صداقة أخر زمن
نتكلم في هذا النص عن مصلحة الصداقة بأن يأخذ منك مصلحته وبعد ذلك إذا احتجته لا تجده أمامك ويتخله عنك بعد ذلك .
يوجد في نص 6شخصيات.
أم سمير:
1/ حمد: عاشق رسم إنسان طموح .وطيبته الزايده تخربه
2/ سمير: يلعب على الحبلين وشيخ النصابين
3/ مشعل: رجل طيب لا يستطيع اخذ القرار لوحده
4/ بو سمير: مسوي روحه عارف كل شي ويعيد الكلام مرتين
5/هاني: صديق سمير من فتره وأنقطعوا
6/فتحي: ضحيه جديده من سمير
الآن نبدأ....
الشخصيات الحوار
اللوحة الأولى
خلف الكواليس
ام سمير يا وليدي لاتطاوع ابوك خله يولي ما وراه الا التعب و المشاكل
سمير انشاء الله
بو سمير ما عليك من امك ذي ما تعرف مصلحتك
أنتي لا تدخلين بيني وبين ولدي أهو مكتوب بسمي مو بسمش
سمير انشاء الله
ام سمير شفيك انت ولدي حملته 9 شهور تبيه يضيع مني
بو سمير قلتلش ما لش شغل فيه انتي ما تعرفين مصلحته عدل
حدش بس تسوين بيض على طماطتين ولا بعد محترق
شف يا سمير سو الي اقولك يا وليدي
واذا نجحت اعطيك سيارت ولد الجيران .شرايك فيها؟
سمير (دخل على المسرح)
وووف فيختوني ما صارت
بوسمير سو الي اقولك عليه و أخطبلك
سمير شنو
بو سمير اخطبلك
سمير انت بتخطبلي
بو سمير أي
سمير أنا من شفت ذوقك في امي وأنا غاسل ايدي
بو سمير استح على وجهك
انت كل شي مو جاي ينفع معك
سمير خلاص يا يبه الي تبيه راح يصير شتبي بعد
بو سمير ابي اضحك
سمير يقولك. محشش ركب في الطياره لمن شاف البرق
قال اهب عليك ياساهر حتى في الجو لا حقنا.
بوسمير ههههههههه موتني من الضحك يا وليدي
سمير يا يبه أنا بطلع بروح يم الشباب
بوسمير يالله حتى انا بطلع بس لا تنسى الي قلت لك انتبه زين فاهم
سمير انشاء الله باي
اللوحه الثانيه
حمد جالس يرسم
سمير (دخل )
سلام عليكم
حمد وعليكم السلام ورحمة الله وبركاته
سمير شخبارك أنت بس عساك بخير؟
حمد الحمد الله ولله بخير.
هذا أحنا جالسين نرسم
سمير وأنا من عرفتك وأنت جالس ترسم مدري شنو أخرتها يعني الحين ينقالك بتطلع بونجيب العباد الحين وأنت ترسم .
