نيجاتيف
الزمن والمستقبل المكان "وكالة ابحاث فضائية" يفتح الستار علي غرفة د/ ادم وهو شبه نائم ويحلم . غرفة الدكتور عالم فلك اضاءة خافتة غالب عليها اللون الفسفوري
صوت (بصدي EKO طلبك مرفوض يا دكتور ونتمني بدل ما تستكشف الحياة في العوالم الموازية ..ساهم في تعمير كوكب المريخ او غيره من الكواكب اللي اكتشفتنا امكانية الحياة عليها
د/ ادم لكن انا متأكد ان الثقب الزمني ده ...ها يقودنا لعالم موازي لعالمنا ممكن يكون متقدم عنا نستفيد من خبراته ...او متأخر عنا نساهم في تقدمه
الصوت طلبك مرفوض EKO
د/ ادم (يفوق فجأة) لا ...لا ...مش ممكن ...مش ممكن بعد كل الابحاث دي يرفضوا طلبي ...انا لازم انقذ اللي فكرت فيه وهي دي الحاجة اللي هانخليهم يقبلوا بدون مناقشة
(يدخل د/ ابراهيم دكتور زميل لادم . ضوء احمر زيادة تعلي الاضاءة قليلا
د/ادم اتفضل يا دكتور ... جميل انك جيت دلوقتي ..زاكيد ده تدبير ربنا
د/ ابراهيم مالك ..خير يا ادم
د/ ادم انا محتاج مساعدتك
د/ ابراهيم في ايه ...خير
د/ ادم ثقب الزمن
د/ ابراهيم تاني
د/ ادم اسمعني بس ...انا قررت اني لازم اعبره ...لازم اثبت نظريتي للعالم كله (موسيقي)
د/ ابراهيم مش ممكن ..انت اكيد اتجننت ..انت عارف ممكن يحصل لك ايه
د/ ادم عارف كويس ..واكيد انت عارف ان رغبتي في انجاز تاريخ علمي هاتقف ضد خوفي ..ولازم انفذ القرار ده ..لكن ..محتاجلك معايا
د/ ابراهيم وايه اللي ممكن اعمله
د/ ادم انا صممت برنامج كمبيوتر يقوم بفتح ممر ضوئي بين وبين مركز الثقب الزمني ..هاعبر الممر من هنا من مكتبي
د/ ابراهيم يعني ايه ..طب وهاترجع ازاي ..وانا هاعمل ايه بالضبط
د/ ادم هاتفضل هنا تحافظ علي البرنامج تحت التشغيل ..عشان يستمر الممر مفتوح واقدر ارجع لنفس المكان ...والا
د/ ابراهيم ايه
د/ ادم اقع في دوامة الزمن ..واتوه في الفضاء
د/ ابراهيم فهمت قصدك
د/ ادم هي دي الخدمة اللي هاتقدمها لي وللعلم والبشرية
د/ ابراهيم انت صديق يا ادم وانا تحت امرك ..وها تعمل التجربة دي امتي
د/ ادم انشاء الله ...دلوقتي
د/ابراهيم علي طول كده
د/ ادم مشتاق قوي اشوف عظمة الله في خلقه لمجره ثانية وحياة ثانية علي كواكب ثانية
د/ ابراهيم وهاتعمل ايه فيا لعالم الموازي ده لولقيته
د/ ادم نفسي الاقي مكان فيه الانسان غير الانسان ..نفسي ابعد عن العالم اللي احنا فيه بكل شروره واحس بالامان
د/ ابراهيم انت بتحلم
د/ ادم سيبني احلم ..اهو يمكن الاقي العالم اللي بتمناه في احلامي ..يمكن يجي يوم والحلم يبقي حقيقة والصورة الي نفسنا نشوفها نلاقيها ..بدل ما احنا عايشين في نيجاتيف الصورة
د/ ابراهيم ياه . دانت بتقول اشعار
د/ ادم ماعلينا ..بص يا ابراهيم
(يجلس ادم علي مكتبة ويعمل علي جهاز الكمبيوتر ويتم عمل خدعة ضوئية يتم تصيميها لتظهر بؤورة ضوء شباب المسرح يدخلها ادم)
د/ادم اول ما اديك الاشارة اضغط علي enter
د/ابراهيم Ok
د/ادم Ok اضغط
(دكتور ابراهيم يضغط علي الزر تبدأ الخدعة الضوئية ويتحرك تجاهي ابراهيم مذهولا فتسحبه معها وهو يصرخ لا play back (مع موسيقي مناسبة)
الفصل الاول
(اضاءة كاملة للمشهد خلفية بيضاء بالكامل لا يشوبها اي ظل او خفوت ويسقط ادم وابراهيم من مكان علي او يظهروا في بداية المشهد وهم ملقيين علي الارض غي غييون مع موسيقه مناسبة لبداية المشهد..)
د/ادم (ينهض في الم) ..اه ...جسمي كله متكسر ..ايه ده ..ايه المكان ده ..انا فين ..ايه المكان الجميل ده و ....ايه ده ...مش ممكن ابراهيم (يفوق ابراهيم)
د/ابراهيم (ينهض متألم) ...اه ...اه ..رقبتي كأنها انكسرت ..ادم ...ربنا يسامحك يا ادم ..ربنا يسامحك
د/ادم انت جيت ورايا ازاي
د/ ابراهيم انا اول ماشفت الممر انفتح ..دفعني الفضول اني اقرب شويه وفجاءه لقيت نفسي انشديت جواه
د/ادم ياربي ارحمني ..طب مين اللي هايحافظ علي مسار الممر لغاية مانرجع
د/ ابراهيم ايه ده ..
