مسرحية مسؤل

عزيزي الممثل ...المساعد ...المشاهد ...
(مسؤول) ...مسرحية (اجتماعية دينية) تنقاش ما يحدث حولنا في المجتمع من ظروف سيئة و فساد تعطل وتعرقل حياة كثير من الشباب ، قد يظهر موضوع المسرحية علي انه موضوع روتيني متكرر لكنه قلما ما يناقش بطريقة فعلية وخاصة ان طريقة بعض المشاكل (وذلك لانه من شبه المستحيل ان تناقش كل المشاكل) تختلف فهي تعرض الضغوط والمشاكل وترتيب احداث قد لا تكون قد رأيناه من قبل .
وبعد كل هذا يأتي السؤال ، اين الله ؟ اين الله من كل ما يحدث من حولنا ؟ هل هو قريب فعلا ؟ هل يشعر بنا ؟ هل يري مشاكلنا ويساعدنا علي حلها ؟ هي يشاركنا الامنا وضيقاتنا ؟ هلي حقا لديه خطية مميزة لحياتنا ؟ ام هي علي الاكثر مجرد شعارات تقال في كل اجتماعات الشباب .
ومن انت عزيزي ؟ كيف تحيا ؟ هلي تحيا بالصلاة وبطلب الله علي الدوام لكي يقود حياتك ؟ ام انك تفضل الاعتماد علي المعرفه والواسطه ولك مسؤول في كل مكان ؟
وكيف ينتهي الامر بك اذا سلكت ايا من هذه الطرق ..اذا كنت تريد ان تري امثلة حقيقة عاشت فيوم من الايام وسطنا فهي بنا الي ....(مسؤول)

(في القهوة)ميشو جالس علي القهوة يشرب شاي ويشاهد التلفاز
يدخل ايهاب
ميشو ايه يا ايهاب ساعة قاعد مستنيك ، انت مافيش فايدة في مواعيدك دي يا بني
ايهاب اعملك ايه يعني يا باسم الدنيا زحمة بطريقة مش طبيعية لا عارف امشي في شارع بحر ولا ترام ولا ابوقير ..دي بقت حاجة صعبة
ميشو معلش روق انت بس ...بلية ولا يا بلية هات حاجة ساقعة هنا لعمك ايهابروق روق اومال فين ريموت التليفزيون ده هات يا بني انت ريموت البتاع ده
بلية (وهو بيفتح الحاجة الساقعة) روق كده اومال يا استاذ ايهاب مافيش حاجة تستاهل حرقة دمك ، واذا علازحمة م كلنا وخدين علي كده .زده انا من يومين وانا جي من ..
ميشو (يقاطعه) في ايه يا بني انت ،ن انت ها تحكيله قصة حياتك
بليه لأ يا استاذ ميشو بس يعني انا شايفه متضايق فقلت اروق دمه ..
ميشو انت مالك انت متضايق ولا مش متضايق روح شوف شغلك يللا .اما شئ بارد
بليه حاضر حاضر (يقوم)
ايهاب بشويش علاواد يا باسم ده غلبان
ميشو سيبك منه يا عم ده واد اهبل ..المهم قولي ، تحب تتفرج علي ايه music و music و music (بقلب في التلفزيون)
ايهاب ايوه سيب البرنامج ده ..المذيع بتاعه تحفه
احصائيات note
(يدخل المذيع من وسط التلفاز) مساء الخير اعزائي المشاهدين في سهرة جديدة وهادية مع برنامجكم المحبوب (احصائية) ، (يدخل في الموضوع فجأة) وصل عدد سكان البلد الي 72 مليون نسمة وهي زيادة سريعة في وقت قليل حيث تضاعف عدد السكان من سنة 1949 م بصورة غير طبيعية حيث زاد حوالي 50 مليون نسمة في اقل من 50 سنة اي تقريبا اكثر من مليون نسمة في العام الواحد وهي زيادة طبيعية جدا بالنسبة للتوعية وبامج تنظيم الاسرة الي بنتبعها كلنا والتي تطالب علي الا يزيد عدد البنات في الاسرة عن 6 بنات والاولاد عن 7 اولاد بسم الله ما شاء الله وطبعا كنتيجة طبيعية اصبح الهرم السكاني للبلاد ذو قاعد عريضة جدا
ميشو ايه يا عم حصة الصحة الانجابية اللي انت جبتهالنا دي
ايهاب هو يوم باين من اوله ..يلا بينا
ميشو يللا . الحساب يا بلية (يضع الحساب علي الطاولة ويخرجوا تخرج الكراسي والترابيزات يظلم المسرح)
(موقف المجتمع السلبي فيما يحدث من حولنا)
(يدخل المسؤول من منتصف المسرح وراءه صحفين وزحمة ومذيعة و security)
الصحفيون سيادة المسؤول ...سيادة المسؤول
(يخترقهم المسؤول ويتحرك الي منتصف المسرح)
المذيعة حضرة المسؤول بعد المؤتمر الذي اقيم في اطار الحملة القومية لتطوير الشباب ايه اخر ما توصلوا اليه ؟
المسؤول الشباب ..يا سلام ..هو في حد متدلع قد الشباب ده الشباب ده متدلع دلع ..طب بالذمة .....المجمع يا سلام شوفتي المجمع شفتي الدلع شفتي الرفاهية ..لا لا هو فعلا ما فيش حد مبسوط قد الشباب في البلد دلوقتي ده احنا كل مجهودنا متوجه ليهم وعلشانهم
المذيعة بس سياد ةالمسؤول المشاكل اللي بت...
المسؤول مشاكل ايه ..مشاكل ايه بس اللي بتكلموا فيها ..ربنا ما يجبش مشاكل ولا هو لازم يبقي في مشاكل عشان نبقي حطينا حلول ومنها حلينا المشاكل ...لأ انا ارفض هذا المبدأ ، لاننا بنحط حلول من غير ما يبقي في مشاكل اصلا ، لان انا يهمني ان الشاب ده يكون شباب مرفه
(المذيععة تتكلم .......يقاطعها)
(موسيقي)
المسؤول وتأكدوا اني بعمل اقصي ما يمكن لان حد في مكاني انه يعملوا
(يخرج وهو يتكلم) تأكدوا اني بعمل اقصي ما يمكن لان حد في مكاني انه يعمله ..وتأكدوا اني بعمل اقص ما يمكن لاي حد في ..........
