يفتح الستار علي عيادة الدكتور حاتم وابو مينا الفراش ينظف ويرتب العيادة وهو يرتب ...ودخل د/ حاتم
د/ حاتم صباح الخير يا ابو مينا ...الله الله مالك فيه ايه
ابو مينا صباح النور يا دكتور مالك
د/ حاتم لونك مخطوف وبتكلم نفسك انا لازم اكشف عليك ا
ابومينا لا ..لا الحمد لله انا مش محتاج كشف من حضرتك ..مدام قلبي صفي وعايش مع ربنا يبقي الحمد لله ..بس ربنا يستر
د/ حاتم علي ايه ؟
ابومينا اصل حضرتك دكتور نفساني ...ومن جاور القوم 40 يوم
د/ حاتم (يفهم ويضحك) يا ابومينا انا بهزر معاك وبعدين في فرق كبير بين كلمة مجانين ومرضي نفسيين ...وبراحة شوية متخوفش الناس يمكن نطلعنا بزبون ولا اثنين
ابومينا حقك علي د/حاتم
د/ حاتم لا ..ما فيش حاجة انا فهمك ..روح اعملي قهوة ..شوف حد عنده حجز ولا ...لأ
ابو مينا حجز ...اه من كتب الزباين
د/ حاتم يا ابومينا سبني اعمل فيها دكتور كبير ومهم ...مش كفاية اللي بيحصل ليا في المستشفي كل يوم الصبح
ابو مينا شكلك قربت ....ربنايستر عليك وعلينا
د/ حاتم انا اقعد واعيش فيها ...وابقي عم الدكتور المهم ..مهم ..مهم ايه دانت بتفرش عيادتك بالتقسيط ..عمركم شفتم دكتور معندهوش شيزلونج
(يدخل ابو مينا يفاجأ الدكتور)
ابو مينا انا قلبي كان حاسس
د/ حاتم ايه ..يا ابو مينا خضتني ..مش تعقل بقي وتبطل حركات الـ....
ابو مينا انا برضك ...دا انت عمال تكلم نفسك ..دا انت خلاص وصلت
د/ حاتم اه انا وصلت
ابومينا طب حمد الله عالسلامه ..يوه ..بص يا بني انت ابوك موصيني عليك علشان كده انا قاعد وياك لغية دلوقتي ز.بص ريح كده واسمع شويه مزيكا هاديه ..ومدد كده وانا رايح اجهزلك القهوة بتاعتك
د/ حاتم انا اقعد اسمع الراديو شويه
"اليكم ايها السيدات والسادة ..اهم واخر الانباء ..استطاعت مجموعة من مرضي الامراض العقلية والنفسية بالامس بالهروب ونحيط السادة المستمعين علمنا با، هؤلاء المرضي من النوع الخطر ذلك نطلب من ادارة المهرجان التكاتف مع قوتنا الامنيه هيئه تمريض المسرحية للقبض والسيطره علي هؤلاء المرضي وارجاعهم الي المستشفي للاستكمال مرحلة علاجهم ..هؤلاء المرضي هم نبييل شوقي اوصافه طويل القامة ابيض الوجه ..
عدلي ؟؟؟؟اسمر ومج؟؟؟
كمال سيدهم ...رفيع وطويل ومعضم
وسيم جميل ..اظن واح مش محتاج وصف ....كنتم مع هم الانباء
د/ حاتم مش ممكن يا نهار ابيض
ابو مينا (يدخل) انت بتكلم نفسك
د/ حاتم اقفل الباب بسرعة وروح انت لميناابنك ..وانا مسافر البلد
ابو مينا طب لوحد سأل عليك
د/ حاتم قوله ..انتحر ..قدصي اتجوز مافيش فرق ..قوله دخل الجيش اي حاجة يا عم ..ا
ابو مينا انا مش فاهم حاجة
ابو مينا ياربي وانا قادر عليهم في المستشفي لما ...(يسمع اصوات غريبة)
ابو مينا في ايه يا بني خوفتني (يدخل الاربعة المجانين)
وسيم لله يا محسنين
كمال انا قولت كده برضه ..ع العموم هكلملك المحافظ
عدلي اه وماله
نبيل مش ممكن ..لأ لأ لأ
د/ حاتم انتم
الجميع اه
د/ حاتم اوعوا تكونوا
الجميع ايوه (يدخل الاستعراض)
(بعد انتهاء الاستعراض)
نبيل يبكي هئ ..هئ
حاتم مين ..فيه ايه ؟
نبيل يضحك ..هي دي هي وكسة الدنيا
عدلي بس يا عبد الحليم يا بني ..احسن اخوك لسه مصلحاش من تربته
وسيم ساعدو ا يتيم الاب والام ..يتيم الخال والخاله ..ييتيم العم والمعه والطنت والطنته ما فيش حد يحن عليا
كمال مافيش حد عنده دم ....يشيل الشحاتين دول من الدنيا ويخليها لنا احنا الاغنياء وبس
نيبل لأ لأ ...ما فيش فايده ..عمرها ما هتتعدل
د/ حاتم يا ابن حيرتني معاك ...طب ممكن اعرف