(أي اسم مشهور في الوسط المحيط)
حمد الله يهديك بس
بشارك بلوحه في مهرجان مركز حي الملك فهد الثقافي
بأخذ الهدية أنشاء الله
سمير شنو بيعطونك اذا شاركت
ليكون كراسة رسم بيشترونها لك من قرطاسيه عادل
حمد لا ولله 500 ريال
سمير الله من جدك
حمد أي نعم
سمير شف لا تعب نفسك من الحين أقولك ما راح تفوز بالهدية
بلا مهرجان بلا خرابيط يمشون بالواسطة عندك واسطة بتاخذ الهدية إذا ما عندك ما راح تاخذها
حمد وأنت مين قالك لازم وسطه يعمي ذي مؤسسة خيرية مو حكومية فيها قانون
سمير يا عمي رح
حمد شريك بس في اللوحة ذي يصلح أشارك فيها في المهرجان ؟
سمير شنو هل رسمه إلي رسم ذي من جدك ذي الحين بتفوز فيها
يرحم ولديك ليكون رسمينها توم جيري وأنا ما ادري
مشعل (دخل )
هلا بالشباب
حمد هلا بيك
سمير حمد تعال أبقاك في جمله مفيدة
مشعل ليكون بتخليه نائب فاعل
سمير هههههه نضحك يعني
أقول بس اترك عنك ذا ترى راعي تفحيط في شوارع المحدود
حمد صج
سمير أي شفيك هذى الإشكال ما يعرف لهم إلا أنا
لا بعد ذا إلي يمك راعي دخان
حمد لا يا رجال يمكن واحد يشبه له مو أهو انا اعرفه من سنين قبل لا اعرفك
مشعل (شاف رسمه )
شنو ذا يا حمد مين راسم رسمه ذي ليكون أنت
حمد أي ولله أنا
مشعل ما شاء الله عليك مبدع لك مستقبل زاهر
سمير زاهر ولا طاهر
سمير (يكلم نفسه )
مدري منين طلعلي هذا بعد الثاني نبي نطلع من ورآه كم قرش شكلنا بنطلع بلا حمص
مشعل المهم شباب أنا جاى لكم اليوم أبي اعرف واجب الرياضيات شلون حله حاولت فيه بس ما فيه فايدة مو عارف أحله شكل غير متغيرات بانجليزي احنا خل نفهم الرياضيات س وص عشان يجيبون انجليزي x, y
حمد أي ولله ولا بعد حتى تلخيص الرياضيات على الصبورة ممنوع مدري طالب شلون بيفهم رياضيات إنا ما ادري وشفيها التربية والتعليم يا جماعه ذا الرياضيات مو ماده انجليزي
ليكون يحسبون طالب مركب هاردسك وحد قيقى في عقله يا أخي مو جايين يرحمونا ويقولون ليش الطلاب يموتون في الاختبارات
مشعل خلها على الله الرياضيات يهون ولا عمى الكميا والفيزيا هذيلي أول مره بدرسهم مدري شنو بنسوي فيهم يالله خلها على لله لو بتم بهذر ما راح اخلص
المهم واجب الرياضيات حليتوه ؟
سمير ولله أنا عن نفسي مو مستعد أضيع وقتي في حل مسائل رياضيات وهاي وهاي يروحن ما تنفع معي حتى وايش بعد ما تنفع . خليت الحل لكم
حلوه بعدين أنا انقله
حمد ومشغل جلسوا يتناقشون في حل المسألة
سمير يا شباب أنا بكلمكم بصراحة في موضوع
مشعل إنشاء الله خير
حمد أنزين شنو الموضوع
سمير الموضوع يا طويل العمــــــــر ....
مشعل قل لا تخاف نعين ونعون
حمد تبي نوديك محل مشوار شي
سمير لا لا مو شذا
مشعل شكلك اجل تبي تتزوج ومستحي تفاتح ابوك في الموضوع
سمير لا لا
حمد اجل شكلك انت سويت مثل سالفت خوينه الاعب المنحوس
سمير شنو سالفته
حمد سجل هدف ، لما عادوه بالحركة البطيئه ، طلعت الكوره كورنر(برا)
سمير لا انا محتاج فلوس
حمد بس حسبنا شي عود .كم تبي؟
سمير ما ابي واجد بس (100 )ريال مو واجد
حمد تامر امر كم سمير عندنا ندفع لك انا ومشعل ولا يهمك
مشعل إنا عاد ما عندي الحين ولا ريال
حمد شف عاد يا سمير ما عندي إلا 90ريال الحين
سمير ما عليه أنت بس جبهم
حمد مو مشكله(عطاه الفلوس)
سمير رن الجوال
الو ....هلا يبه....إنشاء الله أحين أنا بجي البيت
سمير عن أذنكم شباب بروح البيت بشوف الشايب شنو يبي الوعد في الجلسه(طلع)
مشعل أقول يا حمد .
