الفصل الأول -- المشهد الأول
(يفتح الستار على منظر جحيم ويكون الرئيس على المسرح هو والمساعده)
الرئيس : أيه اللي مشجلب الجحيم بالشكل ده أيه اللي بيحصل المغاره فاضيه
والحراس: اللى بره نايمين اكيد فى حاجه غلط انا جاى فى ميعادى ازاى
الشياطين: متأخرين كده روحى روحى شوفى الشياطين اتاخروا ليه لغايه
دلوقتى .
المساعده :الشياطين وصلوا يا زعيم .
الزعيم: ياما جاب الغراب ... دخليهم دخليهم
(يدخلوا الشياطين واحد تلو الأخر)
الزعيم: انتوا طبعا عارفين انا جامعكم ليه الأنهارده واكيد طبعا عارفين
انى كان عندى اجتماع مع رؤساء الدول الغربيه وكان لازم اجتمع
معاكم فورا
الشياطين: ليه يا زعيم .
الزعيم: علشان بتهرجوا فى كل حاجه بتهرجوا والاسم زعماء مملكه شياطين
دوليه. مصر… مصر دوله ناميه ناميه حتى فى الخطيه تقدروا تقلولى
بتعملوا ايه للاسف فى مصر الكنايس شغاله لسبب انها تتوب… ناس
بتوب وبترجع عن طريقها فوقوا يا شياطين فوقوا ومتكنوش غفلالين
واعرفوا ان نهايتنا قربت ومش عايزين نبقى لوحدنا انا فى الاجتماع
بتاعى فى الاجتماع بتاعى مع رؤساء الدول الغربيه عارفين قلولى ايه
الشياطين :ايه يا زعيم .
الزعيم قالولى ان انا ما بفهمش حاجه انا ابن ابليس اللعين الحيه ملك مملكه
الهاويه اطلع ما بفهمش حاجه هاهاها…انا التنين المكر والخداع انا
الفتره اللى كنت غايب فيها دى عايز اعرف كنتوا بتعملوا ايه.
الكبرياء: ماتهدى نفسك شويه انا عايزاك تتطمن خالص انا شيطانه الكبرياء
الزعيم: على نفسك يا ماما دا انا الزعيم .
الكبرياء: شوف بس يازعيم انا بقى بقنع الناس انهم قديسين رغم عمايلهم
السوده اللى فيهم بيعمل حاجه كويسه بكبرها فى نظره واحسسه انه
مافيش زيه وانه احسن واحد فى الدنيا وقديس كمان بس يا عينى مش
واخد حظه مش بس كده يا زعيم دا انا كمان بعمل عقد للناس واخلى
الغنى فيهم يتعالى على الفقير ويزله واخلى كل الناس ترد على بعض
بتكبر ومن بكره هاخلى الكل يكره كله وما فيش حد يحب حد وان كل
واحد ما يحبش غير نفسه .
الزعيم: هاييل هو ده ال
المساعده: (تقاطعه) عليكم الدمار وشر ابليس وحركاته ايه الزعيم .. لا انا
المساعده: بتتعته ايه بتقول ايه البابا شنوده التالت طب ابعتلى الكتاب ده
بسرعه الحق يا زعيم مصيبه كبيره وكارثه
الزعيم: عايزه ايه يا وش المصايب قولى قولى .
المساعده البابا شنوده التالت كتب كتاب اسمه جلسه صاغبه فى جماعه سلطان
الظلام كتب فيها عن معظم حيالكم اتفضحتوا
الزعيم: هاتيلى الكتاب ده بسرعه
المساعده :اتفضل يا زعيم
الزعيم :ايه ده بجد.. امسكى كده.. انتى يا شيطانه الكبرياء الكتاب فيه حجات
كتيره عننا لا احنا لازم نطور خططنا انتوا سمعين (يخبط فى شيطانه
وانتى مين بالظبط
الحريه: انا يا زعيم شيطانه الحريه
الزعيم: حريه ايه يا ماما احنا بتوع العبوديه عايزين الناس يكونوا عبيد لينا
مش أحرار
الحريه: يا زعيم انتا فهمنى غلط انا مش بديهم حريه زى ما انتا فاكر انا
بوهمهم بس بالحريه اقولهم ان محدش يتحكم فيكم لا اب ولا ام لا بيت
ولا كنيسه ولا حتى كمان ربنا
الزعيم :ايوه.. هو ده.. صح كده ..انا عايز احزن قلب ربنا احزنه واخليه
(تقاطعه الحديث شيطانه اليائس)
اليائس: فعلا يا زعيم ما فيش احزن من اليائس
الزعيم: يا كئبتك وانتى شيطانه ايه بقى
اليائس: انا شيطانه اليائس
الزعيمك: انا قلت كده برده احكيلى بقى عن خططك يا يائسه
اليائس: انا خططى يا زعيم وهدفى الاول والاخير ان اخلى الشاب من دول يائس
ملهوش هدف فى الحياه احزنه واكبئه لحد ما يفكر فى حاجه تلهيه عن
الدنيا ان يدمن او يشرب خمره او يسرق علشان يبقى غنى وغيره
الزعيمك هايل هايل يا شيطانه اليائس الشغل ده حلو خليكى مستمره فيه
(تحدث ضوضاء وطبول رقص )
الزعيم: ايه اللى بيحصل ده ايه الدوشه دى (تدخل شيطانه الشهوه وتضخك)
انتى .. انتى مين
الشهوه: انا شيطانه الشهوه
الزعيم: يا اهلا وسهلا لا ما هو واضح عليكى ولكن انتى لبسه ليه اللبس ده
الشهوه: مش احسن من السواد اللى انتوا عايشين فيه
الزعيم: احكيلنا بقى عن خططك علشان خططك وصلت لحد دول بره
الشهوه: متشكرين يا زعيم أخجلتم تكبرنا
الزعيم :تكبركم ماشى كملى كملى
الشهوه: يا زعيم انا خططى كتير وكتير اقولك على ايه ولا ايه على الاصطبحات
ولا السديهات ولا الخرجات ولا الفيس بوك (face book)
الزعيم: ايه الفيس بوك
الشهوه: ايوه الفيس بوك ده كفايه جايزه ابليس الاعظم اللى خدتها من كام سنه
على اختراعى الجميل ده الانترنت
الزعيم :هايل انا عايز الناس كلها تعبد الشهوه وتحبها و.... مين ده .. دا معانا
هنا (يذهب لشيطان التوهان)طب انا دلوقتى اكلم مين فيكم ... حد شاف
الراجل ده قبل كده
الجميع لالالالالا
الزعيم انا خايف ليكون ملاك
الجميع ملاك
الزعيم: وبعدين ما فيش شياطين بالشكل ده .. تعالى هنا خد تعالى استغفر ابليس
الاول كده واهدى ... انتا شيطان ولا ملاك
التوهان: تصدق زعلتنى.. اكيد شيطان
الزعيم: طلع شيطان ... طب قولى بقى انتا شيطان ايه بقى وسمعنى
التوهان: انا ... انا مش عارف
الزعيم: يعنى انتا شيطان ومش عارف
التوهان: ساعات
الزعيم: اه ساعات .. طب هسئلك سؤال سهل قوى .. انتا شيطان ايه
التوهان :تصدق سهله انا شيطان اليائس
اليائس: يا ابنى ابعد عنى .