عدلي تعرف ايه ..الله ...انت مين
د/ حاتم انا (بيحاول يفتكر) انا باسم الصليب
ابو مينا د/ حاتم
د/ حاتم ايوه حاتم ..حاتم ..ربنا يسامحكم ..نستوني اسمي
ابو مينا ايه ده مين دول يا دكتور ..صحابك دول
كمال انت يا ..شكلك فراش مش كده ..هات لي قهوة مضبوط
عدلي هات لي طاولة و 3 شطرنج
نبيل هاتلي ابويا وامي والسكرتيرة
وسيم هات 0.5 جنيه ...اجيب لقمة اكل
ابومينا وانت يا دكتور
د/ حاتم هات الرجاله من البلد ..اوعي تمشي وتسبني
ابو مينا طبعا ..هوانا اتجننت
حاتم برافو عليك ...خليك معايا
حاتم حرام عليك عشان خاطري اوعي تسبني ..خليك معايا وانا هاحاول اهديهم شوية
(في هذا الوقت كل واحد من المجانين يحاول مع نفسه كلا منهم في لزمته)
حاتم ممكن تهدأو شوية
عدلي يا سلام يا بني ..انت باين عليك طيب قوي ..علشان كده انا مش هانتحر هنا
حاتم ايه ..تنتحر يا نهار ابيض
ابو مينا ايوه يا مينا يا ابني ..بتنده عليا
كمال ولد .زمش قولتلك تعملي قهوة وتقول لمعالي الوزير اني في انتظاره علي العموم ما تخفوش انا كلمت المحافظ وطلبت منه يسمح لعم عدلي انه ينتحر من فوق القلعة ..ولكنه رفض
ابو مينا قام جه ينتحر من فوق بلوكنتنا
د/ حاتم استني شوية يا ابومينا (باهتمام) هو مرضاش ليه
كمالي قالي معلش يا استاذ كمال مش حقدر اسمح لعدلي باستعمل سطح القلعة لانها لبست علشان خاطر الشتا وانتو عارفين الدنيا برد
نبيل الدنيا برد ..الدنيا برد وعم عدلي بأكل الورد ..لا لا
د/ حاتم هو فيه ايه
نبيل هو ربنا يعمل كده ليه معانا
حاتم بيعمل ايه
نبيل مافيش
حاتم فايده
نبيل لا ....دم ...و ؟؟؟؟علي رجلي بقاله ستة شهور
د/ حاتم بصوا بقي ..عايز تولعوا في العيادة ولعوا ..عيزين تموتوا ابو مينا موتوا ..لكن سيبولي شوية العقل اللي فضليلني
وسيم (بهدؤا اعصاب) تعالي بس تعالي (يرجع للاداء الاول) هتيالك يا فاعل الخير والشاب
عدلي سيبوا الراجل في حاله انت باين عليك تعبان
د/ حاتم تعبان
نبيل وريني كده (ينظر شمال ويمين) افتح بئك انت عندك روماتزم
د/ حاتم وف يامل اخف يا دكتور
نبيل احنا عملنا اللي علينا والباقي علي ربنا ..احنا ضحينا بالجنين علشان المستشفي تعيش
د/ حاتم نعم
نبيل قصدي ..انا هتكبلك علي دواه تأخده من بعد متنام وقبل ما تصحي
حاتم الحقوني
عدلي حرام عليكم يا جماعة تعالي يا بني ...تعالي انت بتشتغل ايه
حاتم دكتور
عدلي اه .. دكتور ايه ؟
حاتم دكتور امراض نفسيه وعصبيه
(الجميع يصرخون)
نبيل بلاش الكهرباء
كمال إلا الحقن
عدلي هوانت منهم
وسيم اه ايوه انت الله بتدينا الحقن
عدلي اعمل اللي انت عايزه ..انا خلاص سلمت امري
وسيم ا ايوه انت الله هاتدينا الحقن
(يستمر في حالة هستريا)
حاتم زهدي ...اهدي شوية ...قولي في ايه ..انت اسمك ايه
وسيم انا
حاتم ايوه ...اهدي شوية كده ..قولي بقي ايه حاكيتك
وسيم انا (بسرح شوية) انا اتولدت وفي بقي معلقة دهب والدي مليونير ..أمي مليونيره ..ورثت كل ثروتها واناعندي 5 سنين طول عمري وكل طلباتي مجابة ..قبل ما فكرني الشئ يكون عندي احلامي واوامري يجب ان تنفذ ..اتعلمت احسن واعلي تعليم وكنت بتعامل مع ارقي المستويات ..وفي صحيت علي خبر صعب والدي مات ز.وقعت بيه الطائره وهو مسافر لكندا عشان يخلص صفقة من صفقاته ..وفجأة لقيت نفسي وحيد وفي يوم وليلة كان المطلوب مني انني ادير الامبراطورية الصناعية بتاعت والدي ...ودخلت المؤسسة وفي المركز الرئيس وفي مكتب والدي وقعدت علي كرسي المرحوم
وسيم صباح الخير
سكرتيره صباح الخير وسيم بيه ..البقية في حياتك وسيم بيه