حمد امر
مشعل قلبي مو مرتاح له
حمد أي عاد ليش
مشعل شكله ما راح نشوفه مره ثانيه
حمد هااا ليش ما راح نشوفه مره ثانيه
مشعل شكله رجال نصاب
حمد أنزين شلون ولحل شلون نكشفه
مشعل عندي يا حمد وأنا بوهندي
حمد أي عاد علمني شلون ؟
مشعل قم وأنا أعلمك
حمد يالله اجل مشينه
اللوحة الثالثة
بو سمير (جالس وحاط الجحه يمه وجالس ياكل )
سمير هلا يبه شخبارك شلون لعيال زينين
بو سمير أي أي أنا زين زين
بس ما شوف فلوس فلوس . أنا الأسبوع ذا
سمير الا يا يبه فيه بس شكله صعب اشوي
بس طحت على واحد مغفل وعنده فلوس يا هي فلوس
لو يستوي إلي أبيه كان نعيش في بانكوك
ونصير عائلة بو سمير في بانكوك مثل طارق العلي
بو سمير ههههههههههه
أي أي ادري أنا ادري عنك يا ولدي مو سهل أنت طالع على أوبوك
سمير بس طلعنا من ورآه 90 ريال
بوسمير زين زين أقوى من راتب الحكومة
سمير (رن الجرس)
مين في الباب ؟
مشعل أنا مشعل
سمير وشفيك زاعجنا داق جرس علينه صاير مزعج
مشعل حمد حمد في المستشفي
سمير هاااا حمد في المستشفى (فتح ثمه . رد فعل)
مشعل أي في المستشفي
سمير عسى ما شر شنو فيه؟
مشعل صار عليه حادث
سمير شنو صار له ؟
مشعل صار ما يعرف يمشي محل الحادث . يالله قم نروح المستشفى
سمير أي هذا أنت قلتها يعني صار مشلول يا بوي سمحلي أنا ما امشي مع واحد مشلول ليش افشل روحي خلك أنت معاه أحسن أذا قام يمشي تعال كلمني
مشعل أنزين والفلوس
سمير أي فلوس
مشعل فلوسه الي خذت
سمير شف لا تعور راسي مو فاضي لك أنا ما أخذت منك شي ويالله ضف ولا تجيني البيت مره ثانيه تبيني تعال في الجلسة لي سامع
مشعل (طلع)
بو سمير أي ياولدي عفي عليك شلك ابه لا تبيه ذا خله يولي واحد مشلول
بكره تعتل ابه أنت بس ما خذت فلوسه هذا المهم بس لو جايب من أكثر بعد أحسن أحسن أي أي
سمير أي أنا ادري يا يبه بخليه يولي حته اذا شفته في المدرسة بخليه يولي واحد مشلول ما احد قاله ما ينتبه من سيارات هذا أنا اكبر فحيط ما حد مسكني ولا صدمت خبره منك يا الوالد
بو سمير أقول يا ولدي شد على روحك في الدراسة. ولعب على الحبلين فهم فهم ياولدي
سمير لا توصي حريص مساعه الشباب مسألة تافها في الرياضيات ما يعرفون يحلونها
بو سمير المهم المهم خلك أحسن منهم أبيك تطلع تطلع عليهم تصير طيار عشان نروح بانكوك بلاش ههههه
سمير أنشاء الله
بوسمير يالله أنا أنا بقوم بقوم اطلع بروح العثيم مول
سمير اووو يا يبه حتى أنت (علموك تغازل ) *بدون كلام حركه فقط*
بو سمير أي أي نتعلم منكم يا ولدي الله يسلمك
سمير وأنا بروح الجلسة يم الشباب يمكن نحصل شي من ورآهم .(ويطلعون)
اللوحة الرابعة
حمد (في الجلسة جالس على الكرسي المتحرك )
مشعل جالس يلعب أونو
هاني (ولد عم مشعل يلعب معهم)