(المذيعة والصحفيون و security ينظرون لبعض في استغراب ثم يخرجوا وراءه) (ما يحدث في الدراسة)
ميشو صباح الخير يا جماعة
يردوا صباح الخير يا ميشو
ميشو ايه يا جماعة مالكوا ..مكلضمين كده ليه ع الصبح
سالي ذي ما انت شايف اهو ادينا داخلين علي امتحانات الترم ولا عارفين حاجة ولا قادرين نجمع حاجة والموضوع ضايع خالص
ساندي يا جماعة مش المهم ان احنا بنحضر وملتزمين
ايهاب ملتزمين ...ايوه طبعا ملتزمين ..ومش بنفوت حاجة ..ثم انا مش عارف انتوا خايفين من ايه ده احنا لسه اول سنة اومال لما تتطلعوا ثانية ولا ثالثة ولا بكارليوس هتعملوا ايه
ميشو قولهم يا ايهاب يا خويا
(يدخل طارق) ازيكو يا جماعة
ميشو اهلا ..ازيك يا طارق عاش من شافك
طارق تعيش الحمد لله كله تمام ...ايه ملاكم عاملين كده ليه
ميشو مش عارف يا عم ...ده عالم نكد مافيش علي لسانهم غير مذاكرة وامتحانات
طارق لا لا لا سيبكوا من الكلام الفاضي ده ، انا مثلا الدارسة والامتحانات اخر حاجة تخوفني .
ساندي اه صح الا قولي ، احنا مش بنشوفك خالص ليه يا دوب بتيجي مرة ولا مرتين كل شهر ..انت مش خايف تسقط
طارق اسقط (يضحك بإستهزاء) انا ها نجح يعني ها نجح
سالي ايه يبقي ناوي تغش بقي..
طارق لا ا ا ا ......انا ما غشش ..(يهدأ ) انا عندي واسطة
ايهاب واسطة
طارق ايوه واسطة من مسؤول كبير في وزارة التعليم العالي ، جواب صغير منه ينجحني وانا قاعد في بتنا .
ميشو يا حلاوة
طارق ايوه انا اللي ذي ما يسقطش (موسيقي)
(يخرجون) (يدخل التلفاز والمسؤول)
(يتكلم المذيع من التلفاز)
المذيع مساء الخير اعزائي المشاهدين اهلا مرحبا بكم في حلقة جديدة من برنامجكم المحبوب جدا (احصائية) اتكلمنا في الحلقة السابقة من ارتفاع عدد سكان البلاد وعن الهرم السكاني وتضخم السكان حيث تضاعف عدد السكان في البلاد 6 مرات خلال 100 عام فقط مما سوف يؤثر علي نصيب الفرد من الانفاق علي الصحة والاسكان و التعليم (يدخل المسؤول مع المذيعة والصحفيون و security)(يسكت المذيع في التلفاز)
المذيعة حضرة المسؤول كنا عايزين نعرف من حضرتك اخر اخبار عن المؤتمر الذي اقم في اطار الحملة القومية للنهوش بمستوي التعليم في البلاد
المسؤول يا سلام هواحنا ورانا حاجة غير التعليم والنهوض بالتعليم تصدقي بالله من 8 سنين كانت نسبة الامية في البلاد حوالي 50% لكن دلوقتي بقيت 49% بس متخيلة قد ايه الجهد المبذول في الخطة التعليمية ...
المذيعة بس المشكلة سيادة المسؤول....
المسؤول تاني ها تقوليل مشكلة ..المشكلة ان احنا بنكبر المواضيع مع ان الموضوع ابسط من كده خالص
(يقاطعه المذيع وينطفئ الاضاءة في نصف المسرح وتشتغل في النصف الاخر)
المذيع (مقاطعا) وعلي سبيل المثال فإن عدد المواليد المتوقع سيصل عام 2010 الي 1.9 مليون مولود وده طبعا اذا اتحققت اهداف السياسة السكانية الحالية وسيترتب علي ذلك زيادة عدد التلاميذ المطلوب استيعابهم في التعليم الابتدائي فقد الي 14.2 مليون تلميذ عام 2020.
(المسؤول يقاطعه منفعلا وترجع الاضاءة في نصف المسرح وتنطفي وفي النصف الاخر)
المسؤول احنا ما يهمناش اي زيادة في عدد المواليد ولا اي زيادة في عدد التلاميذ في جميع المراحل التعليمية وخاصة مراحل التعليم الالزامي ..ده احنا السنة اللي فاتت بس بنينا فوق الـ 600 مدرسة في جميع انحاء البلاد
(المذيع يقطاعه ويظلم نصف المسرح ويضئ النصف الاخر)
المذيع (ينظر الي المسؤول) وطبعا غني عن التعريف يا سيادة ان الزياة الغير طبيعية هترفع تكاليف الاستعاب الكامل في مرحلة التعليم الالزامي ، كما يسجعل الارتقاء بنوعية التعليم هدفا بعيد المنال اذي يعني استيعاب هذه الاعداد المتزايدة بناء 2000 مدرسة كل عام اي خمس مدارس في اليوم الواحد فهل نستطيع ذلك ؟
المسؤول (بإنفعال) (موسيقي) تأكدوا اني بعمل اقصي ما يمكن لاي حد في مكاني انه يعملوا (يخرج وهو يتكلم) تأكدوا اني بعمل اقصي ما يمكن حد في مكان يعمله ..وتأكدوا اني بعمل اقصي مايمكن لاي حي في ......ززز
(المذيعة والصحفيون و SECURITY ينظرون لبعض في استغراب ثم يخرجون وراه ) (الفراش يخرج التلفاز ويدخل الصورة)
(تشتت الفكر منذ الصغر)
(المدرس والاطفال وموسيقي " انا كتكوت وانا وانا كتكوتة) (4 اطفال)
(يدخل الاطفال واحد واحد) (يقفوا في صف عرضي بإنتظام)
(يدخل المدرس ينظر لهم ، ينظرون له)
المدرس يللا يا اولاد ...1 .......2...........3...هو بـ
الاطفال وطني حبيبي الوطن الاكبر يوم ورا يوم امجاده بتكبر ...
(يتفرقوا في الغناء في نفس واحد)
الطفل الاول وانتصراته ماليةحياته

الطفل الثاني وطني حبيبي الوطن الاكبر
الطفل الثالث تلا للا لا لا ...
الطفل الرابع يوم ورا يوم
المدرس غلط غلط يا عيال ..من الاول ...يللا 1 ...2 ...3
الاطفال وطني حبيبي الوطن الاكبر يوم ورا يوم امجاده بتكبر
(يتفرقوا في الغناء)
الطفل الاول تلا للا لا لا ...

الطفل الثاني وانتصراته مالية حياته
الطفل الثالث وطني حبيبي الوطن الاكبر
الطفل الرابع يوم ورا يوم
المدرس مع بعض ، قلت مع بعض ..مع بعض يا عيال ..يللا ...1..2..3
الاطفال وطني حبيبي الوطن الاكبر يوم ورا يوم امجاده بتكبر (يتفرقوا في الغناء)
الطفل الاول وطني حبيبي الوطن الاكبر

الطفل الثاني تلا للا لا لا ...