(بدور باقي المجموعة في تعزيته + تليفونات تعزية
سكرتيره وسيم به ..مندوب رئاسة الجمهورية جاي يعزيك
وسيم خليه يتفضل (يدخل المندوب)
المندوب البقية في حياتك يا بني ..والدك يا بني كان من خيار الناس ع العموم البركة فيك
وسيم وفي حياتك البقية
المندوب انا كنت قاصدك في خدمة (يهمس في اذنه)
وسيم قوي قوي ..(انتركم تدخل السكرتيرة)
خدي ابن الاستاذ ويتعين في قسم الحسابات واوراقه تبقي علي مكتبي (يخرج المندوب)
سكرتيرة تليفون من بورصة طوكيو وسيم بك
وسيم الو ..أيوه ..ايه ..كام ..لادي مش خسارة ..مش مشكلة اشتري كل الاسهم ايوه اشتري (تليفون ثاني) او ايه خليك وراه واوعي تهرب منك الصفقة وها احولك 3 مليون دولا علي البنك (تليفون اخر) ايوه 20 مليون بيع ..اشتري تليفونات ترن يتركها ويقوم
وسيم وذي ما نت مشايفين ..وانا قاعد في مكتبي ..اكسب ملايين واخسر ملاليم لكن في وسط كل ده .زانا فين مش عارف .حاسس حاسس بغربه ..حاسس ان في شئ ناقص ممكن يبان للبعض انه شئ بسيط لكنه ..اهم شئ في الوجود ...الحب لغاية ما شفتها ...جاني تليفون علي موبيلي الخاص من اسقف البلد
وسيم الو ..سلام يا سيدنا ..نقبل الايادي ..قداستك تامر وان انفذ حاضر ..ها يشتغلوا في الموقع اللي يفضلوا (يرن جرس)(سكرتيرة امرك وسيم بك
وسيم في 2 من طرف سيدنا ..اول ما يحضروا ..دخليهم علي طول
سكرتيرة موجودين فعلا
وسيم طب دخليهم (يدخلوا) واول ما شفتها (بإندهاش)
شاب سلام
وسيم مع السلامة
شابه أ / وسيم
وسيم نعم
شاب يا استاذ وسيم
وسيم نعم في ايه مين حضرتك
شاب كنا جايين من طرف سيدا نسأل عن وظيفة
وسيم انت وهي
شاب ايوه ..انا وهي ..خطيبتي
وسيم (يصدم) خطيبتك
شاب ايوه في مانع
وسيم خطيبتك
شابه ايوه ..وانشاء الله هانتجوز قريب
وسيم مبروك ..ويا تري ..عاوزين تشتغلوا فين
شاب أ / وسيم احنا مش جايين نتشرط ..سيدنا قال انك هاتوظفنا في المكان المناسب لمؤهلنا
وسيم طب ممكن اتكلم مع كل واحد علي انفراد
شاب اوي ..اوي
شابه هاستني بره (تخرج الشابه )
وسيم بتحبها
شاب نعم
وسيم اسف ..اقصد هاتحب شغلك
شاب طبعا ..وهاديله كل فكري ...عشان اقدر اثبت نفسي
وسيم كويس خالص ..تحب الاول نتكلم عن العمل او الراتب
شاب انا كل هدفي وظيفة مناسبة براتب مناسب للمجهود اللي هاديه للشغل
وسيم اسمع لو انت من المؤسسة دي ..ايه اللي ممكن تعمله عشان تحافظ علي
شاب (يقاطع) مش ممكن ان مدير مجموعات شركات وسيم ..انا عمر ما اتخيل نفسي في الوضع ده ..انا مستعد اعمل اي حاجة في الدنيا عشان اشتغل هنا
وسيم جميل جدا ..يبقي متفقين
شاب أ / وسيم (بعمليه وجديه) اللي اتعلمته في شغلي في الدنيا أ / وسيم ان لكل شئ مقابل يوازيه ..ايه المقابل الله هاعمله عشان ابقي في يوم وليلة مدير مؤسسة وسيم بك
وسيم تعجبني بأسلوب التفكير العملي ده ..انت قلت عندك استعداد تعمل اي حاجة فيالدنيا عشان تشتغل هنا وانا ها خليك المدير هنا
الشاب والمقابل
وسيم تنسي كل شئ تاني حتي خطيبتك
شاب انت بتتكلم مباشر
وسيم اتعودت اوصل للي انا عاوزه بسرعة ومن اقصر الطرق ..واخده
شاب مش كل حاجة تقدر تاخدها ..من ساعة ماشفتك ونظرتك لخطيبتي كأ،ك شفت عروسة في فاترينة وعايز تخدها ..بس اسف يا استاذ ..لا انا للبيع بمنصب مغري ذي ده ولا
وسيم متكملش ..سبها تقول رأيها بنفسها
شاب انا متأكد انها ها ترد بنفس الرد
وسيم يا ريت ما تسبقش الاحداث (السكرتيرة) دخلي الانسه الل عندك (تدخل الشابه)
شاب خدي بالك من نفسك
شابه ايه شكلك متغير في حاجة