الزعيم: بس .. انتا يا مضحكش الناس علينا.. انتا شيطان ايه سهله
التوهان: يا راجل انا شيطان الشهوه
الشهوه: ايه ياعم احنا هنقطع على بعض ولا ايه طب خد دى ونام
الزعيم ::استنى انتى هتديله ايه هو مسطول خلقه لوحده هى ناقصه يا سيدى ركز
انتا شيطان ايه قلى ومتنرفزنيش
التوهان: بس .. تعالى يا عم تعالى
الزعيم: ايه خلاص عرفت ياااااااااه
التوهان: حبيب قلبى تعالى ..انا شيطان التوهان
الزعيم: ياااه كل ده عشان تقولى انك انت شيطان التوهان
التوهان هما دول التوهان والتشتيت دول ذى السكينه فى الجتوه
الزعيم: قولى بقى بتعمل ايه .
التوهان: انا ما بعملش حاجه انا بودى الناس الكنيسه
الزعيم: ايه
المساعده لا ده شكله عايز يضرب
التوهان: يا زعيم افهمنى بس
الزعيم :افهم ايه
التوهان: انا لقيت الواحد من دول مرمى عند الكشك... وابوه عمال يجرى عليه
والخادم بتاعه عمال يجرى عليه فقلت اوديه انا الكنيسه
الزعيم :هو فى حد اشتكالك يا ابنى .
التوهان: يا زعيم افهمنى بس انا لقيت الواحد من دول عاوز يروح الاجتماع
بوديه الاجتماع وبخليه قاعد فى الاجتماع عمال بيفكر هيروح فين بعد
الاجتماع هيعمل ايه بعد الاجتماع هيقابل مين بعد الاجتماع يبقى خلاص
الدمعه هتفر من عينه وعمال يقول انا عايز يتغير بس مش عارف
يعمل ايه لانه قلبه بقى معايا هو ده اللى انا بعمله يا زعيم .
الزعيم :هايل هو ده صح ... صح الناس بقت تزهق من لبسنا الاسود ده احنا
نخلى الناس بتحب بعض بس بتحب العالم ونخلى الناس مبسوطه بس
تتنكد فى العالم هو ده انا عجبنى جدا شغلك طيب انا عملكم اختبار
صغير عايزكم تنزلوا تجبولى ناس .. الناس دى من نوعيات مختلفه
ومن اماكن مختلفه خالص تنزلوا تجبولى ناس يبقوا عبيدى انا فى
مملكتى هنا مملكه ابليس الرهيب هاهاها... انتا مش ملاحظ انهم نزلوا
التوهان :نزلوا لما الحقهم انا
الزعيم: يله انزلوا هاتولى ناس يبقوا عبيدى انا فى مملكتى هنا مملكه ابليس
الرهيب هاهاهاهاها
آخر تعديل بنت القديسين يوم 28-09-2009 في 12:58 AM.
بنت القديسين
مشاهدة ملفه الشخصي
إرسال رسالة خاصة إلى بنت القديسين
البحث عن المشاركات التي كتبها بنت القديسين
28-09-2009, 01:00 AM رقم المشاركة : 2
معلومات العضو
عضو نشيط
إحصائية العضو
آخـر مواضيعي
0 يارب انا خايف
0 طريقه معرفه عدد ايام صوم الرسل(كل سنه وانتوا طيبين)
0 فيلم الانبا رويس ---- للموبايل ---
0 روح الجماعة
0 علشاني خلقت الدنيا
المستوى: 14 []
الحياة 34 / 346
النشاط 84 / 1061
المؤشر 84%
إحصائية الترشيحعدد النقاط : 10
--------------------------------------------------------------------------------
المـــشهد الــثـــانــى
(يفتح على خلفيه بيت وتكون الام منتظره ابنتها )
الام: ما لسه بدري يا ست هانم .
ميرنا :مين ماما
الام :ايوه ماما عماله اكلمك وانت سيادتك قافله الموبيل وكمان رجعالى وش
الصبح
ميرنا: يا ماما ما انا قلتلك انى هتاخر شويه
الام: تتاخرى يعنى ترجعيلى الساعه 11 مش تجيلى وش الصبح
ميرنا: هو انا يعنى رجعالك مشى ما انا جايه بالعربيه يعنى
الام: العربيه دى مش هتشوفيها تانى
ميرنا: ايه ده اشمعنا انا اللى كده ما نادر دايما بيرجعلك وش الصبح وانتى
عمرك ما كلمتيه
الام :نادر دا ولد عارفه يعنى ايه ولد
ميرنا :لا مش عارفه يعنى ايه ولد اللى اعرفه ان احنا الاتنين فى سن واحد
واللى يمشى عليا يمشى عليه
الام عال قوى وكمان بتحسبينى مش كفايه مش حرماكى من حاجه ناس
كتير: قوى مش لاقيه نص اللى انتا شيفاه
ميرنا: يىىىى انتى كل ما تكلمينى هتقوليلى نفس الكلام
الام : (تقرب منها) ايوه هقولك نفس ال ..... ايه ده ايه الريحه دى
ميرن:ا ريحه ايه
الام :وكمان بتشربى ( تضربها بالقلم)
ميرنا :بتضربينى يا ماما
الام :ايوه بضربك لانك ناقصه تربيه وغلطتى ان انا معرفتش اربيكى اتفضلى
على اوتضك ومن هنا ورايح ما فيش كليه وما فيش زميلاتك وما فيش
سهر
ميرنا: ماما
الام: ما فيش ماما ... مافيش مناقشه اتفضلى على اوضتك
( تنظر الام لبنتها فى حزن شديد ويخرجان الاثنان ويظلم المسرح ...
وبعد فتره يطرق الباب فتخرج البنت لتفتح الباب )
ميرنا: ايوه حاضر (تدخل شيطانه الحريه )
الحريه: صحى النوم ياست ميرنا ايه النوم دا كله .
ميرنا :ايه يا بنتى اللى جابك على الصبح كده
الحريه: ما جليش نوم قلت اجيلك
ميرنا: يا بنتى هو انتى بعد السهره بتاعت انمبارح لسه فيكى حيل
الحريه :بس ايه رايك فى السهره بتاعت انمبارح دى جديده مش كده
ميرنا :هى من جه جديده فهى جديده بصراحه انا اول مره اشوف واسمع
حاجه بالشكل كده
الحريه :هما دول بقى الشله الجديده اللى هنمشى معاهم دايما ايه رايك فيهم
ميرنا دول شويه بنات انتى شوفتى كانوا بيعملوا ايه ما فيش حاجه
معملوهاش اللى قوليلى عرفتيهم منين
الحريه: اتعرفت عليهم عن طريق بنت عمى زى ماعرفتنى عليهم عرفتك عليهم
ميرنا :بس دول شياطين
الحريه: بالعكس دول شباب عايش حياته وعايش حياته بطريقه صح مش زيك
يا ست ميرنا
ميرنا: يا مارلين انا عايزه افهمك حاجه انا فلوس عندى عربيه اخر موديل
عندى حساب فى البنك وعندى لكن ربنا رزقنى بحتت ام موريانى الويل
رغم كل اللى عندى مش لاقيه الحريه .
الحريه: وايه رايك بقى فى اللى يديكى الحريه دى
ميرنا: فين ده
الحريه: اهى الحريه
ميرنا :ايه دى
الحريه: دى دعوه تانيه لحفله تانيه زى بتاعت انمبارح بس دى هتبقى احسن
دى تمنها 150 جنيه بس هما بعتوهالك مجانا
ميرنا: دعوه لى انا مجانا انا افتكرتهم نسيونى
الحريه: بالعكس دول فكرينك خالص حتى الزعيمه بتاعتهم معجبه بيكى جدا
حتى هيا عايزه تقبلك
ميرنا :وهتقبلنى امتى !!