الطفل الثالث وانتصراته مالية حياته
الطفل الرابع يوم ورا يوم
المدرس مع بعض ، مع بعض ..مع بعض ..يا ...انا مش عارف ايه الصعوبة ان انتوا تقولوها مع بعض اما انا بقولها مع بعض ...أهو (وطني حبيبي الوطن الاكبر ..وانتصارته ماليه حياته) ما انا بقولها مع بعض اه فيه ايه يا اولاد (ينظر خلفه فلا يجدهم) يا عيال رحتوا فين يا عيال ..يللا من الاول تاني مع بعض 1..2..(يخرج) (موسيقي)
(النتيجة الطبيعية لما يحدث)
(يدخل الفراش يقلب الصورة ، من الناحية الاخري النتائج ، ويخرج)
(يدخل الشباب ميشو ، ايهاب ، ساني ، سالي)
(ينظروا الي النتيجة)
ايهاب 2...انا ؟ ....دي اخرتها
ميشو ...واحدة ..انا ؟ ...دي اخرتها
سالي عملتي ايه ؟
ساندي مقبول وانت ؟
سالي جيد ..مع اني كنت متوقعة احسن من كده بكتبير
(يدخل طارق وعلي وجهه ابتسامة عريضة)
طارق ايه يا جماعة مالكم ، عملتوا ايه
ميشو 1
ايهاب 2
ساندي مقبول
سالي جيد وانت عملتا ايه ؟
طارق جيد
الاربعة (بصوت واحد) ايه ؟
طارق ايه اللي ايه جبت جيد فيها حاجة دي ؟ ايه عيب ولا حرام ؟
ايهاب اه طبعا حرام ..حرام لما واحد ما بنشفهوش ولا في دماغه يجيب جيد واحنا المحروقين نطلع بمواد ..
طارق الله اده حقد بقي
ايهاب حقد ..انا احقد عليك انت يا فاشل
ميشو (يمسك ايهاب) اهدي يا ايهاب مش كده ، معليش يا طارق هو اعصابه تعابه شوية من النتيجة
(يخرج طارق بعصبية)
ميشو ليه كده بس يا ايهاب ، لزمتوا ايه اللي انت عملته ده ؟
ايهاب بس يا ميشو انت كمان سيبني في حالي (يجلس مكتئبا)
ساندي خلاص بقي يا ايهاب فكها محصلش حاجة ،،تتعوض بإذن الله
ايهاب يا جماعة انا وضعي غير ضعكم ان وضعي مختلف
ميشو يادي وضحعك وضعك يعني اه وضعك مختلف محنا اعدين كلنا علي كراسي اهو
ايهاب يا جماعة افهمون يانتم ناسين اني انا عايد سنة ابل كده
سالي وهو مين يعني ما طلعش بمواد قبل كده بس خلي اعتمادك وثقتك كلها علي ربنا وصدقني هو مش ها يخيب ظنك ثم انت متعرفش قصد ربنا في حياتك
ايهاب انا مش عارف انت جايبة الهدوء ده منين ، انت شايفة اللي بيحصل ؟
سالي مش موضوع هدوء انا لي الهي . لي يسوع ، هو يدينا السلام ويطمنا
ميشو الله ، الله ايه النكد اللي انتو فيه ده ، قولي يا بني انت الي قال ( )
ايهاب مش رايح حته هتتفرج علي الماتش النهاردة ؟
ميشو يعني ايه مش هتتفرج علي ولا هتتفرج في بيتكو؟
ايهاب معرفش بقي يا ميشو سيبني في حالي
ميشو ييه ده انت نكد ، طارق يا طارق ...(يخرج)
(سالي و ساندي يخرجوا)
(الفراش يخرج الكراسي والترابيزات ، يدخل التلفاز ، يدخل ديكورالقهوة والمشاهدين)
(صوت استاد ومشجعين) (فقرة كوميدية ساخرة)
(ايهاب وميشو علي القهوة )
ايهاب ايه النظام أيه توقعاتكم للماتش ؟
ميشو منصورين انشاء الله ..ربنا معاهم
المذيعة (تدخل المذيعة من التلفاز ) اعزائي المشاهدين في كل مكان اهلا ومرحبا بكم في نقل حي ومباشر من الوحدة الخامسة عشر تحييكم لاحداث مبارة القمة بين المنتخب الوطني القومي ومنتخب (تسونا) الشقيق مباشرة من استاد بورسعيد الدولي في اطار التصفيات الافريقية المؤهلة لكأس العالم 2006 في المانيا ومعانا النهاردة المحلل الكروي الكبير ابو زيد العربي (يدخل المحلل مبتسما وممسكا بعلم)
المذيعة كابتن ابو زيد العربي بنرحب بيك النهاردة وبنسألك عن توقعاتك لمبارة النهاردة
(يقاطعها)
المحلل بسم الله ما شاشء الله المنتخب حاجة جميلة خالص والعيال بسم الله ما شاء الله حاجة تفتح النفس يعني حاجدة تفرح يعني والحمد الله بسم الله ما شاء الله احنا الفترة اللي فاتت رمينا اساسات كويسة اوي يعني وبنينا المنتخب بطريقة جميلة وعملنا حيطة ناشفة اوي ، لكن النهاردة الوضع مختلف الولاد هيلعبوا بخطة هجوميةمفيش دفاع ..المنتخب كله هيقف علي خط الـ SIX ياردة وهوقف اي حد في الجون لحد ما نادر يرجع بالسلامة انساء الله ودي الخطة الوحيدة اللي ممكن نكسب بيها منتخب تسوانا الشقيق وبكده بسم الله ضمنا العأهل لكاس العام 2006و ...ستين(ينطفئ التلفاز وينسحب المتفروجون من علي القهوة)
(تنطفئ اضاءةالمسرح ثم يعرض علي التلفاز بإستخدام البروجيكتور مقتطفان من اعلانات من فرص العمل ، مؤتمارت صلاة وعظات)
(يخرج التلفاز) (يدخل الفراش وهو يدفع لوحة الاعلانات ، تدخل الكراسي والترابيزات)
(يدخل ميشو ، ايهاب ، سالي ، ساندي)(ينظرون الي لوحة الاعلانات)
ميشو مبروك يا جماعة ، اهي عدت اهي
ايهاب عدت بعد ايه بطلوح الروح ، يا ساتر
سالي ما تشكروا ربنا مش نجحتوا خلاص وده المهم
ساندي صح ، احنا لولا وقفة ربنا معانا ماكناش نجحنا ولا شوفنا تخرج من الكلية دي ، عشان تعرفوا بس ان ربنا مش بينسنا ولاده
ايهاب ربنا (يقولها ؟؟؟؟؟؟؟؟؟؟؟) طيب
سالي يا اا اخيرا الواحد بقي فيضي ومابقاش وراه حاجة
ميشو طبعا ما انتو خلاص ، خلصتوا وتقعدوا تتستتوا في البيت لا وراكم جيش ولا وجع قلب
ساندي نعم نعم ، مين ده اللي هيقعد في البيت ، انا بكره هنزل ادور علي شغل وشاتغل
ايهاب يا سلام تنزلي تدوري علي شغل وتشتغلي ..حاجة جميلة
ميشو يا بنتي ما كنش حد غلب هو الشغل دلوقتي بقي بالساهل