د/ادم مش عارف بس انا حاسس بمتعه غريبة ...وبالاخص لما بشوف مناظر الاشجار والورود دي (يشاور حواليه)
د/ابراهيم ورد وشجر ....فين
د/ادم اهم قدامك ...ولا صوت الطيور
(موسيقي هادئه مع مؤثرات لاصوات الطيور ...ضعيف في الشجر)
د/ابراهيم كمان ...ادم ..انت صاحي
د/ادم طبعا يا ابراهيم ...صاحي وفايق كويس ..ليه
د/ ابراهيم اصل مافيش ولا حاجة من اللي انت بتوصفها او بتسمعها دي
د/ ادم ازاي
د/ ابراهيم زي مابقولك كده
د/ادام لكن لا ..انا شايفها كويس
د/ابراهيم وانا مش شايفها كويس
د/ ادم ازاي
د/ ابراهيم انت اللي تقولي ازاي ...عمال بتوصف مناظر بالجمال ده ..وانا مش شايف ولا سامع غيرك انت وبس
د/ادم انا مندهش جدا ... (يكلم نفسه ويسرح)
د/ابراهيم انا اللي ابتديت اخاف
د/ادم ازاي انا شايف كل الجمال ده ..وابراهيم جانبي في نفس المكان والزمان مش شايفه
(يظهر عجوز ذو ملامح هادئه وصوت عميق جدا ولبس ابيض وذقن بيضاء ويتحدث مع ادم ولكن ابراهيم لا يراه ايضا)
العجوز زميلك مايقدرش يشوف اي حاجة من اللي انت شايفها
ادم ايه ده انت مين
ابراهيم انت بتكلم مين
العجوز زميلك ...مش ممكن يشوفني ..
ابراهيم ادم رد عليا
ادم استني شويه يا ابراهيم ...ممكن اعرف انت مين
العجوز انتم من كوكب الارض
ادم احنا فعلا من كوكب الارض
العجوز عارف ...عارف عنكم كل حاجة
ادم يعني ايه ؟
العجوز انا كلامي واضح ..انتم علي كوكب الارض
(ادم ينتبه للبسه اللي اتغير وصار ابيض هو ابراهيم المذهول والمندهش)
ادم انا ...ايه ...اصل ...ايه ده ...انا مش فاهم حاجه ...تقصد ايه اننا مش من الارض وازاي اتغير لبسنا
ابراهيم ادم ...انا تعبت واعصابي باظت احنا فين ..ولبسنا الاصلي فين
العجوز هدي صاحبك ..وانا هفاهمك (موسيقي)
ادم طب فاهمنا ...ربنا يخليك
العجوز انتم علي كوكب الارض الموازي لارضكم
ادم مش ممكن يعني ...يعني انا نجحت ...ابراهيم ..نظريتي نجحت نجحت ...نجحت يا ابراهيم ...ووصلت للعالم اللي كان نفسي اكتشفه بس في سؤال عايز اسئله
العجوز اسال
ادم ازاي انا شايفك وشايف كل الجمال اللي حواليه ده ...وزميلي مش شايفه
ابراهيم انا تعبت بقي ..كلمني انا يا ادم وفهمني ...انت بتكلم مين وفين الحاجة اللي انت شايفها دي وليه انا مش شايفها
العجوز زميلك ميقدرش يشوفني او يشوف اي حد من سكان او منشأت او جمال مدينه عدن
ادم عدن
العجوز ايوه عدن ...المنطقة اللي انتو فيها اسمها عدن وزميلك ميقدرش يكتشفها الا بشروط لان في موانع تمنعه من رؤيتها
ادم يعني ايه
العجوز السواد اللي فيه ...خارج من جواه ...وهو ده اللي ها يمنعه من انه يشوف اي حاجة هنا
ادم انا مش فاهم حاجة
ابراهيم ولا انا
ادم ايه ده انت سامعه
ابراهيم هو مين
ادم العجوز اللي بيكلمني
ابراهيم انت خيالك واسع وانا اتخنقت ...ادم ...انا ماشي
ادم استني رايح فين
ابراهيم ماشي
ادم علي فين
ابراهيم في اي اتجاه مطرح مارجلي توديني ...اهي صحراء في كل الاتجاهات صحراي(ابراهيم يمشي يخرج شمال وتتحول الاضاءه للابيض)
العجوز زميلك جواه صحرا عشان كده شايف صحراء ..اما انت شايف جمال عدن من زهور واشجار لانك جواك الجمال ده
ادم ازاي
العجوز هاتعرف اكتر بس كل حاجة في وقتها
ادم هاعرف بعدين ...انا اتلخبط ومحتاج اعرف كل حاجه
العجوز كل حاجه
ادم ايوه كل حاجه
العجوز لكن في زيادة معرفتك ممكن يكون هلاكك ...وعشان سلامك اطلب من اللي يقدر يديك وهو يديك اللي انت محتاج تعرفه
ادم هو ده الطلب اللي طول عمري بطلبه ...وفي كل صلاه بطلبه انه يعطيني علم معرفته
العجوز وهو ده يا ادم ...اللي مخليك شايف جمال عدن
ادم اه فكرتني عدن دي ...مدينة موجودة عندنا في الارض
العجوز اللي موجوده عندكم عدن في اليمن ...هنا ...جنه عدن (موسيقي)
ادم قصدك ايه
العجوز احنا هنا في جنه عدن ..اللي خلقها الله
ادم قصدك اللي كان عايش فيه ابونا ادم وامنا حواء
العجوز وليه بتقول كان ...ادم وحواء موجودين لغاية دلوقتي (موسيقي)
ادم نعم ...موجودين
العجوز ايوه ...هما واولادهم واولاد اولادهم واحفادهم
ادم انت ...مين