شاب الامتحان صعب
شابه متقلقش
وسيم اتفضلي يا انسه ..ها اتكلم مباشرتا ..من غير لف ودوران
شابه وانا افضل كده برضه
وسيم انا بعرض عليك انك ..تبقي صاحبة كل الشركة دي
شابة بس انا عمري ما اتخيلت
وسيم معايا انا ..احلمي ..اتخيلي ..هاحققلك حلمك
شابه ايه
وسيم انا من اول ما شفتك وانا مش عارف ..حاسس انك الانسانه اللي طول عمري مستنيها ..انا بحبك
شابة بتحبني ..بس انا مخطوبة
وسيم للاسف ..لكن عايز اعرف ..يقدر يعمل ايه خطيبك عشانك
وسيم انا عندي استعداد اتنازل عن ثروتي ..المهم تبقي معايا
شابة اسفة يا سيد وسيم ..مقدرش اذهب لحد جي مقابل حاجة ممكن في لحظة تنتهي ..الحب لازم يساوي حب انت بتحب نفسك بس ..انسان اناني ..كل الله بتفكر فيه هو انت وبس عشان كده عمرك ما هتلاقي الساعدة لان السعادة مش في المال والسلطة ولا النفوذ ولا العلاقات (تخرج الفتاة)
وسيم وخرجت بعد مكشفت لي حقيقة نفسي اني انسان اناني ..وخرجت من الشركة ومشيت علي رجلي وكانت اول مره امشي علي رجلي في وسط الشوارع ومشيت كتير لغاية موقفني شحات بيطلب مساعده
وسيم انت سعيد
شحات يا عم ..هو في حد سعيد في دنيته
وسيم طب السعادة الاقيها فين
شحات بص ..انت تمشي لاخر الشارع وبعدين ..بقولك ايه انا مش ناقصك هاتديني خمسة جنيه ولا اتكل علي الله
وسيم طب بس انا هعمل معاك ..صفقة ..انا اديلك كل اللي انت عاوزع بس بشرط تخليني سعيد
شحات طب الزاي
وسيم قولي طيب
شحات طيب
وسيم يا عم قولي بس
شحات بس
وسيم طب جاوبني علي سؤالي ..السعادة في انك تملك اي شئ تتمناه
شحات ممكن ..لأ ..ما ظنش ...لانك ممكن بعدم تملكه تزهق منه وترميه ...بقولك ايه ...انا مش ناقص وجع دماغ سلام
وسيم استني شويه بس ..ايه رايك لو بدلت معاك
شحات ازاي
وسيم انت سعيد في حياتك؟
شحات الحمد لله
وسيم عايزك كل يوم تجيلي تقعد عندي في الفيلا وانا انزل اشحتمكانك واديلك الله انت عاتوزه وتروح بيتك
شحات بس انامعرفش اعيش حياتك
وسيم ارجوك ساعدني ..انا عايز اهرب من كل اللي بيتي وطني دنيتي ..بقولك ايه تاخد 10 تلاف جنيه وتديني هدومك
شحات دا انا اديلك عيالي كمان ..مع انكده هاتبقي عليا بخسارة
وسيم وبدلت حياتي مع الشحات عشان اهرب من كل حاجة في حياتي
د/ حاتم غلط ...الهروب غلط ..انت كنت بتدور علي الحب وملاقيتهوش
نبيل طب واللي يلاقي الحب بس بكميات تعمل تخمة وتكتم علي نفسك
د/ حاتم ايه
نبيل ذي ما بقولك ..ما هي دي مشكلتي ..امي وابويا بيحبوني بجنون
د/ حاتم احكيلي يا
نبيل نبيل ...اسمي نبيل ..من صغري وانا محدش عطيني فرصة اشغل عقلي كل ما احاول افكر في اي شئ يخصني ...اهلي يرفضوا يرفضوا ..يرفضوا راي ..ويرفضوا رايهم ويرفضوا مجرد التفكير في اني ممكن افكر في حياتي ..هي بس اللي من حقهم يفكروا ويقرروا ويحددوا ..وانا ..علي الطاعة دا غير في الاعدادية ..كنت بحب الالكترونيات والكمبيوتر ...وكان نفسي ادخل اي مدرسة فنية عشان اشبع حبي فيها لكن ابويا وامي كان ليهم راي تاني
الام نعم يا خويا ..انت عايزهم يقولوا ..ابني دخل صنايع طب وابن اختي الله في هندسة وبنت اختي اللي في تجارة واللي في حقوق واللي واللي ازاي
نبيل يا ماما انا بحب
الاب بقي بعد التعب ده كله معاك ..والمجموع الكبير ده ..عاوز تضيعه في الصنايع والمدارس الفنية ز.انت لازم تدخل ثانوي عام ...وتجيب مجموع كبير وتدخل طب علشان يقولوا ابني الدكتور نبيل
نبيل يا بابا
الاب انت بتقطعني يا ولد ..مافيش بابا ..هو انا بصرف عليك ومدخلك دروس في كل المواد ليه .