سالي مين عارف مش يمكن نلاقي شغل ونثبت جدارتنا
ايهاب انت كمان ، اهي كده كملت
(يدخل طارق)
طارق سعيدة يا جماعة
(سالي ، ساندي ، ميشو يسلموا ايهاب يقلب وشه )
ميشو مبروك عالنجاح يا طارق
(ايهاب وطارق ينظرون لبعض)
(ميشو يحاول يغير الموضوع)
ميشو ايييه ايه يا طارق هتوبقي تيجي معايا انا وايهاب نشوف موضوع الجيش ده؟
طارق اه وماله ابقي اجي معاكم
ميشو طب كويس ، نشوفك هناك بقي
طارق ماشي ، يللا سلام دلوقتي
(سالي ، ساندي ، ميشو) سلام
سالي احنا كمان نستأذن بقي عشان نلحق نروح نبلغ النتيجة للي فالبيت
ايهاب ماشي . ربنا معاكم
ساندي نبقي نتقابل هنا في الاجازة كل فترة
ميشو اكيد بعا ، بس صللوناعشان موضوع الجيش ده
سالي ربنا معاكم ، ابقو طمنونا بقي
ميشو حاضر
ساندي يللا باي باي
(يخرجوا)
ميشو باي
ايهاب باي
ايهاب خايف ايا اخي من موضوع الجيش ده
ميشو متخافش اللي يه الخير يقدموا ربنا
ايهاب ماشي ، يللا بينا دلوقتي ونتقابل في المعسكر بقي
(يضحكان) (يتكلمان اثناء الخروج)
ميشو عارف يا ايهاب طول عمري كنت بحلم ادخل الجيش وابق ضابط بس ساعة الجد
ايهاب ساعة الجد ما تنفعش عسكري حتي (يضحكان)
(التجنيد)
(يخرج التلفاز والكراسي) (موسيقي)
(منطقة تجنيد وتعبئة الاسكندرية)
(يدخل عساكر وعسكري علي مكتب وطبور من المتقدمين)
(ضابط واقف بجانب العسكري الجالس علي المكتب)
(يتقدم شخص طويل يدفع كل من في الطابور ويتقدم في نحو العسكري)
العسكري كله في دوره يا مجند منك ليه مش عايزين صوت
() لو سمحت .........لو سمحت ...........لو سمحت
العسكري في ايه يا بني انت مالك ، مش واقف في دولك ليه
() معلش انا وحيد ابويا وامي
العسكري نعم يا خويا وحيد ايه اللي جابك هنا
() اصل انا وحيد ابويا وامي
العسكري طب روح جيب شهادة قيد عائلي ..وبعدين تعالي
() ايوه معلش بس اص انا .
العسكري يللا يا بني ماطعتلناش عالصبح
الضابط قعد يا مجند انت وهو لسه الفاكس قدامه وقت عقبال ما يوصل من الوزارة
(جميع من في الطابور يجلس علي الارض)
ايهاب اعصبي باظت يا ميشو ، خلاص يعني جبت اخري كل ما افتكر ان كل زميل اللي كانوا معايا ابل ما اسقط دخلوا ضباط ثلاث سنين هبقي اتجنن
ميشو في ايه يا عم ايهاب انت محسسن يان احنا راحين نحارب ده هي علقة وتعدي صدقني وق بس يا رب ، الا فين طارق اتأخر كده ليه
ايهاب يا عم افتكر حاجة عدلة
(يجلسو فترة في اثناء الموسيقي)
العسكري وصل الفاكس قوم يا مجند منك ليه
(الضابط يأخذ الفاكس من العسكر)
(موسيق توتر) (يدخل طارق)
طارق ايه يا جماعة ، ايه الاخبار ؟
ميشو ايه يا بني انت فين ، اتأخرت كده ليه ؟
الضابط يا بني انت وهو ..مواليد 82 من اول 1/1 لحد 31/3 يجوا كد ومن 1/4 لحد 31/6 كده (يقف ميشو وطارق اول صف وايهاب في ثاني صف)
اول 1/1 لحد 31/3 خلف در معسكر مارش والباقي يمين در اتحرك عالبوابة
(الصف الثاني يهيص والصف الاول يظهر عليه علامات الحزن)
(ايهاب يذهب ليعزي ميشو)
ايهاب معلش بقي يا ميشو ، ما تزعلش دي كلها سنة وتعدي
طارق ايه يا ميشو دي كلها سنة ثم متقلقش يعني بينا جوابات علي طول
(ايهاب وميشو ينظران لطارق بإستغراب)
ايهاب يا بني انت مش كنت واقف مع ميشو في الصف يعني الدور جه عليك برده
طارق (يضحك) يا بني انا الاعفي جت لي لحد البيت
ميشو (يتقدم خطوة للامام) ايه ازاي مش هتدخل الجيش ؟
طارق لا طبعا مش هدخل
ايهاب ايه هتهرب
طارق لأ اااا انا ما هربش بس جبت واسطة جواب صغير من مسؤول ..الاعفي لحد البيت
العسكري يللا يا مجند منك ليه عالمعسكر
ميشو ماشي ، بس طمنوني ، انتو ناويين علي ايه
ايهاب مفيش هعمل ايه يعني هدور علي شغلانة
طارق اما انا بقي فا من هنا عالطيارة طوالي
ميشو علي فين
طارق علي فين يعني ، هو في غيرها علي USA علي امريكا طوالي اهو الواحد يبتدي يعتمد علي نفسه
ايهاب ازاي
طارق مفيش هو جواب صغير من مسؤول ال VISA جاتلي
ايهاب لا حول الله يارب (يضرب كف علي كف)
الضابط يللا يا بني انت وهو بلاش دلع
ايهاب يللا بقي يا ميشو ، ربنا معاك (يسلم عليه)
(طارق يسلم عليه ، طارق يسلم علي ايهاب)
ميشو يللا ربنا معاكم صللولي كان نفسي اجي معاك يا طارق بس نعمل ايه نصيب
طارق ربنا معاك حظك كده معليش (يخرج كل من المسرح )(موسيقي)
(ميشو ينظر حوله)
(يتحرك ميشو لمنتصف المسرح )(تتسلط عليه الاضاءة)
(تقفل الستارة)
(بطالة)
(يدخل المسؤول ممسك بالهاتف) (يدخل التلفاز)
المسؤول الو ...الو ..الود وصل ..طب لم يوصل اعمل ذي ما قولتلك ، طب يللا دلوقتي عشان مش فاضي
(يهجم الصحفيون والمذيعة والـ security حوله)
المذيعة سيادة المسؤول ..في اطار الحملة القومية للقضاء علي البطالة ممكن سيادتكم تدينا فكرة بسيطة عن احدث خططكم
المسؤول هه ..آه ..آه طبعا بالنسبة للبطالة ، خلاص مفيش بطالة ، البطالة راحت خلاص ، انسي حاجة اسمها بطالة ده انا السنة اللي فاتت بس موفر اكثر من 100 الف فرصة عمل
(ينطفئ نصف المسرح ، يشتغل الاضاءة في النصف الاخر)
المذيع اعزائي المشاهدين اهلا ومرحبا بكم في حلقة جديدة سعيدة من برنامجكم المحبوب (احصائية) ، وموضوعنا اليوم البطالة.