العجوز ما اظنش هو ده السؤال اللي عايز تسأله
ادم انت بتقرأ افكاري ...استني ...استني ...جنه عدن وابونا ادم وامنا حواء ..الحكايه دي انا قريتها كلها في سفر التكوين في الكتاب المقدس ... لكن في ارضنا جنه عدن مابقلهاش وجود بعد ما ابونا ادم وامنا حواء اخطئواو...ايه ده ..مش ممكن ..قصدك
العجوز بالضبط ..انت جوبت علي السؤال اللي كنت عايز تسأله
ادم انا كنت هاسال عن جنه عدن وازاي انتوا عايشين فيها والاجابة اللي وصلت لها هي
العجوز الشر مادخلش قلوب ادم وحواء ...في الحرب الاولي مع الشر ضد ادم وحواء ..سقط لوسيفورس وفشل في انه يدخل قلبهم وتم طرده خارج الجنه ...في وادي الظلام ...اما ادم وحواء نفذوا الوعد واثمروا واكثروا الارض من نسلهم
ادم انا مش مصدق ...انا اكيد بحلم (موسيقي)
العجوز اسأل قلبك وهو يدلك ان كان كلامي صادق ولا لا ..ليه حزنت لسه مش مصدقني
ادم انا مصدق كل كلمه انت قلتها ...بس اللي مخليني حزين ...هو حال ارضي انا ...كوكبنا ...اللي كان حلمي يبقي هوده حاله
العجوز لو كل سكان ارضك فكروا زي ما انت بتفكر ...وحبوا بعض بمحبه الله الكامله ممكن يوصلوا فعلا للحاله اللي عايشينها سكان جنه عدن هنا ...ممكن يشوفوا الله وسطهم ويعاينوه بعنيهم
ادم يا تري ممكن يحصل ده ..لكن السؤال اللي بيلح عليا ...ازاي انا شايف وكاشف كل الجمال ده وابراهيم لا
(يدخل ابراهيم 2 ولكنه النسخه الاخري طبعا حال اخر وكلام اخر واسلوب اخر)
ابراهيم2 سلام ونعمه
العجوز سلام
ادم سلام ..ايه ده ..ابراهيم ..انت شايف العجوز اللي انا بكلمه
ابراهيم2 عجوز ..طبعا يا ادم
العجوز قبل ما تحصل لخبطه ..اعرفكم ببعض
ابراهيم 2 بس انا عارفه ..ده صديق ادم
ادم ايوه انا ادم ..انت ابراهيم
ابراهيم لا ...انت
العجوز ادم من كوكب الارض الموازي لكوكبنا ... هنا يا ادم هتلاقي واحد شبيه لكل انسان من ارضك
ادم ايه ...يعني ده ابراهيم تبعكم انتم
العجوز زي ما فهمت
ادم عشان كده شايفك
ابراهيم 2 اهلا بيك علي كوكبنا
ادم اهلا سهلا ...استنوا ... استنوا..عل يكده في واحد شبهي موجود هنا
ابراهيم 2 بالضبط يا ادم ...وده صديق عمري تعالي معايا اعرفك عليه
العجوز الاول تروح تجهز مكان لادم عشان يستريح فيه ..والمهمة اللي كلفتك بيها تتممها
ابراهيم 2 حاضر
العجوز مالك يا ادم
ادم انت مين ..انا من اول ماشفتك وانا مستريحلك بس عايز اعرفك اكتر
العجوز لكل شئ تحت السماء وقت ..ها تعرف كل حاجة في وقتها
ادم طب وابراهيم ... ابراهيم صديقي ...راح فين ...ايه المهمة اللي كلفت ابراهيم بتاعكم بيها ...المهمة دي متعلقة بينا
العجوز هنا كل واحد ليه دور وخدمة لازم يقوم بيها ...مش عايشين كده وبس لا ..كل شخص ليه سمات وعطايا ومواهب تم منحها له لخدمة الباقي اخواته في العالم
ادم مش فاهم ...انا ..
العجوز بلاش حيرة ...انت كمان ليك دور هاتعرفه بس في وقته معايا
(يخرجوا من اليمين ويدخل ابراهيم ، موسيقي مناسبه اضاءه صفراء +زرقاء(تتحرك الاضاءه ليزر)
ابراهيم يووه انا اتخنقت ...بقالي وقت كثير عمال امشي ومش عارف اروح فين ...كل اللي حواليه صحراء ..صحراء وبس ..وادم ...ادم ده خنقني مصر يثبت انه احسن مني ...كل شويه يطلع علينا ببحث او فكرة تخلي كل القيادات في وكالة الابحاث يرفعوه اكتر واكتر وكان مافيش غيرة ...انا خلاص زهقت منه ومن ابحاثه اللي مغطيه علي كل اعمالي في الوكالة ...نفسي يوم كده اقوم ملاقيهوش قدامي ...ويبقي كانه حلم او كابوس وانتهي (يدخل ادم2) ادم يا راجل قلقتني عليك ...انت كنت فين يا اخي
ادم2 ازيك يا ابراهيم ...مالك
ابراهيم بصراحة كده ... انا زهقت واتخنقت من المكاه ده ...,
ادم (يقاطعه) مالك يا ابراهيم انا اول مرة اسمع الالفاظ دي منك
ابراهيم ايه ...انت ...الفاظ ...ادم ...انا حساس انك متغير شويه
ادم2 دانت اللي متغير كتير
ابراهيم ادم ...فوق ..ايه انت وقعت تحت سيطره الكوكب ده
ادم2 كوكب ...اه ...كانوا كلمونا عنكم قبل كده ...اهلا بيك يا ...انت اسمك ايه ؟ ...ابراهيم فعلا
ابراهيم ابراهيم فعلا ...واسمي ايه ؟ مالك ...ايه