حمد يالله شباب خل نلعب
مشعل اصبر عاد خل أعرفك على ولد خالي هاني
حمد ونعم
هاني الله ينعم بحالك
مشعل أقول شكله رفيجنا الحين بيجي ومعاه واحد
حمد وش دراك
مشعل ولله مدري بس عندي أحس قلبي مو مرتاح
هاني شنو سالفه
حمد نتكلم عن واحد نصب علينه
هاني شلون ينصب عليكم
مشعل ماخذ منه فلوس بعدين ما شفناه
هاني شسمه ذا
حمد اسمه سمير
هاني هاااا من جدك
حمد أي أعرفك عشان امزح معك
مشعل شنو فيك بعد أنت اختبصت
هاني اعرفه رافجني فتره بعدين قالي أبوي توفه محتاج فلوس وعطيته وبعدين ما شفته
مشعل عفيا عليك كم عطيته بعد أنت يا عيوني
هاني عطيته 150 معني ما عندي بس تسلفت وعطيته قلت مشكله ما أساعده رفيجي طايح في ازمه ولا أوقف معه اجل شنو فيدة رفيج
مشعل هذا انتو طيبتكم الزايده هي إلي بضيعكم
حمد يالله مو مشكله أشواه انه أحنا ما طلعنا أول ناس شكله العدد ماشي
هاني بعد انتو
حمد بس مو مشكله خله يجي وحنا نداويه
مشعل يا شباب عاد لا احد يتوتر اشوي اشوي حبه حبه يا حمد مثل ما تفقنا
حمد أوكي
سمير (دخل)
معاه واحد
سمير أقولك عاد يا فتحي شباب ما يتخلون عني صاير أنا عميد
الجلسة كل ليله أعشيهم على حسابي
فتحي أي ما عليه يا سمير لزم كذا تساعدهم
سمير لا بعد كلا أسلفهم فلوس ولا يجيبونهم
شف إلي جالس مناك على الكرسي
فتحي أي
سمير هذا أنا ما عطيه فلوس عشان يتعالج بيسويله عمليه يقول , ولا قام يمشي
فتحي اووو كم عطيته حق العملية
سمير مو واجد بس 30 إلف ريال
فتحي اوووا يا رجال حسافه عليهم
سمير يالله مو مشكله كلهم من حساب الوالد بو سمير
هاني أقول يا نصاب مو توه أبوك متوفي يا ولد أبوك
حمد اجل كم دفعتلي حق العملية
فتحي وشفيك يكلمونك رد عليهم يا معود
مشعل اهو له وجه يتكلم نصاب
حمد ذا إلي مقترين فيه ومسوي روحه وخر عنه ويعشينه على أحسابه وداف لي فلوس العملية
وبعدين مي قالك إني مشلول أصلاً (وقف على رجولة )
فتحي وين إلي مساعه مشلول وماعطيه فلوس أثرك طلعت ولا شي
هاني خله يولي عنك ذا واحد ما يعرف معنى رجولة
قالي أبوي توفي وأبي فلوس وعطيته مع إني ما عندي بس تسلفت عشان أعطيه بعدين ما شفته
حمد أنت وشكالك الانتهازيين عمركم ما هتميتو بشعور الآخرين ما تهمكم إلا الفلوس والعب على الحبلين
ذا الي تشفونه يمكم يا خذا الفلوس منا ويسافر يدرس أبها بره كلا هذا عشان يصير أحسن منه يا عمي ,لا تعب روحك تطالع فوق تراك تتعب واجد
مشعل وأنا بعد الحين لازم ابلغ الشرطة
سمير لا تكفون إلا شرطه ما أبي أروح سوو فيني إلي تبون
هاني ما عاد ينفع يلي ما تخاف من ربك
سمير سامحوني ما راح أعيدها مره ثانيه
كلا من أبوي اهو إلي رباني على كذا كلا يقول لي أستقل ربعك عشان تصير أحسن منهم (كلام ارتجالي )
(وتتصافح الأصدقاء)