(ينزل نظارته وينظر الي المسؤول ) حيث طالب الخبراء الاقتصاديون بضرورة معالجة مشكلة البطالة بشكل حاسم بإعتبارها اصعب المشكلات التي تواجه المجتمع
(ينفعل المسؤول ) (تيشتغل الاضاءة في النصف الاخر) مفيش بطالة ثم كلها فترة بسيطة ومش هنسمع حاجة عن البطالة ابدا تاني
(المذيع يكمل حديثه)
المذيع ولكن قد اشارت الاحصاءات الرسمية ان نسية المتعطلين المئوية تتراوح ما بين 8 الي 10 % عن احصائيات عام 1998ووصلت في عام 2004 الي 10.9% وده بالطبع رقم مخيف
(تشغيل اضاءة كل المسرح)
المسؤول (يظهر عليه التعب) لكن ..لكن تأكدوا اني ..اني بعمل اقصي ما يمكن لاي حد في مكاني انه يعمله ..تأكدوا اني بعمل اقصي ما يمكن لاي حد في مكاني انه يعمله ، تأكدوا (يخرج)
(المذيعة والصحفيون يخرجون ورائه )(يدخل الباب في المنتصف)
(الفراش يدخل المكتب وينظف ، يدخل الموظف ومجموعة من الشباب المتقدمين لوظيفة وتنزل يافطة "مطلوب لشركة كبري جميع التخصصات دكاترة ، مهندسين ، محاسبين ، مندوبين من الجنسين خبرة 15-55 ايجادة 7 لغات)
(يدخل احد المتقدمين للوظيفة الي موظف الاستقبال)
المتقدم مساء الخير
الموظف افندم
(ساندي من ضمن المتقدمين تقوم من مكان الانتظار)
ساندي لو سمحت انا بقي لي اكثر من ساعة نص مستنية ممكن حضرتك تقولي المفروض اعمل ايه
الموظف مليتي الـ application يا انسة
ساندي من بدري طبعا (الموظف ينظر لها اليها قليلا)
الموظف خلاص عدي علينا بعد اسبوعين او متعديش احنا هنبقي نتصل بيكي
ساندي (تصمت لبرهة) ok متشكرة تخرج
(يدخل رئيس العمل) (يسأل الموظف)
الرئيس ها وصل ولا لسه
الموظف تقريبا لسه يا فندم
الرئيس تقريبا ، لا بقولك ايه يا عزت افندي ركز كده الراجل اللي جي ده متوصي عليه من الباشا الكبير ما توديناش في داهية الله يخليك
الموظف ماتقلقش يا فندم اول ما يوصل هابلغ حضرتك ، بس معلش سؤال يا فندم
الرئيس اسأل
الموظف هو شكله ايه بالضبط ؟
الرئيس والليه يا عزت افندي مش فاكر بالضبط بس هو ابيضاني وطويل
(بعد فترة قليلة يدخل ايهاب)
ايهاب (يتجه نحوالموظف) لو سمحت ..
الموظف (وهويقرأ الورق الذي علي المكتب) افندم
ايهاب انا
الموظف (ينظر اليه) ايوه اهلا اهلا يسلم عليه بحرارة ويقبله
(ايهاب يسلم عليه في استغراب)
الموظف ثانية واحدة حضرتك انا ديلك الباشا ..يا باشا ..يا باشا
(الرئيس يدخل)
الرئيس ايوه ..ايوه يا عزت افندي ..اهلا ..اهلا استاذ مدحت ..(يسلم عليه بحرارة) (ايهاب لا يجد فرصة ليتكلم) فينك يا راجل بقلنا ساعتين مستنينك ..انت طبعا عراف ان الباشا الكبير موصي علي حضرتك توصية خاصة جدا الا انت قولتلي تقديرك العام في الكلية كان ايه
ايهاب انا ..انا ..جبت جيد تقدير عام
الرئيس عال عال حاجة عظيمة لأ وايه الباشا الكبير رابطلك مرتب 2000 جنيه في الشهر
ايهاب ايه 2000 جنيه في الشهر ..كل قد ايه
ايهاب (بسعادة غامرة) طب اتفضل حضرتك ده الـ C.V بتاعي وصورة من شهادة ..
الرئيس (يقاطعه) يا راجل شاهدة ايه و C.V ايه بس انت من بكره تيجي تستلم وظيفتك
ايهاب انا مش مصدق نفسي ، متشكر ..متشكر اوي (يسلم عليه بحرارة)
الرئيس شرفتنا يا استاذ مدحت
(يتجه نحو الباب محدثا نفسه ) يا اااه 2000 جنيه
(يتوقف فجأة ويدير ظهره ) ثانية واحد بس انا ماسميش مدحت
الرئيس نعم .. اومال اسمك ايه (بعصبية)
ايهاب انا ..ايهاب حنا بسادة بشاي
الرئيس انا مالي بشاي ولا مش بشاي وعايز ايه
ايهاب مفيش يا فندم انا بس كنت جي اقدم عالوظيفة
الرئيس نعم يا خويا ..خد اوراقه يا عزت افندي وخليه يعدي عيلنا بعدين ..قال مدحت قال
الموظف هات يا بني اتكل علله عدي علينا بعد اسبوعين ولا اقولك احنا هنبقي نتصل بيك ...اتفضل
(ايهاب يهم بالخروج ويدخل شاب من الباب)
(يتقدم الشاب من الموظف , ايهاب يتابع الموقف من عند الباب)
الشاب لو سمحت
الموظف افندم
الشاب انا مدحت
الموظف (يقوم) ايوه اهلا اهلا (يسلم عليه بحرارة ويقبله)
الموظف ثانية واحد حضرتك اناديلك الباشا ...يا باشا يا باشا
الرئيس (يدخل) ايوه ...ايوه يا عزت افندي ...اهلا اهلا يا استاذ مدحت
(يسلم عليه بحرارة) فينك يا راجل بقالنا ساعتين مستنينك انت طبعا عارف ان الباشا الكبير موصي عليه حضرتك توصية خاصة جدا
(موسيقي في اثناء متابعة ايهاب الحزينة للموقف)
إلا انت قولتلي تقديرك العام في الكلية كان ايه
الشاب مقبول
الرئيس عال عال ..حاجة جميلة جدا لا وايه الباشا (ينخفض الصوت بالتدريج)(ايهاب يفتح الباب ويخرج بحزن شديد)
(موسيقي)
(ايهاب يبدأ يتمشي في الشارع)
(تتوقف الموسيقي)
(يتقدم اليه بائع المناديل)
البائع منديل يا بيه
(ايهاب يتجاهله)
البائع منديل يا باشمنهندس ، برع جنيه بس يا باشمهندس
ايهاب روح يابني الله يسهلك
البائع اخر واحدة يا باشمنهندس الله يخليك خلينا نروح
ايهاب (يصرخ) مقولتلك روح الله يسهلك ده ايه التناحة دي
البائع خلاص خلاص يا عم (يقلب وجهه ويهم منصرفا) الحمد لله