ادم2 انا فهمت كل حاجة
ابراهيم طب يا ريت تفهمني انا كمان
ادم 2 الاول قولي ...انت جيت هنا لوحدك
ابراهيم لا ...معاك
ادم2 معايا ...انا
ابراهيم ايوه ...انت ...ادم وماتخنقنيش اكتر من كده
ادم2 اولا انا مش ادم صاحبك اللي جيت معاه ..ثانيا ...يا ريت تاخد بالك من الفاظك ..عشان الكلام بالاسلوب ده ماينفعش علي ارضنا
ابراهيم مش ادم ...وارضنا ...والاسلوب ...اووه ..هي ايه الحكاية
ادم2 تعالي ...تعالي متضايقش ...انا هفهمك ...انت علي كوكب الارض الكوكب الموازي لكوكبكم الارض ...وهنا ...هاتلاقي شخصيات لها نفس الشكل علي ارضك لكن الروح حاجه تانيه
ابراهيم ايه ده ..كده يبقي ادم نجح في البحث بتاعه ...يعني انت ..ادم نمرة 2
ادم2 لا ...انا ادم الحفيد الاخير وواضح اني مطابق في الشكل الخارجي لزميلك اللي جه معاك ...اسمه ادم فعلا
ابراهيم سيبك من ادم صحبي ...وقولي ..عرفت اسمي ازاي ؟
ادم2 لانك مطابق برضه لصديق شخصي لي ...واسمه ابراهيم ...بس هو يختلف عنك كتير
ابراهيم فهمت
ادم2 جميل خالص ...كده ممكن نقرب من بعض اكتر ... وممكن نبقي اصدقاء انت من الارض وانا من الارض ...ممكن تحكيلي شويه عن ارضكم
ابراهيم ارضنا ...احكيلك ايه لولا ايه
ادم2 من اول نشأتها ما وصلتم لينا
ابراهيم احكيلي انت الاول ...انا ضيف عليكم
ادم2 انا موافق ..هاروح اجيبلك الكتب اللي تفهمك كل حاجة ...ولا اقولك هاجيبلك اللي يفهمك كل حاجة احسن مني ...ابراهيم صديقي ..خليك هنا مش هاتاخر عليك (يخرج)
ابراهيم طب استني شوية ..اسمعني بس ..تاني ...تاني بقيت لوحدي ...نفسي كده اجيب قنبلة وادمر المكان ده ...اتخنقت من السكون اللي عايش فيه ...والهدوء اللي يقتل ده ... نفسي ارجع للعالم بتاعي ...نفسي اشوف حياتي تاني ...نفسي ف...انا (مؤثر صوت ضحكة شيطانية) ادم ...ادم ...انا لازم امشي من هنا بسرعة (يخرج)
العجوز وبعد خلق ادم وحواء ...وضعهم الله في جنه عدم اللي انت شايفها بس انا عايز اعرف ...اول ما نزلنا انا وابراهيم ...انا كنت شايف اللون الابيض والاشجار والزهور والطبيعة الجميلة دي ...حتي شفتك انت ...اما ابراهيم ...لا ...لما سألتك قولتلي بعدين ...انا عايز اعرفه دلوقتي ...ليه ابراهيم ماكنش شايف اللي انا شايفه ؟
العجوز انت شفت كل الجمال ده لان ..كل ده جواك انت ..انت طول عمرك بتحلم انك تشوف الكون حواليك في حاله صفاء ونقاء وان الطبيعة جميلة وبتنتج كل شئ جميل الاشجار والزهور عشان كده شفته
ادم طب وابراهيم لا . وليه مشفكش انت
العجوز محدش يقدر يشوفني الا لما يوصل قلبه لدرجة نقاء عاليه جدا
ادم انا بشكرك علي المجاملة دي
العجوز دي مش مجاملة ...دي حقيقة ...(ينظر له) ايوه حقيقه ...لاني فتشت في قلبك ...فلقيت النقاء ده
ادم ياه الجملة دي اتكتبت عن واحد بس في كوكبنا ...وهو داوود النبي
العجوز داوود ابن يسي(يبدأ دخول المسيقي هاديه جدا)
ادم ايوه ..انت تعرفه
العجوز علي فكره احنا قربنا من مكانه ..تعالي معايا نشوفه
ادم ايه ده ...هو انا ممكن اشوف داوود النبي هنا
العجوز داوود كان نبي بالنسبة لك ...اما هنا فهو المرتل الاول ذو الالحان الشجيه اللي انت سامعها
(تقل الموسيقي)
ادم قصدك ايه انه ..كان نبي بالنسبة لي
العجوز الخطية لما دخلت العالم ..لزم ليها فداء ... وكان لازم يكون في اشخاص يمهدوا لمجئ الفادي ويتنبؤا عن مجيئه ويوضعوا ناموس العالم يمشي عليه عشان يوصل للحياة الابدية ...عشان كده داوود بالنسبة ليك ولارضك هو نبي
ادم افهم من كده ...ان كل الشخصيات علي مر العصور ...هلاقي شخصيات متطابقة ليها هنا
ابراهيم 2 (في نفسه ) هو مال ادم ...اسلوبه اتغير ...ادم ...ممكن تفكر شويه باسلوب احسن بقولك في خطر بيهدد حياتنا
ادم 2 يعني مش عايز تسمعني ...خلاص ...براحتك ..انت الخسران
ابراهيم 2 طب اتكلم واحكي بس بسرعة
ادم2 في زوار من كوكب تاني بيقولوا ...انه اسمه الارض زي كوكبنا وان في حياه وبشر وانهم في بعد متوازي معانا لدرجة انه قالي ان في شخص له نفس شكلي عندهم وانه ...