الحريه: هى زمنها على وصول دلوقتى
ميرنا: وعرفت عنوانى منين
الحريه :بعد ما شفتك انمبارح سالتنى عنك فكلمتها عن بيتك وعن حياتك وقالت
اهى فرصه ان اكون موجوده بينكم النهرده
ميرنا :معقول
الحريه: ابسطى يا ستى هتكونى عضوه فى مجموعه الحريه الشخصيه وكمان
هتقبلى الزعيمه بتاعتهم انت بقى مش هتشوفينى اشرب ايه
ميرنا :اه صحيح هتشربى ايه
الحريه: اى حاجه تروق الدماغ
ميرنا: يا بنتى انت ماكفكيش اللى عملتيه انمبارح
الحريه: ياستى هى دماغك ولا دماغى خلصى
ميرنا :طب استنى ( تخرج فيطرق الباب وتذهب شيطانه الحريه لتفتح الباب
فتدخل المساعده )
المساعده :ميرنا موجوده
الحري:ه ايوه موجوده
المساعده: لوحدها
الحريه: اه لوحدها
المساعده :طيب (تدخل فتنظر لصوره المسيح) ايه ده (تزيح الكرسى اللى امامها)
ميرنا: ( تدخل مسرعه) ايه فى ايه مين دى
الحريه: دى ايمان اللى كلمتك عنها وهى اتخبطت فى الكرسى وهى داخله
ميرنا :ميهمكيش اتفضلى
المساعد:ه انا طلبت ان اقبلك.. انمبارح كنتى معانا فى الحفله وعرفت عنك حجات
كتير وطبعا اكيد مارلين قالتلك ان مش اى حد يبقى عضو معانا فى
المجموعه ولا اى حد بيحضر حفله وخلاص ومعنى انك حضرتى معانا
حفله ده شئ مش سهل عرفت عنك ان والدك متوفى ووحيده لولتدك
وبتحبى الهظار والفسح لكن... لكن للاسف واقعه تحت سيطره ام قاسيه
وظلمه وسمعت عنك انك عايزه تبقى حره لكن مش قادره وانك حضرتى
الحفله بتاعت انمبارح عشان تروقى عن نفسك مش كده برده
ميرنا: فعلا
المساعده: فى حاجه تانيه عايزك تعرفيها وهى ان المجموعه بتاعتنا بتاعت
الحفلات اللى احنا بنعملها مش عشان نروق عن نفسنا وبس احنا
مجموعه اسمها (تقاطعها شيطانه الحريه)
الحريه: الحريه الشخصيه
المساعده: انت لسه قاعده طب تقدرى تتفضلى
الحريه :طب استاذن انا بقى
المساعده: احنا لينا مبادئ لينا عقيده لينا هدف لازم نوصله بمعنى اصح احنا نعتبر
ديانه مستقله بذاتها لازم تعرفى ان دخولك معانا ده شئ مش سهل
لكن لازم تعرفى مبدئنا كويس اكيد عرفتى حاجه عن سهره انمبارح
ميرنا: فعلا عرفت حاجات لكن مش كتير انا كل اللى عايزه ان يبقى ليا كلمه
فى البيت ده نفسى اخد قرار ومحدش يناقشنى فيه
المساعده: هو ده هدفنا احنا ... احنا هدفنا الحريه.. الحريه من كل حاجه انت
انسانه واقعه تحت قيود كتير ما احنا كده فى الاول .. لكن اتحررنا منها
والقيود دى كتير لكن الله قيد .. قيد اسمه الله ايوه .. ايوه الله.... الله
اللى فارض نفسه علينا وعشان نتحرر من قيوده كان لازم ندور على
شخص اقوى من قيود الله يدينا قوه ملحوظه بين الناس وعشان
تتحررى من القيود دى لازم تاخدى قوه خارقه من الشيطان اللى انتصر
على الله فى الانسان واللى ..واللى احنا بنعبده
ميرنا: الشيطان .... الشيطان اقوى من الله طب ازاى
المساعده: لان الشيطان هو سيد العالم... الله لو كان قوى مكنش الانسان وقع تحت
ايد الشيطان تانى حاجه الناس واخده فكره غلط عن الشيطان الناس
فاكره ان الشيطان ظالم وقاسى لكن بالعكس ده مسكين واتظلم واحنا
واحنا هدفنا نقف جنب كل واحد مظلوم ... والله ظلم الشيطان ومدلهوش
فرصه حتى للتوبه احنا بنرفض الصليب لانه علامه عار والعالم كله
عارف كده والاديان والتواريخ والكتب بتقول كل من علق على خشبه
فهو ملعون لذلك ... لذلك الصليب ملعون وانت .. وانت لازم تعيشى
الحريه: لازم تمارسى كل حاجه لازم تقولى لله لا... لانه عايز يتحكم فيكى
تعالى ... تعالى واحضرى معانا حفلات وشوفى ..وشوفى احنا عايشين
الحريه ازاى بس ..بس لازم تنسى الصليب تنسى الكتاب وتنسى حتى
الصور اللى متعلقه فى بيتك هنا لازم تدوسى على كل حاجه بتقيدك
لازم تفتحيلى قلبك وتعلينى عن سلطان.. سلطانك انتى ودلوقتى عشان
تبقى عضوه معانا لازم اعمل اتفاق معاكى موافقه
ميرنا :مش هبقى حره طبعا موافقه
( تقيدها بحبل اسود فى ذراعها الايمن وتركع ميرنا لها)
المساعد:ه ودلوقتى ..ودلوقتى انت بقيتى حره يا ميرنا عارفه يعنى ايه حره.. حره
يا ميرنا ..... اشوفك باليل فى الحفله يا ميرنا (تخرج)
ميرنا: انا حره....... ايوه انا حره
الام: انت لسه هنا على العموم انا مش هتكلم معاكى دلوقتى انا جايه اخد
شويه اوراق ومسافره الاسكندريه فورا ورجعه النهرده باليل .....
اه صحيح .. لازم تروحى الشركه النهرده (تخرج الام)
ميرنا: ايه مافيش مكان ماتيجوا عندى البيت ... البيت فاضى مفهوش حد
(تدخل شيطانه الحريه وشيطانه الكبرياء ويقمون بحركات استعراضيه
حسب رؤيه المخرج توضح سقوط الانسان فى الخطيه ..تدخل الام)
الام :ايه دا ايه اللى مشقلب المكان بالطريقه دى
ميرن:ا انا حره
الام: انت مش هتبطلى ..(تنظر الى السجاره التى بيدها)وكمان بتشربى
سجاير انت مجنونه
ميرنا :انت اللى مجنونه
الام :اخرسى (ترفع يدها لتضرب ميرنا فتمسك ميرنا بيدها وتلقى بامها على
الارض)
ميرنا: انت اللى تخرسى
(توجه الاضاءه على ميرنا + موسيقى حزينه)
آخر تعديل بنت القديسين يوم 28-09-2009 في 01:05 AM.