(ايهاب ينظر اليه بإستغراب)
ايهاب استني
البائع ايوه اي خدمة يا باشمهندس
ايهاب انت بتقول الحمد لله ليه ؟
البائع (بإستغراب) الله وفيها ايه يا باشا ، ما الواحد لازم برده يشكر ربنا سبحانه علي كل حاجة عشان الدنيا تتفتح في وشه كده والحال يمشي
ايهاب يمشي ازاي وانا مشترتش منك ؟
البائع يا باشمهندس ده نصيب والواحد مننا ما يعرفش الخير فين ولا مصلحته فين
ايهاب وانت ايه مصلحتك في اني ماشتريش منك ؟
البائع يعني مثلا يا باشمهندس حضرتك ماشترتش المنديل بربع جنيه في غيرك ممكن يديني نص جنيه ، يللا السلام عليكم (يهم بالخروج)
ايهاب استي ..هات المندي خد جنيه اهو
البائع طب ثانيةواحدة اشوف لحضرتك فكه
ايهاب لأ لأ خليه معاك انا مش عايز باقي
البائع روح يا شيخ الهي يفتحها في وشك ..شفت بقي يا باشا مش كلامي صح (يضحك ) يللا السلامو عليكم (يخرج)
(موسيقي يتوقف ايهاب قليلا ينظر الي المنديل ايتنهد ثم يضعه في جيبه ويخرج، يدخل ديكور الكلية ، يدخل الابعة سالي ، ساندي ، ايهاب ، ميشو)
ميشو يااه تصدقوا الكلية لها وحشه
سالي يا سلام اللي يشوفك بتقول كده وانت فيها
ميشو يا ستي اهو كله كلام ..(ينظر الي ساندي وايهاب فيجدهما مكتئبان قليلا)
ميشو يا اخوانا الاكتئاب اللي انتو فيه ده ..دي اول اجازة اخدها في جيش من 45 يوم اومال لو كنتوا دخلتوا لاجيش معايا كان هيبقي شكلكم ايه (يضحك)
ساندي لأ لا ممكتئبين ولاحاجة بس يعني اصلكم مش بتتكلموا في حاجة
ميشو خلاص نتكلم ..قللولي عملتوا ايه في الفترة اللي فاتت
سالي انا مفيش ادني قاعدة في بيتنا ما بعملش حاجة
ساندي وانا حاولت اشتغل وما نفعتش مع انها مش فارقة كده كده الشركة طلعت نصابه
ايهاب وانا زيها ..(يكلم نفسه ) عشان سي مدحت يشتغل
ميشو مدحت مين
ايهاب لا لا مفيش
ميشو مممممم..طب عال عال ..اه صح اسكتوا مش انا جالي جواب من طارق
ايهاب ييه يا عم افتكر حاجة عدله
سالي وبيقول ايه في الجواب
ميشو مش فاكر بالضبط ...ثانيه اشوفهولك ..تقريبا معايا في جيبي (يبحث ) ايوه اهو ..
ساندي ها اقرأهلنا
ميشو حاضر (يقرأ) ...زملائي واخوتي الاعزاء ..كيف حالكم عاليمن ايه اشتقت ليكم كتير واكيد انا كمان وحشتكم خاصة ايهاب حبيبي(ايهاب يشوح بإيديه ) اما عني ..انا الحمد لله كويس ..بقي لي هنا دلوقتي اكثر من 40 يوم والحمد لله اول ماوصلت هنا لقيت ناس تستقبلنى كان موصيهم على واحد قريبى ، مسئول بردة ، فى الاول تعبت شويه عشان الاقى شغل لكن الحمد لله لقيت ، هى شغلانه متواضعة صحيح لكن اهى حل مؤقت لحد ما الاقى وظيفة تليق بمركزى ...... عموما ادعولى و طمنونى عليكم اول باول و سلامى للجميع ...... طارق .
ميشو حظوظ .. واحد فى امريكا و التانى فى الجيش و الثالث قاعد فى بيتهم (يقولها بهزار)
ايهاب بتتريق يا ميشو ، ماشى طب صدقنى لا انا ماشى .
ميشو (يبتسم) يا بنى استنى ، خدنى معاك طيب .. انت قماص كده ليه يا بنى انت (يخرجون ماعدا سالى)
(سالى تمسك بالموبايل و تتصل)
سالى الو .........
ابونا الو .........
سالى سلام يا ابونا
ابونا سلام و نعمة ... مين معايا .
سالى انا سالى يا ابونا
ابونا سالى ! ....سالى ! ... اه سالى ، ازيك يا بنت ، فينك مش بشوفك .
سالى اهو ، موجودة يا ابونا صدقنى ... بقولك يا ابونا كنت عايزة قدسك فى خدمة.
ابونا اتفضلى ، قولى يا سالى عايزة ايه ..
سالى كنت عايزة جواب يا ابونا ...
ابونا جواب !!
سالى اه جواب من مسئول يا ابونا
ابونا جواب من مسئول ... انا مش فاهم حاجة طب بقولك يا سالى انا فى العربية دلوقتى نصف ساعة كدة و ابقى كلمينى عالبيت فهمينى الموضوع بالتفصيل
سالى ماشى ... انا هكلم قدسك .
ابونا مستنيكى .... سلام .
سالى سلام .... (تخرج سالى)
(يدخل التلفاز) (موسيقى)
المذيعة الان مع فتح برامج الهجرة الميسرة و المدعمة
ادفع 50 الف جنيه تروح كندا
ادفع 40 الف جنيه تروح امريكا
ادفع 35 الف جنيه تروح لندن
ادفع 30 الف جنيه تروح الخليج
ادفع 5 الف جنيه تفضل قاعد فى بيتكم
والان مع برنامج (ادفع عشان تقبض) حقق حلمك بالسفر اعمل زى الملايين و جمع الملايين .
(تخرج المذيعة)
(يظلم المسرح قليلا)
(تدخل ساندى و سالى) (يدخل كلا من ايهاب و ميشو من جوانب المسرح)
(دخلة موسيقى و فرح و زغاريد)
(ايهاب و ميشو يدخلان)
ايهاب مش ناوى تتجوز
ميشو اتجوز !! لا يا عم اتجوز ايه و اتجوز مين ؟!
ساندى نعم نعم نعم .... تتجوز مين ، ليه بقى انشاء الله هو مفيش بنات و لا ايه و لا يمكن مفيش ايه ماترد عليا ، يمكن مفيش بنات و انا واخدة بالى .... ايه ماترد عليا ساكت ليه (سالى تهديها)
ايهاب خلاص يا اختى
ميشو خلاص خلاص هتجوز ، يا ساتر ... اتجوز !! (يسرح و يبتسم)
صوت (بصراخ) ، يتجوز تتجوز يا فاشل
(ميشو يرتعب)
صوت يتجوز ... قال تتجوز قال ... اه طبعا ... عايز تتجوز ، تتجوز حاجة حمرا و خضرا و صفرا و فوشيا ..