ابراهيم 2 (يقاطعه) قالك انت قابلت مين
ادم2 ابراهيم ...اسمه ابراهيم وله نفس ملامحك وشكلك
ابراهيم 2 وشافك وكلمك
ادم 2 ايوه ... كلمني وحكلي عن ارضهم ...دول متقدمين عننا قوي تصدق (يبدأ ادم 2 يحكي لابراهيم عن ابراهيم الارضي )
ابراهيم 2 (في نفسه) ....ازاي شافك وانت شفته ...مايقدرش يشوف الا اللي جواه play back وده جواه شر يعني ...يعني ...ما يشفش الا الشر ...ادم ...مش ممكن ادم صحبي يكون دخله الشر ...ايه السواد اللي بدأ يغطي توبه ده ؟ مش ممكن ...مش ممكن
ادم2 شفت ...تخيل عالم متقدم وفيه كل الحاجات دي ...لو حصل تواصل معاه ..هانتقدم قد ايه ؟
ابراهيم 2 مش ممكن ...مش ممكن (يخرج سريعا)
(اضاءه متوتره تعلن عن قدوم خطر وصوت فقط اسطانئيل)
سطانئيل ادم ...عزيزي ادم ...ما تتصورش انا مفتقدك قد ايه ...بقالك كتير ما زرتنيش عند حدود الظلام
ادم2 ايه ...دي هيا كلها مره واحده اللي زرتك فيها ...خلاص بقينا صحاب
سطانئيل طبعا ...اصلي انا عشر اوي ...ومش من السهل اني انسي الناس اللي بحبهم ...ويحبوني
ادم2 لكن احنا مافيش بينا وبينك اي تعامل ...من ساعة ما اطردت بره عدن واتمنعت من دخولها
سطانئيل ما هو عشان كده انا عايز اصلح اللي حصل ده وياريت نرجع اصحاب تاني
ادم2 انت بتقول ايه ...ازاي نبقي اصحاب ..ده ممنوع
سطانئيل انت ليك ارادتك الحرة ...مافيش حاجة اسمها ممنوع ..انت عايز تقرب مني ...وانا عايز اقرب منك
ادم 2 لا مين قالك اني عايز اتعرف عليك ولا مد ايدي في ايدك
سطانئيل ابراهيم الارضي ...
ادم 2 انت تعرفه
سطانئيل طبعا ده صديقي ...انت قابلته ...واتكلمت معاه ...وانا شايف انا قلوبكم ورغباتكم متألفة مع بعضها.
العجوز ابراهيم جهزلك مكان تستريح فيه ...في ضيافة صموئيل معلم عدن ادخل
ادم مش مهم استريح ...المهم اشوفهم واتمتع بوجودي معاهم
(يدخل ابراهيم الارض وهو يتحدث مع نفسه والعجوز واقف شايفه) تتغير الاضاءة للاصفر والازرق والاحمر)
العجوز ابراهيم ...نفسي تعيش بنفس قلب ادم لاكن للاسف بينكم وبين بعض اختلافات كتير
ابراهيم اختلافات ...اختلافات ..من ساعة ما كلمتني وانا مش سامع منك غير اختلاف ...ايه ده ...هو راح فين ...يا عم ادم
العجوز عمرك ما هتقدر تشوف او تقدر الجمال اللي حواليك طول ما انت بتفكر في الارضيات وعينك لتحت مش لفوق
ابراهيم هو راح فين ..ايه ده هو في ايه ...يا ادم يا ادم
العجوز ادم كمان انضم لك ...رغبتي يا ابراهيم ...انك تخلص ولمعرفة الحق تقبل
ابراهيم انا تعبت من اللي بيحصل ده
ادم (يدخل ادم2) نعم
ابراهيم انت مش كنت معايا ...رحت فين ...احنا هانهزر
ادم2 نهزر ..علي فكرة انتوا عندكم بعض الكلمات جديدة علي قاموسنا ...بس لذيذة وجديدة ...اتخنقت ...زهقت ...نهزر ...انتوا جبتم الكلام ده منين
ابراهيم يووه دانت ماشفتش ولا سمعت حاجة
ادم2 ياريت تعلمني كل اللي تعرفه
ابراهيم موافق
ادم2 في بدايه الخلق جدي الكبير ادم وجدتي حواء ...اتعرضوا لهجوم من ملاك اسمه لوسيفورس
ابراهيم اه عارفها الحدوته دي ..لما اكلوا من الشجرة و ...