بنت القديسين
مشاهدة ملفه الشخصي
إرسال رسالة خاصة إلى بنت القديسين
البحث عن المشاركات التي كتبها بنت القديسين
28-09-2009, 01:09 AM رقم المشاركة : 3
معلومات العضو
عضو نشيط
إحصائية العضو
آخـر مواضيعي
0 -+- حصريا فيلم-+- يسوع بشهاده المجداليه -+- على اكثر من سيرفر -+-
0 الكتاب المقدس المسموع
0 -+-- (الصعايدة )--+-
0 مسرحية (مدينة بابا يسوع ) مسرحية للاطفال
0 خطوات لعمل ميك اب لعروسة
المستوى: 14 []
الحياة 34 / 346
النشاط 84 / 1061
المؤشر 84%
إحصائية الترشيحعدد النقاط : 10
--------------------------------------------------------------------------------
المشهد التالت
(يفتح الستار على بيت ساره وتكون ام ساره جالسه.... تدخل ساره)
ام ساره: اتخرتى ليه يا ساره
ساره :يا ماما ما انا عديت على الكنيسه شويه
ام ساره: طب كويس انك روحتى الكنيسه يله غيرى بقى عشان تتغدى
ساره: حاضر ياماما بس .. نيفين جايه تذاكر انهرده معايا شويه
ام ساره: نعم هو كل اسبوع الموضوع ده ... هى صوره يعنى
ساره: يا ماما احنا هنقعد نذاكر
ام ساره: ما هى بتفضل قاعده لى انت والكمبيوتر وهاتك يا اغانى ومسخره
ساره: يا ماما احنا بنبقى بنريح شويه يعنى
ام ساره: خشى غيرى يا ساره عشان تتغدى
ساره: حاضر يا ماما (تدخل ساره ويطرق الباب وتفتح الام الباب فتدخل نيفين
}شيطانه الشهوه{)
ام ساره: اهلا وسهلا يا نيفين بقلنا يعنى اسبوع بحاله مشفنكيش
الشهوه: ميرسى قوى يا طونط ..ازى حضرتك وازى الصحه يا ترى ساره
موجوده
ام ساره: فى اوضتها حبيبتى
الشهوهك ميرسى قوى يا طونط.. هاى ازيك يا ساره
ساره :ايه يا نيفين اتئخرتى كده ليه حرام عليكى
الشهوه كمعلش حصل ايه يعنى
ساره: يا نيفين ما انت عارفه الملل اللى انا عايشه فيه بجد ما بصدق اشوفك
الشهوه :اصل وانا جايه قبلت مارو
ساره: مارو ... مارو مين
الشهوه :مارو البنت اللى مصحبه امير ده
ساره: ودى مالها دى
الشهوه: ابدا قعدت تحكيلى بقى عن صاحبها وكده يعنى ..بيخرجوا فين وبيعملوا
ايه وكلام من ده يعنى
ساره :يا بختها كميلى يا نيفين كملى
الشهوه :على فكره انت بقى ممكن تبقى زيها
ساره: ابقى زيها .... ايه الكلام ده يا نيفين
الشهوه: ليه هو احنا مش بنات زيها يعنى ولا ايه
ساره :ايوه يا بنتى بس المصحبه والكلام ده مش وقته يعنى
الشهوه: سيبك بقى من كلام مدارس الاحد دا يا حبيبتى احنا كبرنا خلاص لازم
تفهمى :كده .. صحيح فى واحد صحبنا فى الشله سأل على اسمك النهرده
ساره :سأل عليا انا ودا مين ده ويعرفنى منين
الشهوه: معرفش صدقينى هو باين كده اسمه سامى
ساره: سامى .. ولا اعرفه تعالى يا نيفين تعالى نذكررنا كلمتين
(تشدها وتذهب للمكتب)
الشهوه :بصى يا ستى بقى (تعلوا الموسيقى)
بنت القديسين
مشاهدة ملفه الشخصي
إرسال رسالة خاصة إلى بنت القديسين
البحث عن المشاركات التي كتبها بنت القديسين
28-09-2009, 01:12 AM رقم المشاركة : 4
معلومات العضو
عضو نشيط
إحصائية العضو
آخـر مواضيعي
0 اقوال تماف ايرينى
0 الانجيل الملحن بصوت المعلم ابراهيم عياد
0 **** معلومات عجيبة قوى ****
0 خطوات لعمل ميك اب لعروسة
0 جمال المرأة
المستوى: 14 []
الحياة 34 / 346
النشاط 84 / 1061
المؤشر 84%
إحصائية الترشيحعدد النقاط : 10
--------------------------------------------------------------------------------
الفصل الثانى--- المشهد الاول
( يفتح الستار على خلفيه شارع الجامعه وتدخل الشهوه وساره)
الشهوه يا ساتر المحاضره كانت خنيقه قوى النهارده
ساره وايه الجديد يا نيفين ما طول عمرهم كده
الشهوه اوف ... امتى نخلص بقى
ساره خلاص بقى يا نيفين هانت
الشهوه ايه ده يا محاسن الصدف
ساره ايه يا نيفين فى ايه
الشهوه عارفه مين اللى واقف هناك ده
ساره مين ده
الشهوه ده سامى اللى كان بيسأل عليكى
ساره وهو بيعمل ايه هنا ( وتكون مرتبكه)
الشهوه معرفشى تعالى نسلم عليه ... (تسحب الشهوه ساره وتذهب ناحيه
سامى )هاى ازيك يا سامى
سامى هاى ازيك يا نيفين عامله ايه
الشهوه كويسه
سامى ومين صحبتك بقى
الشهوه دى ساره ... اه ساره
سامى ساره اه انا شكلى شفتك قبل كده
ساره انا ما انا سمعت الموضوع ده قبل كده
سامى انت ساكنه وراى الجامعه
ساره ايه هو انت ساكن هناك ولا ايه
سامى لالالا ... اصل انا عند اصحاب كتير وبرحلهم
الشهوه ماشى يا عم المنتشر انت اصحابك فى كل حته
سامى مش قصدى حاجه يا نيفين صدقينى
ساره طاب معلش احنا لازم نمشى
سامى يا خساره كان نفسى اقعد معاكم اكتر من كده
الشهوه اكيد هنتقابل تانى يا سامى يلا باى
سامى اه على فكره انا هبقى اخد ايميلك من نيفين اصل انا راشق ليل نهار
على النت
ساره خلاص اوكيه روحينى الله يخليكى
الشهوه اتفضلى يا ساره .... ايه يا بنتى جبتى الوان ليه كده قدامه
ساره مش عارفه يا نيفين حاسه كده ... مش عارفه مش عارفه
الشهوه عمتا يلا اشوفك بكره سلام
ساره باى يا نيفين ( تخرج )
الشهوه هاه يا عم مظبطاك اهو
سامى هو فيه كده برده
الشهوه اظن جيبالك هديه انما ايه
سامى هو احنا نقدر نعمل برده حاجه من غيرك يا باشا
الشهوه بص بقى انت دلوقتى معندكش حجه انا حطيتك على اول الطريق
وعايزك بقى تورينى لعبتك
سامى بس كده انا هوريكم ازاى بصتطاد انا عندى طعوم اشكال والوان كل
الاحجام وكل سمكه وليها طعمها يا اما تبلعه يا اما تفلفص من السناره
سعتها بقى نبقى نشوف اذا كانت هترجع تعوم تانى ولا ..لا
الشهوه لازم قلبه يحزن عليهم .. لازم يعرف انا اللى فضلهم علينا هما اول