ميشو لا ااا (يقولها بحزم) ، انا بحب الازرق ... يا بابا ... يا بابا افهمنى ....
صوت اخرس ... قال تتجوز قال ها ها ها ها .........
ا ها ها ها ......... (يختفى الصوت بالتدريج)
ايهاب ميشو ... ميشو ، انت يا بنى ، روحت فين
ميشو هه ، لا مفيش سرحت شوية ...... اه صحيح مش طارق بعتلىجواب
ايهاب تانى سيرة البتاع ده
سالى انت قريب الجواب يا ميشو
ميشو لا لسه ، تحبوا نقراه دلوقتى
ساندى يللا نقراه بدل ما احنا مش لاقيين حاجة نعملها
ميشو OK نقراه .... زملائى و اخوتى الاعزاء
بعد التحية ، كيف حالكم اتمنى ان تكونوا بكامل الخير و الصحة ، انا بخير و الحمد لله ، اما الجديد ...... لقد تطوعت فى الجيش الامريكى (موسيقى) (ينظرون لبعض فى استغراب) ... لقد تطوعت فى الجيش الامريكى ، و ذلك بعد ان مللت الوظائف التقليدية و ايضا لما فيه من مزايا عديدة لى و لاهلى ، لذلك اتمنى ان تراسلونى على الدوام لاطمئن عليكم و انقل لكم اخر اخبارى ... و نلتقى على خير .... اخوكم طارق
(ميشو يتوقف عن القراءة)
ايهاب الواد ده مجنون و لا ايه ، هو هرب من الجيش هنا عشان يدخلو هناك .... ده ايه العبيط ده
سالى اه صح ايه الحكمة فى اللى هوا عملوا ده
ميشو لا لا لا ... انتو مش فاهمين حاجة ... طارق ده بيخطط على كبير ...
ساندى ازاى ؟! ...
ميشو اصلكم ماتعرفوش المزايا اللى بياخذها اللى زى طارق
ايهاب مزايا ؟! .. مزايا ايه
ميشو اقولك مزايا ايه ... طبعا المرتب اللى بياخده فى الجيش الامريكى بيبقى اضغاف المرتب اللى بياخده فى اى حته تانية ، و حاجات تانية كتير زى التامين الصحى ، العلاج المجانى التامين عالحياة ، السكن المجانى ... ناهيك بقى عن الميزة الكبيرة
ساندى و ايه هى بقى الميزة البيرة ؟!
ميشو الميزة الكبيرة ان طارق بعد مادخل الجيش الامريكى بدل ماياخد الجنسية فى 5 سنين هياخدها فى سنة و نص ... يعنى
AFTER ONE & A HALF YEAR TAREK WILL BE AN AMERICAN CITIZEN
يعنى بقى مواطن امريكى الاصل 100% بس فى سنة و نص بدل خمسة يعنى اختصر لنفسه الطريق جدا
ايهاب يا ااه ، يابن الايه يا طارق
ميشو بس ....
(يقاطعه)ايهاب يا عم بس ايه ، انت خليت فيها بس
ساندى اه صح بس ايه ده كده حلو اوى هو هيحتاج ايه تانى ......
ميشو مش بقولكم ... انت اصلكم مش بتقروا جرايد و لا بتشوفوا نشرات
سالى قصدك ايه ....
(موسيقى)
ميشو قصدك ...... قصدك ان العربى هناك دمه رخيص
سالى يعنى ايه برده ؟!
ميشو يعنى العربى هناك مهما عمل قيمته كانسان مستحيل توصل لقيمة الامريكى ، اول مصيبة تحصل اى حرب تقوم هيبعتوا العربى على انه محارب امريكى اى مكان اى داهية ، البصرة ، بغداد ، الموصل ، افغانستان ... اى حته ... مش بقولكم دم العربى رخيص ، و للاسف كتير من المتطوعين ما بيبقوش عارفين ان الموضوع ممكن يوصل لكده
ايهاب يا ااه ، و تسوى ايه ان عربى يحارب عربى
ميشو يا عم الوطنى مش هو ده موضوعنا
ساندى يا عينى يا طارق
ميشو عينى يا طارق (يستهزا) ، قولى عينى عليا احنا ادينى اكتر من سنة متخرج لا عارف اشتغل و لا اسافر و لا اعمل اى حاجة اتخنقت .... فعلا اتخنقت
سالى طب و العمل
ميشو العمل .... العمل ان انا اسافر .... مش هقعد هنا لحظة واحدة (يخرج ميشو يجيب الشنطة)
ساندى استنى يا ميشو بس رايح فين ؟!
ميشو (بانفعال) هسافر ...... مش قاعد هسافر
ايهاب هتسافر فين بس
ميشو اى حته اى حتة امريكا كندا اليونان النمسا الكويت اى حتة .
سالى امريكا ! .....
ساندى كندا ! ...
ايهاب

سالى
ساندى
ايهاب

ميشو (يضحك ) اسكندرية صحراوى ...
(يبداون بالنداء )
امريكا ... امريكا ... امريكا ... امريكا
كندا ... كندا ... كندا ... كندا
اسكندرية صحراوى ... اسكندرية صحراوى ... اسكندرية صحراوى ... (ميشو يتجه نحو كل واحد )
(يصرخ ويرمى الشنطة ويسقط على الارض )
ميشو




الجندى 1 كفااااااية
(تغلق الستارة )
(فى العراق )
(صوت مدافع ورشاشات وقنابل .... موسيقى )
(يدخل 3جنود امريكان منهم طارق )
لا ...كدة كتير ...كتير اوى اللى بيحصل دة
الجندى 2 يا جماعة يا جماعة مش وقت كلام ....... خلونا نعرف هنعمل ايه
طارق نعمل ايه فى ايه ....... العراقيين محاوطين المكان من كل حته
الجندى 1 يعنى ايه ...... خلاص هنموت ......
طارق نموت ...... ليه ...... هو انا كنت داخلت الجيش الامريكى عشان اموت ؟!