ادم2 (يقاطعه) لا ...هما ما اكلوش
ابراهيم ايه ...مااكلوش
ادم2 ايوه ...مااكلوش وفشل لوسيفورس اللي تحول لسطانئيل انه يوقعهم في الفخ ولما شافوا بعد كده في جنة عدن اللي انشائها الله واللي ماشيين علي حدودها
ابراهيم حدودها ...حدودها مع مين (تبدأ الاضاءة تخفت وتتحول للاحمر)
ادم 2 حدودها مع وادي الظلام ...اللي عايش فيه سطانئيل وجنوده ...احنا لازم نمشي من هنا ...لانه ممنوع اننا نتواجد هنا خالص
ابراهيم يعني انتم ...اه فهمت (يجري ادم بعيد ويخرج)
(يدخل سطانئيل موسيقي مناسبه مع اضاءه مناسبه)
ابراهيم ايه ده ..في ايه
(سطانئيل وهو عبارة عن رجل متشح بالسواد ولا يظهر منه اي ملامح سوي صوته علي ركن المسرح بروفيل للجمهور)
سطانئيل فهمت
ابراهيم انت
سطانئيل واضح انك فهمت
ابراهيم سطانئيل ...مش كده
سطانئيل (ضحكة هادية) ابراهيم ...انت عارف انا مستنيك من امتي
ابراهيم مستنيني ...انا
سطانئيل انت المنتظر ...انا بقالي سنين ...في انتظارك ...لانك انت اللي هاتديني مفاتيح جنة عدن
ابراهيم انا مش فاهم حاجة
سطانئيل انا هفهمك كل حاجة ...بس لازم نتفق ..انت تساعدني علي هزيمة ادم واولاده وانا اساعدك علي الرجوع لارضك
ابراهيم انت تقدر ترجعني للارض
سطانئيل طبعا ...لكن لوحدك ...مش هو ده اللي انت عايزه
ابراهيم لوحدي ...طب وزميل ...ادم
سطانئيل ادم ..صحبك الارضي ...ادم مش هايقبل يساعدني ... ثم انت اللي هاتساعدني ..واناهاخلصك منه
ابراهيم ومين قالك ان المساعده هاتلقيها عندي ...ومين قالك اني عايز اتخلص من ادم
سطانئيل قلبك ...انا شايف جواه قلبك رغبه شديده في التخلص من ادم وتفوقه عليك ... وجت لك الفرصة انك تسيبه هنا تحت سلطاني ده بعد ما امتلك مفاتيح عدن وادخل واملك علي قلوب سكانها
ابراهيم انت
سطانئيل موافق ...مش كده
ابراهيم انا
سطانئيل انت متقدرش ترفض ...لاني ملكت علي قلبك من ساعة مانزلت هنا ...وده اللي مخاليك مش شايف اي جمال في جنه عدن
ابراهيم بس انا شفت واحد من سكان الكوكب
سطانئيل ده شريكك وقلبه معايا برضه ..لكنه اضعف من انه ينفذ اللي انا عايزه ...هايكشف بسرعة
ابراهيم ومين قالك ان انا كمان مش مكشوف ...واني ممكن افشل في المهمة اللي انت عايزني اعملها ...
سطانئيل انا هاعرف ازاي اخليك تنجح ... معاها هاتنجح ...ولازم تنجح
ابراهيم وعايزني اعمل ايه بالضبط
سطانئيل (ضحكة هاديه) كده انت اخترت الطريق الصحيح لرجوعك للارض (تعلي الضحكه تدريجيا وسطانئيل ينهض بطيئها ليظهر طول قامته يغاطي ابراهيم)
ستار black
المشهد الثاني
(يفتح الستار علي نفس الديكور محاط بالستان الابيض والاضضاة خافته وتعلو تدريجيا علي ادم الارض ومعه العجوز وابراهيم2)
العجوز لسه في امور مش واضحه لك كتير مش كده ؟
ادم فعلا لكن الراحة اللي حاسس بيها ...مخلياني مافكرش في اي حاجة ...علي الرغم من فضولي العلمي المعتاد
ابراهيم 2 (يقاطعه) افتكر انه من الافضل اننا نرضي فضولك العلمي
العجوز بعد ما فشل لوسيفورس او سطانئيل ملاك الظلمه ...الدخول لقلب ادم الاول ورفض ادم وحواء ليه ولفكره
ابراهيم رفضوا فكر التكبر الي حال زرعه سطانئيل في قلوبهم ..رفضا يكونوا زي ربنا ...وماسقطوش في الفخ اللي كان سطانئيل مجهزه ليهم
ادم (يقاطعه) وهو ده الفرق الجوهري في ارضنا او في عالمنا ابونا ادم الاول وامنا حواء في تجربتهم مع سطانئيل سقطوا وده اللي دخل الشر للطبيعه البشرية وحرمهم من نعم كثيرة زي اللي انا شايفها دلوقتي
ابراهيم 2 بس علي فكره يا ادم ...اللي حصل ده كان اكيد خير
ادم قصدك ايه ؟
العجوز الخطية في دخولها لطبيعة البشر ...فرضت معاها وصايا كتير للانسان ينفذها عشان يقدر يرجع لطبيعته الاولي ...
ادم ممكن توضح اكتر
العجوز دخلت الخطية للبشر ودخل معاها الموت ...يبقي كان لازم فداء ...ووصايا ينفذها الانسان بعد الفداء عشان يعيش مع الله ويوصل للحياة الابدية
ابراهيم او يوصل للنقاء الكامل ...اللي بيه يشوف الله ويعاينه
ادم طوبي لانقياء القلب لانهم يعاينون الله
العجوز في ارضنا هنا ...كل عين بتشوف اللي داخل قلبها
ادم ابراهيم
ابراهيم2 في حاجة يا ادم
ادم انا كده فهمت ليه ابراهيم ماكنش شايفك(للعجوز) وكان شايف كل اللي حواليه صحراء
العجوز وهو ده السر اللي قولتك هاتعرفه بعدين ...لكن لسه ياما هاتشوف
ادم هاشوف ..هاشوف ايه ؟
العجوز كل شئ له ميعاد (يخرج من المسرح وادم خالفه بيسأله)
ابراهيم2 في حاجة غريبة ...كلام سيدنا مع ادم الارضي مش طبيعي ..انا حاسسس ان في حاجة صعبة هاتحصل بسبب زوار الارض ...لكن مش عارف ايه هي ...انا لازم اروح بسرعة لجدودي واتباحث معاهم عشان لو في خطر نلحق نصده (يتجه للخروج يقابله ادم2)
ادم2 علي فين يا ابراهيم ...مستعجل ليه
ابراهيم 2 في خطر بيهدد عالمنا ولازم نلحق نكتشفه قبل ما يدخل ارضنا
ادم2 خطر ايه ...ووجع دماغ ايه ...تعالي بس لما احكيلك انا شفت ايه النهارده
لكن انا
سطانئيل انت عايز تملك علي جنه عدن وتبقي مثل الله وانت عندك الامكانيات انك تبقي كده ..وابراهيم نفسه يتخلص من تفوق الاخرين عليه ويبقي العالم الاول في ارضه ...وانا اقدر انفذلكم كل ده
ادم 2 انا
سطانئيل ماتخليش حد يوقف قدام طموحك ...انت لو حطيت ايدك في ايد ابراهيم الارض ...هاتبقي سيد الكون ورب جنه عدم
ادم 2 معقول
سطانئيل ابراهيم الارض عنده من التقدم اللي ممكن يخليك تملك بيه كل كوكبك كل اللي هاتعمله انك هاتحط ايديك في ايديه وتساعده
ادم 2 اساعده علي ايه
سطانئيل ابراهيم عايز يقتل ادم الارضي
ادم2 يعني لو ساعدته انه يوصل لادم الارضي ويقتله هايساعدني اني ابقي ...سد الكون
سطانئيل بس في مشكلة ممكن تقف في طريقك
ادم2 اي مشكله تقف في طريقي ...هادمرها
سطانئيل حتي لو كان ابراهيم ...صاحبك اللي اتربي معاك
ادم2 حتي لو كان ادم الكبير
سطانئيل طب و...