الناس اللى بتبيعه وعشان ايه كلام هايف وحاجات تانيه يله اسيبك
دلوقتى ورايا سمك كتير
سامى ماشى ياعم الشبكه
( تخرج الشهوه من ناحبه وسامى من ناحيه اخرى ويظلم المسرح
لفتره وبعد ذلك تدخل ساره والشهوه على المسرح )
الشهوه ايه يا ساره وشك مخطوف كده ليه ... انت منمتيش ولا ايه
ساره لالا يا نيفين ما فيش حاجه
الشهوه ليه ماما نكدت عليكى كعدتها
ساره لا اصل انا بصراحه بقالى كده كام يوم بسهر على النت
الشهوه اوعى يكون اللى فى بالى
ساره ايوه هو .. انا مش قدره اتخيل اقعد مع واحد كل ده وانا اول مره اعرفه
الشهوه طب وبعدين احكيلى احكيلى
ساره بصى يا نيفين هو شخصيه بتعرف ازاى تقنعنى وتتكلم فى اللى انا عايزه
اتكلم فيه
الشهوه عال العال ماشيه معاك يا عم
ساره عال ايه بس
الشهوه خلاص يا ستى هو انا هسدك ليه .. نمسك الخشب بقى
ساره استنى
الشهوه مين .. مين اه مين
ساره دا هو
الشهوه ما تردى
ساره بس انا مش عارفه اذا كنت عايزه اقبله ولا ..( يدخل سامى )
سامى ايه الحركات اللى اى كلام دى هما الموبيلات عملوها ليه
الشهوه هااااى يا سامى
سامى هااى يا نيفين يكش تكونى كويسه ... ايه يا بنتى مقلتليش انك انت نازله
ساره يعنى .. انت عارف يا سامى الدروس والقرصات
الشهوه طب بعد اذنكم هروح اصور شويه ورق
سامى طب روحى ... اه احكيلى بقى عامله ايه النهارده
ساره يعنى كالعاده يا سامى الدنيا مش لطيفه
سامى ليه بس كده
ساره انت عارف بقى يا سامى الدروس ودايما ماما بصراحه عملالى ضغط
سامى على العموم انا عايزك تفضفضى تطلعى كل اللى عندك كده اكيد هترتاحى
ساره بصراحه ياسامى .. انا فعلا بستريح لما بتكلم معاك
سامى وانا كمان ... على فكره انا اعرف بنات كتير قوى بس للاسف كلهم
شخصيتهم كده هايفه زى نيفين كده
ساره اه .. وايه بقى يا استاذ انت ما وركش حاجه النهارده ولا ايه
سامى لا عندى بس كنت عاوز اطلب منك طلب
ساره قول
سامى انا كنت رايح مشوار صغير كده ... ممكن بعدها نخرج
ساره ( بأستغراب ) نخرج
سامى ايوه نخرج انت تعبانه من المذاكره... وبعدين ده هو مشوار صغير
وهنجى على طول مش هنتأخر
ساره عموما يا سامى انا هبقى اكلمك
سامى خلاص يا ستى وانا منتظر مكلمتك يا سولى
ساره سولى ... ودا اعتبره دلع دا يا استاذ ولا ايه
سامى ليكى عليا كل يوم اسم دلع شكل
ساره مس مريم
سامى مس مريم ... احنا فينا من مس مريم طب سلام انا بقى
مس مريم ايه يا ساره مش بتردى على موبيلى ليه
ساره لا يا مس مريم ... بس انا لازم امشى دلوقتى
مس مريم ايه انت بتدلوقينى كده ليه .. فى ايه
ساره لا يا مس مريم انا مش قصدى .. بس انا ورايا معاد دلوقتى حالا
مس مريم طب خلاص هشوفك يوم الجمعه
ساره انشاءالله .. انت تؤمرينى يا مس مريم .... انشاءالله
مس مريم لو عزت حاجه ابقى كلمينى(2) ربنا معاكى يا بنتى
آخر تعديل بنت القديسين يوم 28-09-2009 في 01:19 AM.
بنت القديسين
مشاهدة ملفه الشخصي
إرسال رسالة خاصة إلى بنت القديسين
البحث عن المشاركات التي كتبها بنت القديسين
28-09-2009, 01:17 AM رقم المشاركة : 5
معلومات العضو
عضو نشيط
إحصائية العضو
آخـر مواضيعي
0 موسيقى فيلم مافيا - عمر خيرت
0 ايه رايكم ..وفى صراحة شديدة
0 قداسة البابا شنودة الثالث فى حوار خاص لجريدة نداء الوطن
0 فيلم القديس مارشيلينو
0 *-+معجزة جمعت الأنبا مينا والبابا كيرلس وأبونا عبدالمسيح +*-
المستوى: 14 []
الحياة 34 / 346
النشاط 84 / 1061
المؤشر 84%
إحصائية الترشيحعدد النقاط : 10
--------------------------------------------------------------------------------
( يفتح الستار على منزل ساره)
الشهوه ايه يا ساره ماجتيش السكشن النهارده ليه
ساره يعنى انت مش عارفه يا نيفين
الشهوه لا مش عارفه
ساره يا نيفين انا بقيت اخرج معاه قوى وبقيت اطنش المحضارات والسكاشن
والقرصات
الشهوه اللا اللا اللا....
ساره بقولك ايه ده مش وقت هزار ( يرن جرس التليفون)
الشهوه طب وانت مدايقه كده ليه ... مش دا اللى كان نفسك فيه واحد بيحبك
وبتحبيه ...وتعيشوا قصه حب حلوه
ساره ايوه يا نيفين .. بس انا حاسه ان فيه حاجه غلط فى الموضوع
الشهوه لا غلط ولا حاجه .. انت بس عشان الموضوع جديد عليكى ... وبعدين
انت ابتديتى تدعوتى ... متمثليش بقى
ساره بس انا عايزه اسئل حد فى الموضوع ده
الشهوه حد ... هتسئلى ممتك يعنى .. دى بتنكد عليكى فى كل حاجه ..ولو عرفت
حاجه زى كده هتبهدلك وهتمسح بيكى الارض
ساره يا نيفين انا عايزه اطمن ... عايزه اتكلم مع اى حد
الشهوه انت محسسانى انك هتسئلى شركه التامين عن الحياه ليه كل ده يعنى
ساره بقولك ايه انا عايزه اطمن وخلاص
الشهوه اعملى اللى انت عايزه تعمليه يا ساره( تخرج ، ثم تدخل الام)
ام ساره ساره تعالى هنا
ساره نعم يا ماما
ام ساره انا جالى تليفون غريب كده من شويه ولسه قفلاه
ساره طب ودى فيها ايه يعنى
ام ساره انت عارفه مين اللى كان بيتكلم
ساره مين يا ماما
ام ساره ده الميستر بتاع القرصات انت عارفه قالولى ايه ... بقالك تلات اسابيع
يا هانم مش بتروحى القرصات ... تلات اسابيع عملتينى شرابه خرد
ساره اسمعينى بس يا ماما
ام ساره اخرسى خالص ( تصعقها بالقلم) انت لسه هتتكلمى عماله اتعب واشقى
عشان كليتك واكلك وشربك ومستقبلك ... وانت مقضياها صياعه .. انا
عايزه اعرف يقى انت كنتى بتروحى فين وبتعملى ايه .. قوليلى بسرعه
قوليلى وفهمينى انت كنت بتعملى ايه ... قوليلى ورد عليا .. قوليلى
بسرعه متسبنيش كده ردى عليا
