اول معجزه للشهيد ابانوب كمال

الحقيقه
النهارده هاحكى لكم عن معجزه كبيره جدا عملها معايا الشهيد ابانوب الجديد وده الاسم اللى سميتوه لحبيبى ابانوب اللى استشهد فى نجع حمادى
وعلى فكره انا من اول ما شوفت صورته من اول يوم حبيته زى ابنى ربنا يعزى اهله
المهم انا هنا فى امريكا عندى رسترونت والايكونوميك مش كويس وصعب اوى والمبيعات قليله اوى وطبعا هنا ده صعب اوى علشان الالتزامات اللى بالالاف اللى لازم تدفع كل شهر
المهم امبارح السبت لغاية الساعه 12 ونص ماكانش فيه ولا كاستومر والمفروض عندنا ان من قبل الساعه 11 ييجى كاستومرز علشان ده اسمه الانش تايم وهو ده اهم وقت ممكن نعمل فيه مبيعات
فتحت الايميل ده وشوفت صورة حبيبى ابانوب وبصيت عليه اوى انا ومراتى وقلت لها شايفه كان جميل ازاى يابخته دلوقتى هو شهيد واخد اكاليل عند ربنا وكلمته فى الصوره وقلت له يا ابانوب الجديد ياصعيدى ياشهيد الرب القدوس ياقديس اشفع فينا علشان ربنا يرزقنا وفعلا يدوبك قلت الكلمتين دول ولاقيت الكاستومرز جاهم وحققنا فى اليوم ده اكبر ايراد حصل خلال شهرين تقريبا
ياه صحيح شهداء نجع حمادى دول قديسين وطلبت منه هو واخواته اللى استشهدوا معاه يتشفعوا فينا ويطلبوا عنا قدام ربنا
على فكره انا بحبهم كلهم بس ابانوب عندى حاجه تانى خالص مش عارف ليه من اول ماشوفت صورته من اول يوم حبيته اوى
ربنا يعزى كل الاهالى اللى اولادهم استشهدوا ويابختهم استحقوا يموتوا على اسم المسيح واهلهم بقى ليهم شفعاء كبار اوى عند ربنا

اذكرونى فى صلواتكم ارجوكم انا محتاجها اوى

+++++++

اول معجزه للشهيد ابانوب كمال
كاتب هذه القصه اخ اسمه مجدي خليل عايش في امريكا
وهذه القصه حصلت في يوم السبت الموافق 6/2/ 2010

» معجزه للشهيد العظيم مارجرجس الرومانى
» معجزه للشهيد ابانوب النهيسى
» معجزه للشهيد العظيم مارجلرجس الرومانى
» احدث معجزه للشهيد ابانوب والبابا كيرلس
» معجزه للشهيد مارمينا العاجيبى