نبيل ما انا قولتلك اني مش عاوز دروس غير في مادتين بس
الام غلطانين احنا غلطانين مش كده
الاب عني عشان تنجح وتجيب مجموع كبير تلوم علي ز.انا اسف لك يا استاذ ..انا اللي غلطان
نبيل انا مقصدش
الام خلاص يا ابو نبيل ...نبيل هايسمع الكلام ..واناهروح اقدمله في المدرسةواهو بالمرة اعرف السكة ..عشان اوديه واجيبه مالمدرسة
نبيل ايه
الام مالك يا وله ..مانا طول عمري ..باوديك المدرسة واجيبك
نبيل يا ماما ان كبرت
الان هاتكبر علي امك
نبيل انا
الاب خلاص ..يلاخش نام عشان الصبح بدري هاتروح مع امك تقدملك في مدرسة المتفوقين
(يكمل نبيل )
نبيل ودخلت المدرسة ..وانا كنت التسليه الوحيدة لكل زملائي ..بتاع امه راح بتاع امه جه ..النونو راح ..النونو جه ..واللي امه لسه مافطمتهوش ..واللي ...واللي ..الخ ...بقيت الضحك والترقيه كل ده ..كنت باكتمه في قلبي واستححمل لغية مخلصت ..وفي ثانوي اتكرر نفس السيناريو بتاع الاعدادية مع اختلاف التوقيت ..وبرضه غصبوني ادخل كلية الهندسة ..تصدق والدتي كانت عايزه توصلني الكليه ..لكنها تعبت شوية ورقدت في السرير وفي الكلية شفت جسس كتير في المشرحة لكن تشد انتباهي جثه واحدة كانت ارق واطول جثه في المشرحة حبتها وحبتني منال
(تدخل منال)
منال نبيل
نبيل منال وحشتيني عامله ايه النهارده
منال اكله عدس بجبه وبدنجان مخلل
نبيل بقولك عامله ايه مش وكله ايه ..المهم بحبك يا منال
منال لو بتحبني قولي كلام حلو
نبيل كلام حلو ازاء ..اصل انا مسمعتش مما بتقول كلام حل قبل كده
منال كلام حلو يا نبيل ..يعني يا حلوة يا امورة مثلا
نبيل يا حلو يا امورة ..اكدب اخش الناس يعني يا منال
منال اييه ...همشي
نبيل خلاص غششيني وانا اقول وراكي
منال يا حلوة (يا عفشة) نعم يا امورة (يا خنشورة) ها فهمت
نبيل خلاص انا كنت قاعد في الحمام والفتلك حتة قصيدة اسمعي كده "بكبورة قلبي انفجر وترتش علي كمي ، منال حبيني واخلصي وفي قلبي لغوصي"
منال همشي
نبيل تمشي ده لسه
منال لسه ..لسه ايه
نبيل اسمعي يا ستي "رسمتك بذرة في البستان ..رميت البذرة ..والبذرة كبرت ..كبرت لغاية بسم الله ما شاء الله ما رعرت كده وبقيت نخله
منال ايه دي ..انت هتخرف
نبيل هو انا لسه خرفت ..روحي يا شيخة ..رغم انك قرعة ان حبيتك والحب عذاب بيخرب بيتك
منال ماشي ..انا كنت مش عايزه اوقلك لكن مبدهاش ..انت قصير و قزعة ومبتعرفش ..تقول كلام حلو
نبيل امشي انا غلطان حبيت وحدة بشنب ..زحلفة يا حوسه
(تخرج منال)
نبيل كل ده خلاني مليش نيس اقعد في البلد وفكرت اهاجر ..طلعت باسبور ورحت السفارة
استقبال جودمورنينج ..ازيك أ / نبيل
نبيل صباح الخير
استقبال اهلا وسهلا بيك ..انت مقدم علي هجرة لـ USA
نبيل ايوه
استقبال ليه
نبيل نعم
استقبال Sorry ..اقصد ...why العربي بتاعي مش very كويس
نبيل لا ..مش مشكلة
استقبال ممكن بقي تقولي ..انت عاوز تسيب مصر
نبيل اتخنقت شويه
استقبال نعم يا اخويا
نبيل مش طايق حد فيها ..قصدي راح ادور علي شغل
استقبال مش انت لسه بتدرس
نبيل يا ساتر ..انت هاتلككه ...عايز اطلع سياحة ..عايز اطلع من حضن امي اللي خنقتيني ...خلصيني بقي
استقبال حبيبي انت روحت الاقصر ..اسوان ..شرم الشيخ ..كفر الشيخ
نبيل كفر الشيخ ..اللي فيها ..
