ترنيمة مالناش غيرك - كورال قناة الحقيقة - اهداء لشهداء نجع حمادى

ترنيمة مالناش غيرك
اهداء لشهداء نجع حمادى
كورال قناة الحقيقة

ترنيمه جديده إسمها ( مالناش غيرك ) مُستوحاه من صلاة أبونا مكارى يونان بعد أحداث نجع حمادى ( ومن عظة قداسة البابا شنوده عن أحداث نجع حمادى ) ترنيمه بنطالب من خلالها بالقص...اص العادل من مرتكبى جريمة نجع حمادى الترنيمه للشاعر رمزى بشاره وألحان وتوزيع وإخراج حاتم منير


كلمات الترنيمة


رافعينلك يا إلهنا صَلاه
مالناش غيرَك يا الله
وِعَشان إنتَ الحَق ضَرورى
العَدل هَيَاخُد مَجراه

لو حَقِّنا مَهضُوم أو ضاع
صَلَّح مِن تانى الأوضاع
بِدمُوع عيننا جينا تعيننا
مالناش غيرَك نِترَجَّاه

إشفى لنا قلوبنا المَكسُورَه
عَزِّى أى نفُوس مَقهُورَه
صَبَّرنا على إللى جَرى لنا
فى نَجع حَمَّادى وبَهجُورَه

أطفال لابسين لِبس جديد
راحوا يصلُّوا فـ ليلة العيد
مِن غير ذَنب إتقَتلوا يا عالَم
دَه يرضى مين وبإيه هَيفيد

وآدى أُم وحاضنه الصَّندُوق
بتقول لإبنها مالَك فُوق
جَهزت لك الأكل بإيدى
قُوم وإرجَع وَيَّايا ودُوق

لِبسَك مالُه الدَّم مَلاه
دَه أنا لِسَّه حالاً كَوياه
مالك ساكِت وما بِترُدِّش
صَعبانَه علىَّ يا وِلداه

دول سِتَّه غير الإصابات
قُولوا كفايه للعِصابات
أنا مِن حَقِّى أعيش بكرامتى
ويعيش فى سَلام الأقباط

سَلِّمنا أمرِنا فى إيديك
والظَّالِم سايبينُه عَليك
إحنا سامِحنا إللى ظَلمنا
إتصَرَّف زَى ما يرضيك

مش هَنقابِل نار بالنَّار
ولا عايزين ناخُد بالتَّار
عايزينك تيجى تعَزِّينا
وِتشيل مِنَّا أى مَرار

مابِتنعَسِّى ولا بِتنام
وكلامَك مش بَس كلام
قُلت مُبارك شَعبى فـ مَصر
إبعَت تانى لمَصر سلام

كلمات الشَّاعر رمزى بشاره
ألحان وتوزيع وإخراج الفنان حاتم منير



لتحميل الفيديو اضغط هنــــــــــــــــا

لتحميل الترنيمه mp3 من هنا

http://www.mediafire.com/?ttiydtk2ltl

او من هنا

http://www.megaupload.com/?d=986SITSN

او من هنا

http://rapidshare.com/files/356006460/Malnash_3_erk.mp3

او من هنا

http://depositfiles.com/en/files/pvnuv74ir

او من هنا

http://www.filefactory.com/file/b05c980/n/Malnash_3_erk.mp3

او من هنا

http://hotfile.com/dl/30188664/bf34428/Malnash_3_erk.mp3.html

او من هنا

http://www.badongo.com/file/20825481