الجندى 2 محدش كان ضربك على ايدك
طارق كنت عبيط ياريتنى كنت فكرت كويس قبل ما اسافر اصلا
الجندى 1 صدق اللى قال ...... مقبرة الامريكان
طارق ايوه مقبرة الامريكان (يصرخ) بس احنا مش امريكان ، و انا مش امريكى و لا عايز ابقى
الجندى 2 ده كان زمان ...... دلوقتى انت امريكى ، انت نسيت يا طارق ...... ده انت اللى اقنعتنا ان احنا تطوع معاك ... مش انت اللى قلتلنا ال AMERICAN CITIZEN
طارق يادى ال AMERICAN CITIZEN خدوها خلاص مش عايزها (يخرج البطاقة و يرميها على الارض ...... انا كل اللى عايزة دلوقتى عايز اعيش)
الجندى 1 صعب
الجندى 2 صعب ؟! ...... صعب ازاى ؟
الجندى 1 يا جماعة انتو مش شايفين اللى احنا فى قلب معركة و حرب
طارق خلاص تعالوا نهرب
الجندى 1 خيانة عظمى ...... انتو ماتعرفوش ان الهروب من المعركة خيانة عظمى عقوبتها الاعدام
الجندى 2 و لو و قفنا نحارب قدام العراقيين هيقولوا علينا عرب خونة و يستحلوا دم الامريكى و نبقى
طارق بردة خونا
الجندى 1 يعنى ايه كده خونه و كده خونه
(يدخل فجاة 3 محاربون عراقيون يطلقون النار)
الجندى 1 حاسب يا طارق (اضاءة)
(يحدث تبادل اطلاق نار) (طارق و زملائه يهربون يفشل طارق)
(ترمى قنبله) (يسقط طارق فى منتصف المسرح)
(تفتح الستارة على ديكور الكلية)
(المسرح مظلم تماما)
(ميشو جالس وحيدا لابس اسود و ممسك بولاعة و جواب) (يفتح الولاعة ثم تزداد الاضاءة تدريجيا)
(يدخل ال3 سالى ، ساندى ، ايهاب) (ينظرون الى بعض بشفقة على ميشو)
(ايهاب يربت على كتف ميشو)
(ميشو ينظر له)
ايهاب

سالى
ميشو
سالى
ساندى ها لسه عاوز تسافر ؟
(ميشو يقوم و يعطيهم ظهره)
البقية فى حياتك يا ميشو ...... معلش ، ربنا يعزيك
ربنا ...... و هو فين ربنا
يعنى ايه ......
يعنى الكلام واضح يا سالى
ايهاب يعنى هو فين ربنا من كل اللى بيحصل ده
ساندى كتير تسمع ان ربنا بيحفظ و ربنا بيستر و ربنا بيساعد و ربنا و ربنا
ايهاب صح و ادينا النهاردة داخلين على سنه و نص بعد التخرج
ميشو و حتى من قبل التخرج مصيبة ورا مصيبة ورا مصيبة
سالى يا ساتر ......... متقولش كده يا ميشو ربنا مايجيش مصايب
(يلف حول سالى)
ميشو



ايهاب تيجى اعدد لك مصايبنا ...... و لا لا انا هاتكلم عن مصايبى انا بس
اول مصيبة كانت دخولى الجيش واتربطت سنه
ثانى مصيبة ضاعت فرصة السفر منى بسبب دخولى الجيش ها كفاية و لا اقولك تانى
اما انا بقى فاول مصيبة انى عدت سنة فى اول سنة و اصحابى كلهم عدو اما تانى مصيبة فزى ما انت شايفة متستت فى بيتنا و مش لاقى شغل ...... و كل ده علشان معنديش واسطة من البية المسئول
سالى هه و انت بقى يا ساندى مصيبتك فين
ساندى انا .........
سالى (تقاطعها) عارفين طول عمرى كنت بقول عليكم قلبكم قاسى او تقريبا ماعندكوش قلب ، لكن بردة مكنتش اعرف ان ماعندكوش مخ
ايهاب قصدك ايه
سالى قصدى المصايب اللى انتوا بتتكلموا فيها دى تحبوا نراجها من الاول ، انت ميشو بتقول ان دخولك الجيش كان مصيبة لا و ايه ضيعت عليك فرصة السفر ...... طب فكر كده شوية مش لو كنت سافرت مع طارق كنت هتعملوا زيوا بالظبط على اساس انكم صحاب و مبتسبوش بعض خالص مش كان يمكن مصيركم كان يبقى زى مصيرة
سالى و انت بقى يا ايهاب زعلان اوى انك عدت السنة ... افتكر كده لما قولتلنا ان صحابك اللى كانوا دفعتك قبل ماتعيد يعنى دخلوا الجيش بدل السنة قعدوا ... و انت و ساندى زعلانين اوى عالشغل ... ده انتو من بقكم قلتوا ان الشركة طلعت نصابة بتاخد تامين من المواطفين قد كده و بعدين قفلت ... شفتوا بقى قد ايه قلبكم كان قاسى شفتوا المصايب اللى كنتوا فكرنها طلعت ازاى خير ليكم و لينا
ساندى تصدقى يا سالى معاكى حق فى حاجات كتير قوى
سالى اه صحيح اسكتوا مش انا جالى جواب
(يجروا عليها و كل واحد يخطف الجواب شوية)
ايهاب ايه ده جواب ...... تلاقية جواب من مسئول كبير
ساندى (تخطف الجواب) لا لا ده تلاقية جواب شغل كبير
ميشو لا شغل ايه ده تلاقية LOTTERY يعنى سالى جالها هجرة
سالى هاتوا انا اقر لكم الجواب (يجتمعوا حولها)
سالى (تقرا) حبيبتى
ايهاب الله الله الله ده مين المسئول الروش ده اللى بعتلك بقولك حبيبتى
ساندى سيبها تكمل
سالى (تقرا ) حبيبتى ... حبيبتى (موسيقى )
سالى لا تخافوا انى معكم لن اترككم احيط بكم واضمكم الى قلبى
(واحد يسلم واحد )
ميشو (يقرا )لا تخافوا ... لن انساكم يوما اضع شمالى تحت راسكم و يمينى تعانقكم
(ايهاب ياخذ الجواب)
ايهاب (يقرا) لا تخافوا احميكم من عدوكم و الى مجدى اخذكم فبجوارى تجدون الغنى و الراحة و السلام
(ساندى تاخذ الجواب)
ساندى لا تخافوا اطلبونى فاقود سفينة حياتكم فى وسط الامواج و صخب هذه الحياة الفاسدة ، اكون لكم فنارا يضىء لكم و يرشدكم الى الطريق التى تسلكوها ...... لا تخافوا ساقودكم .... الموقع يسوع المسيح .
(تتوقف ساندى عن القراءة)(يننظرون لبعض)
سالى شفتوا بقى قد ايه المسئول بتاعنا اقوى و احن من اى مسئول تانى بس احنا نطلبة ، صدقونى هو مش هايتاخر
ميشو اه صحيح اسكتوا مش قابلت واحد فى الجيش و اتعرفت عليه هو هيبنى شركة و محتاج ناس كتير من التخصص بتاعنا ماتيجوا
ساندى

ايهاب ماشى ...... انا معاكم ليه لا
(يخرجوا) (موسيقى النهاية)
ايه ده يا ميشو ...... و هايدينا كام هه ؟! ميشو ......
انت يا ميشو (يخرج)
(مابلكم خائفين هكذا كيف لا ايمان لكم) مر 4 : 40
النهاية

بجد خرررررررررررررررراففففففففففففه ومسليه جججججججججججججججججججدا