استقبال ايه فيها الشيخ
نبيل شيخ ايه ...البتاع اللي بيركبوا ..اللي بيركبوا العمدة
استقبال المتوسيكل ..الاسكوتر
نبيل اللي شبهك
استقبال الحمار
نبيل ايوه الحمار
استقبال احترم نفسك يا استاذ ..لما تسيح في بلد الاول ..ابقي اطلع سياحة عندنا ..يلا باي
تقدم العمل المسرحينبيل وكمان بره بيقولي لأ لأ ..مش طايقني ..مش قولتلكم ما فيش فايدة كلا حاجة لأ لأ ..لازم اذن بابا وماما هم اللي يفكروا ويقرروا وينفذوا ..كأ،ها حياتهم هما ..لا لا دي حياتي انا ..دنيتي انا انا مش معترض علي تدخلتهم لكن لازم يعرفوا ني بني ادام ولي راي انا انسان .ايوه انا انسان ليا كياني وشخصي وعقلي ولازم اعيش حياتي زي ما انا عايز ده ربنا نفسه خلق جوانا اراده حره ...يقوم اهالينا يدخلوا في ارادتنا يا ريت تفهموهم وتقولوهم ربونا في مخافة الله وحب الله ..ومع كل ده ..سبتوا مجال لشخصيتنا عشان تكبر وتبقي احسن
د/ حاتم عندك حق ..لكن ماقولتليش رحت المستشفي ليه
نبيل كل الضغط ده ...خلاني اهرب بأي طريقة ...بقيت اقول لا لا فاخترعت حكاية الجنان دي ..خدوني المستشفي ..تقدر تقولي حل مشكلتي ايه
كمال تقدر تقولي حل مشكلتي انا ايه
ابو مينا ايه يا بني ..ايه اللي حصلك
كمال رحت برجلي
حاتم رحت فين
كمالي الجواز ..الله يخرب بيته
ابومينا ليه كده يا بني ..ده من اسرار الكنيسة
كمالي ما انت لو شفت اللي حصلي ها تعذرني اتجوزت ...اتجوزت وكنت مفكر نفسي هاستريح خلاص ...زي ماكلهم فاكرين
ابومينا هما مين دول
كمال اللي عايزين يتجوزوا ..يجوا يشوفوا ..فكرت في الاول انه خلاص هاستقر واستقل بحياتي واعيش مع الانسانة اللي اخترتها ..صحيت علي كابوس وعينك ما تشوف الا النور قبل السنة ما تعدي اتحولت حياتي لمأساة
الزوجة يا كمال ..الواد عايز هدوم
يا كمال ..الواد عايز يروح للدكتور
يا كمال ..الواد عايز يطعم ضد شلل الاطفال
يا كمال ..الواد عايز يطعم ضد شلل الكبار
يا كمال ..الواد عايز يطعم ضد الفول
يا كمال ..الواد عايز نشيله فلوس في البنك عشان مسقبله
كمال وكلها سنة ..والواد يبقي اثنين والكارثة تبقي ضعفين الزوجة "لازم تعمل"
الزوجة حسابك من دلوقتي ..احنا عندنا رجاله وعايزين يدرسوا ويشتغلوا
كمال ودخلوا الولاد المدرسة
الزوجة كيمو ..الولاد عايزين يخدوا دروس
كيمو .. الولاد عايزين كراسات ...اقلام ..برايات ..جوم ومثلثات ...قمصان وبنطلونات ..اكل سندوتشات ..ويدفعوا للمدرسة التبرعات
كمال وكل ما تكبر الولاد تكبر معاهم مشاكلهم
الزوجة الحقني ...الحقني يا كمال ..الولية ام عطا جارتنا ..ضربت ابنك الكبير قالي ايه ... صوته وهو عالسلم بيكح وترلها اعصبها
قوم ايه .. انا رحت لها ..ومسحت بكرمتها الارض ...راحت ماسكه فيا هي وبنتها ..وهاتك يا عراك
كمال وبعدين عايزاني اعمل ايه ..اروح اضرب الولية
الزوجة لا جوزها
كمال ليه
الزوجة اه ..تضرب جوزها تصطاده وهو جاي من الشغل الساعة 6 اصله شغال في شكرة كرون للملابس الجازهة وتوريله العين الحمرا ...وانت معاك جوز تيران ذي الفل ..يمسكوا يفركوا
كمال يا ولية اتقي ربنا بقي
الزوجة ايه هوعشان خايفة علي كرامتك وكرامة ولادك بقي مفترية طب لما اشوفها .. حاوريها الولية الارشانة دي طيب ..طيب يا وليه يا ارشانهعلي فوق لما نشوف يا ختي الي خادته القرعة تاخده ام شعر يا حبيبتي اكمن ابنك جيبلك فيديوا من الكويت تعملي اللي بارم ديله لا يختي اندمي يا اوته الخيار بقي بستة وشووووباش
ابن 1 بابا ..عاوز 100 جنيه عشان دروسي
كمال عايز 100 جنيه دروسك ....ليه
ابن 1 انت نسيت يا بابا ...انا في ثانوية عامة
ابن2 وانا يا بابا عاوز 200جنيه
كمال ايه كام
ابن 2 200 جنيه يا بابا ...كل اصحاب معامهم موبيلات اشمعني انا
زوجة اه فكرتني يا واد
كمال انت كمان عايزه موبايل
زوجة لا عايزاك طيب يا اخويا
كمال ويدي تيجي
زوجة عاوزه كده ..يا ابو العيال ..كده يجي 1000 جنيه
كمال 1000 جنيه