ادم2 محدش له سلطان علي ...انا ليا ارادتي الحره ...واللي بيها انفذ كل اللي انا عايزه
سطانئيل يبقي اتفقنا (يدخل ابراهيم الارض)
ادم2 اتفقنا ...ابراهيم ...كويس انك جيت دلوقتي
ابراهيم انت رحت فين ..كده فجاءه تسبني
ادم2 اصلي اول مالقيت نفسي جنب الحدود ...حدود الظلام ...خفت لاننا متحذرين ان مافيش حد يقرب منها
ابراهيم طب مانت قريب منها
ادم2 ما انا لما قعدت مع نفسي وفكرت كويس ...قولت لنفس واخاف من ايه ..انا محدش له سلطان علي
ابراهيم بقولك ايه كنت عايزك في موضوع
ادم2 وانا كمان عايزك في موضوع ...ومتهيالي انه نفس الموضوع
ابراهيم هو كلملك
ادم 2 ايوه كلمني ...واتفقنا
ابراهيم طب والتنفيذ امتي
ادم 2 امتي ...دي خليها علي انا
ابراهيم ازاي بقي ...خليها علي انا تعالي معايا ...عشان نرتب لسيد الكون الجديد هايستلم ملكه ازاي
Black
(تضاء الانوار علي ادم الارض وابراهيم 2 ...موسيقة توتر وخطر)
العجوز كده انت عرفت وشوفت كل شعب ومنشأت عدن
ادم قد ايه مدينه جميلة
العجوز عايزك تحاول ...توصل الرسالة لشعب الارض
ادم اوصل الرسالة ...أزاي انا مقدرش ...ثم انا نفسي اعيش هنا علا طول (يدخل ابراهيم 2)
ابراهيم 2 سيدي ...عندي خبر صعب ...ابراهيم شاف ادم ...وتوب ادم ابتدأ يتغطي بالسواد ..يعني ادم دخل الشر ...وخايف انه لما يتعامل مع ابراهيم الارض ..شره يكبر ويزيد
ادم يبقي لازم نلحق نبعدهم عن بعض
(اضاءه عليه وموسيقي يدخل العجوز ويكمل ادم)
العجوز ما ينفعش
ادم ماينفعش
ابراهيم 2 انت عارف عارف وساكت
العجوز كل شخص بيختار طريقة بايديه ...ومش من طبعي اني الغي ارادتة اي حد ...لان تدبيري اعظم من اي تصور ...حكمتي فوق اي تخيل اصبر وشوف ايه اللي هايحصل يا ابراهيم ...وانت يا ادم ...انت وابراهيم ..اختاروا بارادتكم ما بين ارادتي واراده الشر
ابراهيم 2 سيدنا وربنا ...انا حسس انك
العجوز (يرفع يده برفق)انا شايف ان الشر بيقرب
ابراهيم 2 لكن فين حبك لينا
العجوز انا بحبكم من كل قلبي
ابراهيم 2 ادم واحد مننا ..ازاي تسيبه كده
العجوز هي دي ارادته ..ما ينفعش اني امنعه ...والا مابقاش عادل
ابراهيم 2 ازاي ...ازاي تكون
ادم (مقاطع) ابراهيم ...انت بتكلمه ...كانه في ايده كل حاجه
العجوز بالفعل انا في ايدي كل حاجة ..لكن اجي عند ارادتكم واسكت ...واخليها هي اللي تنفذ ...لان ارادتكم حره... ولازم تكونوا احرارا ...سواء اخترتم النور ....او ....الظلمة ...علي الرغم من سلطاني علي كل المخلوقات واولهم انتم البشر ...لكن فضلت اخلي لكم ارادة حره ...اللي من خلالها انتم اللي تقرروا انكم تعيشوا معايا بدون اي ضغوط ...أو
ادم انت
ابراهيم ايوه ...هو ...عايش وسطنا ومعانا ودايما في قلوبنا ...عشان شايفنه بالعيان...مش قولتلك انك علي ارضنا ماتشوفش غير اللي جواك وفي قلبك
ادم انا مش مصدق نفسي ...انا اشوف ...ربي والهي
العجوز خذوا بالكم الامتحان صعب وادم وابراهيم الارض شربو من نبع الشر ...وهو اللي بيحركهم ...والدور الوحيد اللي اقدر اقوم بيه هو اني انتظر واشوف اولادي ...هايختاروا مين
ادم ده نفس اللي حصل علي ارضنا
العجوز انا شايف الشر بيقرب
(يدخل دوبلير له نفس مواصفات جسد ادم ويطوقه ويحاول قتله واثناء هذه المحاولة يكون ظهره متوجه ناحية الجمهور ويدور بسرعة مع الاترا او الفلاشر والموسيقي يسقطوا داخل الكواليس ويبدلوا دورهم في المعركة ينهض ادم2)
ابراهيم2 قتلته ..ليه
ادم2 ومستعد اني اتخلص من اي حد ..حتي لوكان العجوز ...في سبيل اني اكون ملك
العجوز لكنك عشان تكون ملك جعلت من نفسك عبد لسطانئيل
ادم2 انا هاكون ملك وسيد الكون ...
