laila adel Admin
الابراج : عدد المساهمات : 3489 نقاط : 8559 السٌّمعَة : 14 تاريخ التسجيل : 06/09/2009 العمر : 26 الموقع : كنيسة الشهيد ابانوب النهيسى بالمندرة
| موضوع: من غير تمثيل وكلام كبير الأربعاء 2 مارس - 5:47 | |
| من غير تمثيل وكلام كبير
من غير وعود وكلام معقود
مش هنكرر ونقول زى مالكل بيقول
تعبان روح لربنا مهوه هو اللى قال تعالوا الى ياثقيل الاحمال وانا اريحكم
ولا هنقول الق على الرب همك فهو يعولك
بجد مش قصدى استهزء ولا اتريق
بس قصدى اقول لما تحكى مع واحد بتاع ربنا هيقولك البؤيين دول وانت هتقول ماشى يارب
وممكن تكون شخص ايجابى وتروح البيت وتعمل زى القديسين تجيب الاجبية والانجيل وتصلى وتسجد وتعمل زى مالقديسين كانوا بيعملوا
وتستنى الحل المعجزى اللى مبيحصلش ومش هيحصل او تكون مستنى حد يظهرلك او ملاك ينورلك او صورة تشر زيت وترنملك
وتفتح الانجيل وانت متوقع تلاقى كل خطير وتبص قدامك متلاقيش غير السرير فتقرر تنام وتقول اصلى انا حقير مفيش فايده فى التغيير
وتقرر جواك وتقول وبئس المصير
وممكن تقول انا ايوب ربنا بيجربنى وتعيش مكسور وذليل على انتظار لحظة مفاجئة للتغير
انا حقيقى مش قصدى احقر من اللى فوق بس بجد لو هيا دى حياتك يبقا انت ماشى فى طريق مسدود
الهنا بجد اله معجزات بس انت عايز المعجزات ديه ليه واللى انت فيه ده حاصل ليه قولى انت عملت ايه وربنا عمل ايه مش كل حاجه فى حياتنا بيتبقا لاهذا اخطأولا ابواه ولكن لكى يتمجد اسم الله
ربنا ادانا قلب وعقل
انت حتى فى صلاتك وفى قرايتك للانجيل مش عاوز تستخدمه
اله السماء يعطينا النجاح ونحن عبيده نقوم ونبنى
الهنا مش كداب ولا بياع اوهام
هو ادالك كتير بس انت مش شايف فيك غير كل حقير
متيجى نقعد قدامه بجد ونتكلم معاه من غير اى حد معندكش افكار ومعندكش غير الرماد
اطلب منه افكار حتى القليل اللى عندك من ضعف وكسرة وفشل ارفع عنك كسلك مريض اطلب منه الشفاء واتحرك معاه ومتستناش انك تخف علشان تعمل اختلاف اتحرك رغم المرض والالم ومتنتظرش من الغير لمسة عطف تمحى القلم حتى فى تعاملاتك مع ربنا متنتظرش العطف لانه اله قوة
بس حط قدامه ضعف وابتدى اتحرك بقلب واثق انى الهك حى وموجود وهو هيساعدك بطرق كتيرة مش شرط المعجزة تكون خارقة لقوى الطبيعة
لكن المعجزة انك تقدر تعرف نفسك وتعرف قدرات الهك وتتحرك معاه من غير اى طرق عبادة تمثيلية
اتحرك ولو حركة بسيطة تجاه نفسك وتجاه ربنا ومترميش كل حاجه على ربنا والظروف لانك عنصر اساسى فى ظروفك
وخد حياتك وطريقك من ايد ربنا وقوم واتحرك
لانة يوصى ملائكته من اجلك , ليحفظوك فى سائر طرقك.
صلوا من اجلى
| |
|