ساره (تتكلم فى الموبيل) ردى يا مس مريم بقى ..ارجوكى ردى انا بجد
محتجاكى .. ردى بقى (تدخل ترنيمه شهوه القلب)
ام ساره ردى بسرعه
ساره الو .. ايوه يا سامى .. انا محتجاج قوى ... محتجاج قوى يا سامى.. انا
انا جيالك حالا ( تجرى وتخرج)
ام ساره ساره ساره
بنت القديسين
مشاهدة ملفه الشخصي
إرسال رسالة خاصة إلى بنت القديسين
البحث عن المشاركات التي كتبها بنت القديسين
28-09-2009, 01:21 AM رقم المشاركة : 6
معلومات العضو
عضو نشيط
إحصائية العضو
آخـر مواضيعي
0 الموسيقى التصويرية لفيلم تيتو
0 تناول الشاي بدون حليب أفضل
0 طريقة عمل المايونيز
0 +(شريط الرب قريب ( شبات الانبا رويس )+
0 الانجيل الملحن بصوت المعلم ابراهيم عياد
المستوى: 14 []
الحياة 34 / 346
النشاط 84 / 1061
المؤشر 84%
إحصائية الترشيحعدد النقاط : 10
--------------------------------------------------------------------------------
المشهد التالت
(تفتح على خلفيه شارع جامعه ويكون موجود على المسرح شيطانه
الكبرياء ووفاء احد الطالبات الموجدين بالجامعه)
وفاء فعلا يا ماجده المجله بتاعت السنادى احسن من المجله بتاعت السنه
اللى فاتت بكتير .. لا وكلمه الدكتور كانت مشجعه قوى للطلبه بتاعت
الفرقه الاولى
الكبرياء ما طبعا يا بنتى لازم تبقى احلى من السنه اللى فاتت بكتير.. مش انا
والمجموعه بتعتى اللى عملناها
وفاء معقوله .. انت ومحب وشريف اللى عملتوا المجله دى
الكبرياء اه طبعا.. دا احنا كمان نسؤلين عن الانشطه والايام الرياضيه داخل
فرقتنا .. واستقبال الدفعه الجديده
وفاء طاب بالنسبه للدفعه الجديده ... ياريت الكلام اللى مكتوب فى المجله
يتنفذ
الكبرياء الكلام .. كلام ايه
وفاء عن الطلبه اللى داخلين فى سنه اولى .. اصل انا ابن عمى داخل سنه
اولى السنادى .. وهو بصراحه مش متعود على معامله البندر دى خالص
اصله من بلد ارياف وخايف من الجامعه المفروض لما يجى دوركم
يبتدى
الكبرياء على العموم ملكيش دعوه انتى ... انتى كل اللى عاليكى تعرفيه علينا
وبس .. واحنا ناخد بالنا منه
وفاء بس خلى بالك ده ما يعرفش حاجه فى اى حاجه
الكبرياء لا متخافيش
وفاء اومال فين محب وشريف
الكبرياء انا عارفه ايه اللى اخرهم لحد دلوقتى ... بس اكيد زمانهم على وصول
اه صحيح .. الا قوليلى هو انت قرتى الكتاب الجديد
وفاء كتاب ... كتاب ايه .. اه الكتاب اللى انا خده من شريف انمبارح
الكبرياء ايوه
وفاء مش الكتاب اللى اسمه .. اللى اسمه دعوه من يهو .. قريته
الكبرياء طب بصى بقى .. اهم حاجه فى الكتاب ده الاجزاء اللى بتتكلم عن الخدمه
وازاى احنا هنا دورنا على الارض... احنا شهود يهوه
( يدخل الزعيم وشيطان التوهان اللى هما شريف ومحب)
التوهان صباح الخير يا جماعه
وفاء صباح الخير .. ايه اللى اخركم لغايه دلوقتى
التوهان عندك شريف اهو يا ستى اسئليه
الزعيم ابدا جات مجموعه طلبه جديده اتعرفت عليهم ازيكم وعملين ايه والكلام
ده المهم الدكتور ندهنى روحت سبت مجموعه نبذ مع واحد من الطلبه
الجداد منا ما رحت وجيت لقيته وزع النبز معرفش فين طرت ادور عليه
فى الكليه كلها متلقتهوش
وفاء هو ده اللى اتفقنا عليه يا شريف
التوهان ايه يا جماعه هو انتوا هتفضلوا تتخنقوا احنا ورانا محضارات انتوا مش
هتحضروا ولا ايه
الكبرياء لا هنحضر.. يله بينا يا وفاء
وفاء لا انا هستنى ابن عمى بره عند المدرج هسبكم وابقى احصلكم يله باى
الكل باى ( تخرج وفاء)
الزعيم بصوا يا شياطين ... لازم نعرف ان احنا هنا لهدف معين مع الطلبه
الجداد
التوهان طب ويا ترى هنتكلم فى ايه
الزعيم انا عشان خاطر انت تايه كده على طول انا نازل معاك اصلا
الكبرياء انا مش فاهمه انتوا محتارين كده ليه .. ما نفس الكلام اللى اقنعنا بيه
وفاء .. هنقنع بيه الناس التانين .. التركيز كله هيبقى عن الكتاب
المقدس والمجئ التانى .. اما بقى الناس اللى هنختارهم هيكونوا زى
وفاء بالظبط ما بيعرفوش حاجه فى اى حاجه
الزعيم طب ثانيه واحده(يوجه كلامه لشيطان التوهان) انت فهمت حاجه
التوهان (يشير بعدم الفهم)
الزعيم طب تعالى انا هفهمك بص يا ابنى احنا هنعمل (ياخده ويخرج هو
وشيطانه الكبرياء ... ويدخل زكريا قريب وفاء)
زكريا وفاء ..وفاء يا بنت العم... يوه .. وفاء يا بنت العم يا بوى اروح فين انا
دلوقيتى .. واروح ازاى انا كان مالى ومال الجامعه .. انا قولتلهم كفايه
عليا الثانويه (تدخل وفاء)
وفاء ايه يا زكريا انت كنت فين احنا مش معادنا الساعه 9 دلوقتى الساعه10
زكريا وفاء يابنت العم انا مش مصدق عنيا انا كنت فاكر انى مش هشوفك تانى
كنت هاخد اول قطر وهندلى على بلدنا
وفاء ليه يعنى هو ايه اللى حصل
زكريا انت ماادرتيش باللى حصل ... اصل انا وداخل على البوابه راح الحراس
موقفينى ..قال ايه عايزين منى الكارنيه اقوله هو انا عملت حاجه ....
يقولولى لازما تطلع الكارنيه ... اقولهم دا انا ابن عم وفاء ..يقولولى
لازما تطلع الكارنيه ... اقولهم دا انا طيب وكويس.. مرديوش يدخلونى
ازيك بقى
وفاء يا ابنى ..يا ابنى هو النظام كده ..لازم توريهم الكارينه عشان يرضوا
يدخلوك
زكريا المهم انا ما رضيتش اوريهم الكارنيه .. اوريهم الكارنيه ده بتاع ايه
روحت جريت على سور الجامعه عشان انط ..فمسكونى لولا ماوريتهم
الكارنيه لولا ما دخلونى كانوا فاكرينى حرامى
وفاء يا ابنى يا ابنى ما كنت وريتهم الكارنيه ده من الاول
زكريا المهم انا بعد ما دخلت ..لقيت طلبه كتير قوى قوى ما تقلويش طابور
جمعيه .. كل ما اسئل واحد اقوله انت تعرف وفاء ما يردش عليا ....