ابراهيم2 ازاي تكون سيد الكون ...انت بتخضع لسلطان شرير جندك لحسابه وجعل منك اداه في ايديه يدخل بيها الشر للملكتنا
ادم 2 مملكتنا زايله
العجوز (موسيقي واضاءة) لوسيفورس ...انت اللي مملكتك زايله ...لغاية هنا كفاية ...ابراهيم الحق ادم وعلاجه بسرعة
(يخرج ابراهيم ليأخذ جسد ادم (الدوبلير) الممد راسه في الكواليس وجسده بالمسرح ليخرجه خارج المسرح ويكمل العجوز)
العجوز ادم انت اخترت باردتك انك تكون من اتباع الشر عشان كده هايكون الحكم عليك EKO اخرج خارج المدينة مع اجناد الشر في مملكه الظلمة ...فليطرح خارج حدود مملكه النور EKO 3
(اثناء الحكم فلاشر والترا ويختفي ادم مع (............) ويدخل ابراهيم 2 ومعاه ادم الارض
ابراهيم2 لازم تشكر سيدنا يا ادم ...لانه هو اللي حافظ علي حياتك
ادم شكرا ليك
العجوز يا ابني انا بحبكم كلكم ... لكن اللي يغلط ويستمر علي عناده ورفضه الرجوع عن خطأه ...لازم يتم عقابه
ادم يعني كل واحد متحمل خطأه ...طب ليه كل البشر في ارضنا خرجوا من جنه عدن بعد خطية ادم
العجوز لا يا ابني انت مش بتتعاقب عن خطأ ادم ...لاني رفعته عنكم علي الصليب ...انت بتتعاقب عن كل خطأ انت بتعمله في حياتك انت وكل نفس مسئولة عن حياتها وهاتدي حساب عليها
ابراهيم 2 وبعدين يا ادم ... انت لازم ترجع للعالم بتاعك
ادم لا ...مش ممكن
العجوز اللي مش ممكن هو ان تفضل هنا ...انت لازم ترجع لارضك وتجاهد وتصبر ...لغايه ما تورث في الملكوت ما لم تره عين وما لم تسمع به اذن وما لم يخطر علي قلب بشر ما عده الله لمحبي اسمه القدوس
ادم انا عايز اعيش هنا ..هنا احسن من الارض كفايه الحب اللي انا شايفه
ابراهيم2 اسمع الكلام يا ادم
العجوز لازم تسمع الكلام ...لكن لي طلب ...كل اللي شفته هنا ما تحكيهوش لحد
ادم ازاي ..داانا لازم احكيه لكل الناس ...المكان ده هوالحلم اللي بحلم بيه طول عمري ...اننا نعيش في صفاء ونقاء وحب كامل مافيهوش ذره كراهية
العجوز كل اللي اقدر اطلبه منك انك تنشر الحب والخير بين البشر لكن ماتقولش انك جيت هنا
ادم طب وابراهيم
العجوز ابراهيم ...ابعت لسطانئيل وخليهم يجبوه هنا ..ابراهيم الارض اكيد عنده ..هايستخدمه كاداه اخيره عنده لغزوا جنه عدم
ابراهيم2 امرك يا سيدنا (يخرج ابراهيم)
العجوز وانت يا ادم ...روح دلوقتي واستعد للسفر ..سامع استعد للسفر
(صوت موسيقي مناسبه لدخول سطانئيل ومعه ابراهيم الارض مع لعب بالاضاءه وشمال المسرح احمر اسبوت ركز علي سطانئيل ثابت مكانه لا يتحرك)
العجوز اهلا بيك في الارض اللي نفسك تملك عليها
سطانئيل (ضحكه هاديه)
العجوز سبق واتهزمت من ابني ادم ...ولسه بتحاول انك تسقطه في حكمي
سطانئيل لكنك غير عادل وبتنقذه من ايدي
العجوز هافضل اساعده وارشده للطريق والحق والحياة
سطانئيل وانا هافضل اهاجمه مرات ومرات ...لغاية ما اوقعه في الحكم ...وتنفيه بره مملكة النور ..وذي ما حكمت عليا تحكم عليه
(بلاك اوت يدخل ابراهيم علي ادم وهو نائم علي مكتبه وبيحلم حلم )
ابراهيم ادم ادم ..ما تصحي بقي ...يا ه دانت نومك تقيل ...اصحي بقي انا جبتلك الموافقة
ادم الموافقة ...وافقوا اننا نقعد ومانرجعش
ابراهيم نقعد ايه ..انا جبتلك الموافقة علي التجربة بتاعتك
ادم لا ما خلاص نا نفذتها
ابراهيم انت شكلك كنت بتحلم حل تقيل قوي
ادم اه انا كنت بحلم ...ياريت الحلم اللي حلمته يتحقق ..ونشوف الصورة الحقيقية لينا ...بدل ما حناعايشين في نيجاتيف الصورة (تمت)
الابراج
