ترنيمة || يا كنيستنا يا مجيدة || ctv ♫♫ ♫♫

كلمات ترنيمة | يا كنيستنا يا مجيدة



قرار:

يا كنيستنا يا مجيدة ● كل ما فيكِ جميل
جوهرة في الكون فريدة ● غالية مالهاش مثيل

(1)
البخور فيكِ يحاوطنا ● في صعوده للعُلا
ع الدوام يرفع صلاتنا ● للمسيح رب الحياة
يا لطافته ريحته حلوة ● تنعش الصدر العليل
والقلوب تشعر بنشوة ● لما ناحيتها يميل

(2)
يا جمال المنجلية ● واقفة بين الشمعتين
ليها تتوجه عيني ● فيها بهجة لكل عين
بأبقى متهيألي واقف ● مع إلهنا في أورشليم
في هدوء بآخذ فوايد ● من كلام ربي العظيم

(3)
الصور قدام عنينا ● ليها ننظر في حنين
تحكى لينا عن ماضينا ● والآباء القديسين
آدي بينا مارجرجس ● مثل الجندي الشجاع
وكمان أنبا أثناسيوس ● فخر أبطال الدفاع

(4)
جوك الرايق منور ● له ضياء هادي مريح
لما بنشوفه بنفكر ● في جمال نور المسيح
السماء أنت ● وباين في أعاليك نجوم
السماء أنت ● ولكن عمر ما يجيلك غيوم

(5)
يا كنيستنا مهما أشرح ● في كلام وافي طويل
مستحيل أقدر أوضح ● كل حسنك .. مستحيل
كل ناحية فيك تحكي ● لمحة من مجد النعيم
كل معنى فيك يشرح ● عمل الفادي العظيم