يا مزمزيل تعرفى وفاء برده ما دردش عليا ... ازيك بقى
وفاء يا زكريا مش انا وصفالك الطريق كويس... وقلتلك بعد ما تدخل تكسر
شمال ... وتمشى حوالى 10دقايق كده هتلاقى المدرج رقم 2 وهتلاقينى
هناك
زكريا ما انى نسيت يا وفاء هو انا موخى تفدر
وفاء لا ...بالطريقه دى انت مش هتنفع خالص ..انت لازم تتحرك وتتدردح
شويه ..على العموم انا هعرفك على كام واحد من زميلنا ممكن يحركوك
زكريا ماشــى
وفاء اهى ماجده زميلتى جايه
زكريا اه ... طب انا همشى بقى
وفاء هتروح فين .. خلينى اعرفك عليها
زكريا لا يا وفاء انا بتكسف خالص
وفاء استنى بس ... ماجده يا ماجده
الكبرياء ايوه يا وفاء
وفاء اعرفك ..ده ابن عمى زكريا اللى قلتلك عليه
الكبرياء هاااى زكريا .. فرصه سعيده
زكريا ده انا اللى اسعد ..ازى الصحه انا زكريا عياد ابن عم وفاء ..ورايح سنه
اولى اداب ..قصدى علم نفس ..وعند ابويا فلوس كتير قوىقوىقوى
وعندى 10فدادين ..وانا وحيد ابويا ..بس يعنى عندى تلات اخوات
غيرى ..بس انا الكبير فيهم ..وهورث لما ابويا يموت ..ازيك بقى
وفاء ياااه كل ده ..امال يعنى وفاء بتقول عليك ما بتعرفش حاجه ليه
زكريا ما بعرفش حاجه ..ما بعرفش حاجه كيف يعنى ..دا انا ازكى واحد فى
البلد كلتها ..طب دا انا الوحيد ...الوحيد اللى دخلت الثانويه العامه فى
البلد..وابويا قلى يا واد يا زكريا ..انا عايزك تكافح فى العلم ..وانى احب
ابويا ده زى عنيا ايوه..فقعدت ادرس سبع سنين سبع سنين فى الثانويه
العامه ...ايوه امال ايه ...انا بحبه قوى ابويا ده ..شفتى بقى
وفاء ياه كل ده ...امال موصينى عليك فى البلد اخلى بالى منك
زكريا تخلى بالك منى ..ليه هوانا صغير ولا اكونش صغير يعنى ما تقولى
حاجه يا ماجده
الكبرياء بصراحه يا وفاء شكل زكريا كده ما يتخفش عليه خالص
زكريا شفتى بقى ..مش تقولى مش عارف ايه
وفاء اللا قوليلى يا ماجده فين محب وشريف ...وبعدين ايه يا بنتى انت
محضرتيش المحاضره ولا ايه
الكبرياء لا ما الدكتور اعتذر
وفاء كويس ..دا انا كنت خايفه لا يجى ويفتنى حاجه
الكبرياء لا ما تخافيش
الزعيم ماجده خدى عايزك ثوانى
الكبرياء طب بعد ازنكم يا جماعه
زكريا اتفضلى
وفاء ايه يا زكريا ..من اول مره تقف فيها مع ماجده ..تنزل رغى كده وانا
اللى كنت بقول عليك غلبان
زكريا بصراحه ما خبيش عليكى يا بنت العم ..زميلتك دى اول ما شوفتها
حبيتها قوى قوى..وانا كمان حاسس انها حبيتنى من اول نظره ..وانا
قلت ما اضيعش وقت وأخد اول قطر واندلى على بلدنا واقول لابويا يجى
يخطبهالى
وفاء لا … انت باين عليك اتجننت ..من اول يوم ليك ف الجامعه تعمل كده
زكريا جرى ايه يا وفاء ..انا غلطان ..غلطان عشان بكلمك فى موضوع
خصوصى زى ده ..ايد ده قوليلى من الاتنين اللى واقفين هناك دول
وفاء دول ..شريف ومحب زميلنا ..شباب كويس ومؤمنين وعلاقتهم حلوه مع
ربنا ..وياما كانوا بيفدونى لما بحتجلهم فى الكتاب المقدس ..انت عارف
يا زكريا ان انا مكنتش عارفه حاجه خالص عن ربنا ..وهما كانوا
بيتبعونى ..وبيدونى نبذات وكتب
زكريا انا بيتهيئلى انى شوفتهم قبل اكده
وفاء هتكون شوفتهم فين يعنى ..دا انتا اول مره تيجى الجامعه
زكريا على رايك …بس الخلقه دى مش غريبه عليا انى متاكد انى شوفتهم
قبل كده
وفاء خلاص خلاص …انا هندهلم وعرفك عليهم
زكريا ماشى
وفاء شريف.. محب ..اعرفك على ابن عمى زكريا
التوهان هو انت يا راجل
وفاء ايه دا هو انتوا تعرفوه
الزعيم هو ده اللى خد انبذ ووزعها
زكريا اهى شوف شوف مش انتوا اللى مشيتوا وسبتهالى
التوهان يا راجل يا طيب دا انت كنت هتضيعنا
بنت القديسين
مشاهدة ملفه الشخصي
إرسال رسالة خاصة إلى بنت القديسين
البحث عن المشاركات التي كتبها بنت القديسين
28-09-2009, 01:22 AM رقم المشاركة : 7
معلومات العضو
عضو نشيط
إحصائية العضو
آخـر مواضيعي
0 تعلم اللغة الفرنسيه للمبتدئين !!!