زوجة عشان اجيب الفيديو اشمعني ام عطا عندها فيديو5 نظام عندي كيمو 7 نظام
كمال ربنا يخدك وياخد ام عطا والجيران وكل السكان وكل انسان يا ولية حرام عليكي
الزوجة يا ولية حرام عليكي ..ايه ده انت اتجننت
كمال ايوه ..انا اتجننت
د/ حاتم وكنت عاوزني اتجوز يا بابا ...تعالي شوف
ابو مينا لكن يا كمال ..في ناس كتير متجوزين وعايشين في سلام
كمال عشان مش متجوزين مراتي
ابو مينا لها
كمال يبقي معندهمش ام عطا ..ع العموم انا مستريح كده ..انا معاهم كنت تعبان ومش قادر اعيش ..لكن حياتي مع المجانين لها طعم تاني
ابو مينا بس لازم ترجع لولادك دول اكيد محتاجنلك
عدلي طب واللي ولاده مش عايزينه ..وعاوزين يروثوه بالحياة
د/ حاتم هي دي حكيتك مش كده ..اسمك ايه
عدلي عدلي بشنونه
د/ حاتم ايه مشكلتك بقي
عدلي حرام عليكم قلبتوا علي المواجع
ابو مينا مالك يا عم عدلي
عدلي يا سلام ..من زمان مسمعتش عم عدلي بالحنيه دي ..حكايتي كان عندي 3 ولاد ..كنت بحبهم حب غير عادي ...وكانوا بالنسبة لي الدنيا وما فيها ...هما
ابو مينا مين ..كمل يا عم عدلي
عدلي مريم ...مراتي ..كنت بحبهاجدا ..وبالنسبة لي كانت كل حياتي لغاية ما ..ماتت ..ماتت وسابت لي اولادي حبايبي ...اولادي اللي كانوا سبب كل اللي حصل ليا
د/ حاتم ازاي
عدلي بعد ما ماتت مريم اتفرغت لتربية اولادي وكنت ليهم الاب والام والعم والطبخ والمدرس ..وكل حاجة...كنت معتمد في مصاريفي علي ميراث من ابويا لاني كنت ورثت ثورة كويسة من ارادتها كانت معيشانا عيشة حلوة وكبرت الاولاد وبدأوا يفكروا في حياتهم الخاصة بنيت لكل واحد شقة في بيت العيلة وقولت خلاص عملت اللي عليه وهمايكملوا مشورهم ...
وكمل انا اليومين اللي بقينلي في حياتي في شقتي مع ذكريات مراتي وفي يوم وانا مروح سمعتهم
1 احنا لازم نبيعه
2 طبعا لازم نبيعه
3 بس فيه مشكلة
2 مشكلة ايه
3 شقة ابوك هنطلعه منها ازاي
1 ايوه ازاي
2 مشكلة ازاي نخليه يوافق ع البيع
1 لازم يوافق انا كل مستقبلي متوقف علي المبلغ اللي واخده من البيع
3 وانا عايز اسافر امريكا
2 وانا خطيبتي في القاهرة وهاروح اقعد هناك واعمل مشروع ابدأ فيه حياتي
1 مش ممكن يرفض لازم يوافق
2 طب لو موفقش ..انت عارف بيحب البيت ده قد ايه ..هنعمل ايه ؟
3 نحجر عليه
2 ايه
1، 3 نحجر عليه
2 نحجر علي ابونا
1 ايوه يتنازل ويبيع يأما نحجر عليه
2 طب هيعيش فين
3 يعم في اي دار مسنين
2 ازاي
3 نقول انه اتجنن وعايز يتجوز بنت اصغر من اولاده في السن ده وانه بيصلح غلطته معاها بعد موعدها بالجواز
2 اذا كنتم متفقين كده انا معاكم وكمان خلو البنت اللي هتشهد عليه عليا انا
عدلي مساء الخير
1 بابا ازيك
2 مساء النور يا بابا
3 اهلا يا ولدي
عدلي ملكم بصين في الارض ليه
3 بابا
عدلي ياه ..بابا كويس انك فاكر الكلمة دي ..بابا ..يعني وخدين بالكم اني ابوكم والمفروض انكم اولادي
2 بابا ..مالك
عدلي مالي ..انتم الله مالكم يا اولاد عدلي عاوزين تبيعوا البيت اللي اتربيتوا فيه عاوزين تبيعوا ميراث ابوكم
1 انت سمعتنا
2 معقول يا بابا
3 معقول يا بابا تجسس علينا وانت في السن ده ...دي عمايل ناس كبار
عدلي ودي عمايل ناس تحب ابوها
1 احنا عمرنا مكرهناك
2 احنا عاوزين مستوانا يتحسن
3 ايوه يعني بالعربي ...عاوزين حقنا ..ولازم تموت عشان نورثك
عدلي اموت ..وتقولوها كده بمنتهي البساطة ..دا انا اهون كان علي الموت ولا اسمع ولادي بيتمنولي الموت
3 انا ماقولتش كده ..ومقصدش
عدلي امال قصدك ايه
2 بابا
عدلي متقولش حاجة
1 احنا محتاجين فلوس والبيت قدامك اهه ..موقعه حلو يجيب مبلغ محترم
عدلي يعني محتاجين الفلوس اكتر مني ...طيب بيع مش هبيع واعلي ما فخيلكم اركبوه
اولاد عدلي خلاص ...نتقابل في المحكمة
القاضي الادعاء يتفضل
