجودة وسطنا ...........اذكرينا قدام الرب ليغفر لنا خطايانا ........
....++++++ | |
|