0 جمال المرأة
0 نص مسرحية**مع من اجد السعادة**
0 محاسبين وسكرتارية كل الوقت أو بعض الوقت لشركة استيراد و تصدير بالمعادى
0 فيلم الشهيد العظيم أبو قسطور القس للموبايل
المستوى: 14 []
الحياة 34 / 346
النشاط 84 / 1061
المؤشر 84%
إحصائية الترشيحعدد النقاط : 10
--------------------------------------------------------------------------------
المشهد الاخير
(يدخل شيطانه الكبرياء والحريه والشهوه والمساعده على المسرح
ويكون معهم ايضا ساره وميرنا وزكريا وهم مقيدين بسلاسل)
المساعده ايوه كده هو ده الشغل ولا بلاش ..هو ده اللى كنت انا بحلم بيه هو ده
اللى كان نفسى اشوفه من زمان
الكبرياء هو ده الانسان
الحريه هو الشبح التعبان
الشهوه اللى ميقلش انه حيران
المساعده يا عينى يا عينى عليهم مش عارفين راسهم من رجليهم
الكبرياء نفسهم يصرخوا
الحريه هما عايزين يصرخوا بس مش قادرين يصرخوا
الشهوه حتى ولو صرخوا لمين هيصرخوا
المساعده سبوهم سبوهم يصرخوا ...يصرخوا للمستقبل يصرخوا للوهم اللى
كان مليان جوه عقولهم
الكبرياء الوهم الوهم صار حقيقه جوه عقولهم
الشهوه وصاروا هما منهم
الحريه ونسيوا نفسيهم وحفروا قبرهم
المساعده حلمهم حلمهم راؤه بدموع عنيهم
الشهوه نحاول نخليهم يصرخوا او يسجدوا
الحريه يسجدوا انتى بتقولى يسجدوا
الكبرياء قصدها يسجدوا لافكارهم لطريقهم
الحريه طريقهم
الكبرياء لكل واحد منهم مليون طريق
المساعده انا عايزه اتفرج عليهم ...عايزه اشوفهم واضحك عليهم
الحريه اتفرج يا زعيم
الشهوه شوف خدناهم لحد فين
الكبرياء اخدناهم للمستقبل والذات والدنيا
المساعده شوقتونى ..شوقتونى عايزه اسمع الماتهم
الشهوه (توجه كلامها لساره) فين الله والناس كانت بتقسى عليكى ...انتى
كنتى صح لما روحت لحبيبك
ساره صدقته.. بس انا كنت حاسه ان الحب ده مش وقته
الشهوه امال ربنا ليه خلق لينا مشاعر
ساره عشان نيتنا نضيفه زى الطفل الصغير ...بتكبر وياه عشان يستغلها فى
الوقت الصح ...انا الخادمه بتاعتى كانت بتقولى كده
الشهوه الكلام ده غلط
ساره لا ...بس مش هو دا الطريق اللى انا عايزاه
الشهوه ليه هو انتى مش كنتى عايزه تحبى وتتحبى
ساره ايوه ...بس انا برده مش مرتاحه ...انا عايزه اصرخ
الشهوه اصرخى يا غريبه ...اصرخى للمستقبل وذاتك ومشاعرك
ساره صرختلهم صرختلهم بس دول مش سامعين ..ففشلت فى دراستى
وبقيت من التايهين فاصرخ لمين اصرخ لمين
الشهوه اصرخى تانى عالى صوتك هى دى مهمتك فى الحياه
ساره ايوه انا هصرخ ...هصرخ يمكن يكون موجود
الشهوه اعقلى يا غريبه الهك مش موجود
ساره لا انا هصرخ ...هصرخ يمكن يسمعنى
الشهوه مش هيسمعك
ساره لا انا هصرخ.... اااااااااااااااااااااااالهى
المساعده مش قلتلك مش هيسمع ...خيكى هنا جنب اخواتك
(تركع ساره على الارض وتغطيها شيطانه الشهوه بشبكه)
المساعده طب والتانى ايه طريقه
الكبرياء ما تقوم يا غريب ...وقلنا رحت لحد فين
الحريه من غير ما يقول من الاول وهو مش عارف حاجه
الشهوه والحقيقه دى غلطته
الكبرياء لا يا جماعه ده محدش يغلط فيه ..ده خادم كبير ومسؤل كبير
المساعده هو ده بقى الشاهد الامين
زكريا قلولى قلولى هتعيش فى النور وعلاقتى مع الله هتكون ...صدقته
صدقته لكن فى الاخر بقيت تعبان وحيران
الكبرياء لا متقولش كده ده انت حياتك الابديه على الارض هتكون تبشر بشويه
ضلالات ...هو فيه احسن من كده يا غريب
زكريا نفسى اصرخ بس مش عارف مش عارف
الكبرياء مش عارف ..وانت اصلا عايز تصرخ ليه
زكريا خايف خايف لاكون غلطان ...والناس ترفض كلامى وافكارى ..الناس
رفضانى
الكبرياء حاول تانى
زكريا حاولت
الكبرياء ودلوقتى
زكريا نفسى اصرخ
الكبرياء بلاش يا غريب ...محدش هيسمعك
زكريا حتى لو صرخت ...هصرخ لمين ..ما انا مش عارف اروح فين ...
والمسيح ده اله ولا انسان
الكبرياء انت بتفكر فى ايه ...انت عايز ترجع فى وعدك معانا ولا ايه
المساعده يرجع فى عهده هو ده كلام ...دا احنا بندعى للسلام
زكريا لا انا حاسس انى تايه ...انا لازم اصرخ
الكبرياء بلا ش يا غريب...ربنا لو كان عايز يسمعك كان سمعك من الاول
زكريا لا انا هصرخ ..يمكن يرجعلى تانى ...الهى
الكبرياء هه مش قلتلك مش هيسمع ..خليك هنا جنب اخواتك تونسهم
(يركع على الارض وتلقى عليه الكبرياء شبكه سوداء)
المساعده الدور عليكى يا غريبه
ميرنا انا مش غريبه ...انا حره
الحريه ايوه كده يا ستى انتى دلوقتى حره
ميرنا ايوه بس تعبانه
الحريه تعبانه ... تعبانه من ايه
ميرنا برده مش هى دى الحريه اللى انا كنت عايزاها
الحريه ما هى دى بدايه الطريق ..ومره فى مره بعد كل حفله هتحسى بالحريه
اكتر ..وكمان انتى واخده قوه شيطانيه ...محدش يطلها
ميرنا بس ..(بتردد)
الحريه بس ايه ما انتى دلوقتى ليكى راى وكلمه ..ليكى مبداء وعقيده محدش
ومحدش ليه سلطان عليكى حتى الله ملهوش سلطان عليكى
ميرنا فعلا
الحريه ودلوقتى منفسكيش تصرخى
ميرنا اصرخ...اصرخ لمين
الحريه تصرخى لالهك ..انتى الهك الحريه اصرخى يا غريبه وقولى انا حره
ميرنا ايوه فعلا انا هصرخ ..انا حره انا حره
الحريه ودلوقتى منفسكيش تشوفى الصليب
ميرنا متجبليش سرته ...انا من زمان رفضته
الحريه طب والمسيح
ميرنا متجبليش اسمه انا مش عايزه اسمع اسمه
الحريه اصرخى كمان مره يا غريبه
ميرنا ايوه انا هصرخ يمكن حد يسمعنى ...انا حره انا حره
المساعده كفايه كده حطوها جنب اخواتها
(تلقى على الارض وتغطى بشبكه سوداء)
المساعده برافوا يا شياطين ..قدرتوا تلعبوها صح شوفوا ازاى هما تيهين جوه
شبكتنا متقيدين ومؤسورين
الحريه ما كل اللى انت عاوزه اتنفذ يا زعيم
(تدخل ترنيمه استعراضيه اسمها حاسس ان خيط العمر اتلم)
المساعده انتوا عارفين ايه هيا مشكلتهم ...مشكلتهم هى الكنيسه ..اللى بتروح
مش عشان الكنيسه ...ويا عينى اللى مش فاهم حاجه فى الكنيسه
واللى زهق من الكنيسه ونفسها تتحب
الشهوه فعلا انكروا وجود الله
الحريه والضلالات ملت حياتهم
الكبرياء الصليب مقلوب فى حياتهم
المساعده اللى اهم من كده ...انهم نسيوه وافتكرونى...كرهوه وحبونى ...انكروه
ومجدونى ..ولا عايزين يسمعوا ..ملو كان عاوز يسمعهم ...مكنش
باعهم من زمان ...ودلوقتى ...ودلوقتى انا سهلتلكم الطريق ...ما فيش
طريق تانى غيرى مافيش طريق تانى غيرى انا الطريق انا الطريق
(تسقط الخلفيه السوداء ويظهر المسيح وبطرك يمثل البابا شنوده)
المسيح انا هو الطريق والحق والحياه
الشيطين ايه ده ..اه..اه..اه
(تدخل ترنيمه قالى الشيطان خطياك)
(بعد الترنيمه والاستعراض)
المسيح انا هو الطريق والحق والحياه
(يرجع زكريا وساره الى المسيح اما ميرنا فتسقط فى الجحيم)
البابا فك عنهم ربطات الخطيه ...فك عنهم ربطات الخطيه
الابراج