الادعاء سيادة القاضي ..حضرات الجمهور ..هذا المدعو عدلي قد جن نعم لقد اصبح في حكم مختلين عقليا فهو يوجد رجل يفعل ما فعله هذا العدلي انني كلما اتذكر فعتله مع تلك الفتاة واتخيل ما قالته لي عن محاولة هذا الرجل لـ...ان لساني يعجز عن سرد ما حدث ...دي اصغر من اصغر اولادك ..يا نمس اراد ان يوقعها في شباكه ولكم ان تتحققوا يا سيادة بعد ان يحاول معاها بوعدها بالزواج لقد ضاعت القيم وفسدت المبادئ وخربت الدمائر
القاضي يا استاذ متضيعيش الحجرين اللي احنا عملنهم ..عندك شهود ولا نجيبلك احنا
الادعاء سيادة القاضي لقد اقنعت المجني عليه ان تصف ماحدث لها امام المحكمة
قاضي يعم هتها (تدخل البنت)
البنت ايوه يا سعادة القاضي
القاضي اهلا يا ...ايه الغباء ده ..انت اسمك ايه ؟
البنت عديلة
الادعاء عديلة
قاضي استثي بلانيله ...ايه يا كبتن ..مش تستني ...ها نقطع علي بعض ولا ايه ان مكناش خرجين دبلوم صنايع واحد كنت عملت ايه عديلة ان ساكنه فين
عديلة مش وقته
قاضي خلاص الساعة 2 بعد ما خلص الحتيتين اللي في ايدي ...اتفقنا
عديلة اتفقنا
القاضي ماشي بقي يا عم خلصني بقي ..وانت شبه كوز الدرة انامش فضيلك الساعة 1.30 وعايز اجيب المدام من الحضانة ومعهاش سندوتشات
الادعاء عديلةقولتي ان عدلي حاول
عديلة متفكرنيش
القاضي متفكرهاش ..بقي يا قليل الادب
الادعاء افكرك بإيه
عديلة متفكرنيش بوعود
القاضي عيب يا عديلة الكلام الساعة 2 مش دلوقتي ...دي هتبقي ليلة خلص بقي يا عم الساعة بقت واحدة
الادعاء هو انا لسه قولت حاجة ..ركزي معايا احكلنا ايه اللي حصل
عديلة ابوا وعدلي بيقعدوا ع القهوة مع بعض وفي مرة قال عدلي لابويا ابعتلي بنتك عشان تنظف البيت
القاضي انا جي لبوك النهارده ع القهوة يا عديلة
الادعاء وانا البيت عندي بايظ خالص
عديلة واول ما دخلت البيت قالي
قاضي ايه عايز يروح الحمام
عديلة قالي
الاثنين ايه عملها علي روحه
عديلة تعرفي تعملي نسكافيه
الادعاء الحمد لله
قاضي علي ايه
الادعاء اصل لو كان طلب منها حلبه حصي ولا كراوية كانت توافرت شروك حسن النيه ..وطلع براءة واروح اصلح بوابير انا
قاضي انا مش فاهم حاجة ..وبعدين
عديله قولتله ورحمة ستي عدلات ..ماقدر ....قاللي اعلمك ..قولتله يوهن هوانا فاضيه ...قاللي انا فاضي
الادعاء فاضي ...فاضي ..قالها فاضي ..واخد لي بالك يا سعادة القاضي ...ده ان دل علي شئ انما يدل علي فضاء عقله وذوبان فكره وخربان ضميره ..و هو القضية موضوعها ايه ..
القاضي يا عم خلصني بقي ورايا بلاوي سودا ..قوليلي عملتي ايه بعد كده
البنت عرض علي الجواز
المحامي وكان رد فعلك ايه ؟
البنت رفضت طبعا ..وهو عشان يعملني اعمل النسكافيه ..اتجوزه اومال لو علمني الشوربه كنت عملت معاه ايه ..
المحامي وهكذا يا سيادة ثبت لكم بالدليل القاطع وهو النسكافيه ..ما فعله ارتكل عدلي ..وما وصل اليه من الاختلال العقلي مما يتطلب وضعه تحت وصايه اولاده ..وعلاجه في مصحة عقليه ووضع امواله تحت تصرف ابنائه اللي هما احنا
القاضي حكمت المحكمة ..ذي مقال اخويه الكبير بالضبط
عدلي وبعد الحكم ما قدرتش اقوم من علي الكرسي ..قاموا ودوني علي البيت ..لكني ما قدرتش اواجه اولادي ولا اشوفهم ..فهربت هربت من احب الناس لقبلي اولادي ..اللي كانت ضحكة منهم بتنسيني تعب الدنيا ودمعه في عيونهم تخليني اكسر الدنيا ..حاولت انتحر لكن ..ربنا بعت اللي يلحقني ويمنعني فعملت نفسي مجنون ..وراحو ودوني علي المستشفي وبقالي فيها سنين لا شفت ولادي ولاهم جم يشوفوني حاكم ...مش ممكن ..معقول في ناس بالقلب ده
ابو مينا ده شئ عادي في الزمن ده يا د/ حاتم ...بس علي فكره حل كل المشاكل دي وباقي المشاكل اللي عند كل واحد فينا مش عند دكتور نفسي عند واحد تاني خالص بعيد كل البعد عننا ..او بمعني تاني احنا اللي بعدينه عننا ..عند رب المجد يسوع ..صدقوني هو ده الوحيد اللي يقدر يحل كل مشاكلكم اللي كانت واللي جايه كل اللي عليكم انكم ترفعوا ايديكم ليه وتصلوا له وتطلبوه هاتلاقوه ما دام ايده ومستنيكم خلوه يسود علي حياتكم ويقود سفينتكم وقولوه سود يا يسوع في حياتي
الابراج